Македонци во МК & Македонци во Странство

   Ти caldi33 не престануваш да тресеш зелени, додуша сега на кирилица. И се вика поСТдипломски, а не поЗдипломски. Мислам дека патриоти како тебе што прозиваат за знаење на македонски јазик на иселеничките, според тебе издајнички деца, треба да покажат многу поголемо познавање на сопствениот јазик и правопис. Можам да ти кажам дека seka што не е родена во МК, може да ти предава македонски. Истото важи и за моите деца.

Јас ќе те молам да ми посочиш еден универзитет во Северна Америка и Европа каде докторат на науки не е прв услов да се биде на академска позиција.  Исклучок може да се само уметностите, исто како и кај нас. Можно е часови да држат и докторанти, но тие се водат како студенти или асистенти и не се професори. Одговорноста за к*рсот ја има доктор на науки, најмалку на позиција на assistant professor или доцент по наше.
Исто, правиш конфузија со други звања, а пример дизајнер. Дизајнер значи ПРОЕКТАНТ по нашки. Од каде ти е идејата дека дизајнер подразбира виша школа? Има и дизајнери со докторати, зависи што дизајнираат.
За информација на оние што сакаат културно да дискутираат, ќе го напишам следново. Барем во Канада и САД, тоа е она што го знам, никој  не го оспорува македонското високо образование, барем не дипломата од УКиМ. Никој нема да те деградира на средна школа. Дури мислам дека и не е нужна ни формална нострификација, но знам некои луѓе ја прават. На индивидуата останува како и каде ќе се продаде. Никој никаде не те чека со раширни раце, треба да се избориш за позиција, значи да понудиш нешто од вредност.
Различно е за таканаречените „регулирани“ професии - лекари, забари, инженери, наставници во школо, архитекти - сите што на некој начин се поврзани со јавната безбедност. За овие професии е потребна лиценца, као за домашните така и за доселените. Секоја држава во САД, и провинција во Канада има сопствено регулаторно тело што ги пропишува критериумите за добивање лиценца. Лекарите и забарите главно треба да поминат околу две години на универзитет. Тоа е меѓу другото затоа што медицинските факултети кај нас се некомпатибилни со светските, кај нас пократко се студира, а и лекарското лоби тука е многу јако.
Инженерите поминуваат нешто полесно, на оние без искуство им се препишуваат два-три-четири испити за полагање, плус четири години искуство во Канада, а доколку индивидуата е со искуство од барем седум-осум години, лиценца им се издава после една година стаж во Канада, без полагање испити. Инаку, новодипломираните локални канадски инженери треба да работат четири години за да се стекнат со лиценца. 

Она што го потенцирав во претходните мои постови е дека новите иселеници се со капацитет да се вклопат во канадскиот систем брзо и ефикасно, само за неколку години. Тоа е заради процедурата на селекција, оти се бираат најдобрите. Дури и ако некои решат да не ја практицираат професијата што ја донеле од МК, тие се преквалификуваат и многу од нив се надпросечно успешни.

Внеси реплика	страница <123 4 5 >
Tweet