500 гр тенки кори за баклава

5 јајца

2 филџани шеќер

1 филџан масло

1 филџан јогурт

200 гр кокос

1 прашок за пециво

За шербет:

4 филџани шеќер

5 филџани вода

1 ванилин шеќер

Подготовка:

Се матат јајцата со шеќер, па се додава масло, јогурт и кокос измешан со прашок за пециво. Сето тоа треба добро да се измеша. На дното на подмачкан плех се ставаат две кори, па фил. Повторно две кори, па фил…се додека не се потрошат состојките. На крај се ставаат три кори, се сече баклавата на ромбови, па се премачкува со масло. Се пече на 200 степени околу 40 минути. Додека баклавата се пече, се подготвува шербетот. Водата и шеќерот треба да зовријат и се вари на слаб оган десетина минути. Пред крај се додава ванилин шеќер. Печената баклава се остава малку да се олади, па се попарува со врелиот шербет, па откако ќе го упие, се става во фрижидер.

12 кори

250 гр. маргарин

200 гр. лешници

80 гр. суво грозје

Мускатно оревче

За сируп:

300 гр. шеќер

500 мл. вода

1 ванилин шеќер

Сок од 1 лимон

Припрема:

На дното на тавата за печење ставете растопен путер, па ставете 4 кори исечени во големина на тавата, а меѓу сите нив нанесете растопен путер. Потоа ставете една кора, попрскајте ја со растопен путер, мелени лешници, рендано мускатно оревче и суво грозје, па прекријте со друга кора. Постапката повторете ја со следните 4 кори. Одозгора ставете ги останатите 4 кори, а помеѓу нив попрскајте само растопен маргарин.

Исечете ја баклавата на коцки или ромбови, прелијте ја со преостанатитот растопен путер и печете во загреана рерна на температура од 200 степени се додека баклавата не добие румена боја.

Во тенџере на оган растопете го шеќерот, ванилиниот шеќер, сокот од лимон и водата за да добиете сируп, па оставете го да се излади.

Откако баклавата ќе се испече, прелијте ја со изладениот сируп и оставете ја да отстои 2 до 3 часа. Добар апетит!

500 гр. тенки кори

За фил:

200 гр. мелени бадеми

200 гр. мелени ореви

100 гр. суво грозје

2 ќесички ванилин шеќер

150 мл. масло за јадење

За шербет:

500 гр. шеќер

2 лажици мед

1 лимон

300 мл. вода

Припрема:

Во посебен сад измешајте ги бадемите, сувото грозје, оревите и ванилиниот шеќер. Намрсете тава за печење со масло, па додајте две кори, па малку од смесата со бадеми и ореви. Потоа додадете уште две кори, па повторно додадете од смесата. Постапката повторувајте ја се додека не ги потрошите корите. Потоа баклавата исечете ја со остар нож на триаголници и ставете ја да се пече во загреана рерна на температура од 180 степени целзиусови околу 30тина минути, односно се додека корите не заруменат.

Во меѓувреме подгответе го шербетот. Во тенџере на оган ставете го шеќерот, водата и медот, како и лимонот исечен на кругови. Кога смесата со шербетот ќе се згусне, тргнете ја од оган.

Извадете ја испечената баклава од рерна и додека е топла прелијте ја со подготвениот шербет. Оставете баклавата да го упие шербетот најмалку 2 часа пред да ја послужите. Добар апетит!