Освен што покажува љубов (ама он кога сака), се чудам што сетила има и како знае кога нешто не ми е добро.
Па ќе дојде да ми се мота околу нозете, да се шушка-мушка во мене, да ми преде и да се гали.
Понекогаш ми делува како апче за главоболка.

Мачките се малку посуптилни кога станува збор за искажувањето љубов кон сопственикот. Иако некои тврдат дека се скржави во искажувањето наклоност, тие всушност имаат свои начини на кои покажуваат дека ви се приврзани.

Контакт со очи

Некои стручњаци велат дека задржувањето на погледот на сопственикот со нежно и суптилно трепкање е еден од начините на кои мачката покажува доверба.

Предење

Тоа е најчест начин за покажување на мачешката љубов. Покрај тоа, постојат многубројни показатели дека предењето на мачките е лековито за луѓето.

Ги згрчува шепите

Кога мачката ги згрчува шепите како да меси, слично како новородените мачиња кога цицаат, се смета дека е спокојна. Доколку притоа ја галите, а таа почне да преде, тоа значи дека е задоволна што е покрај вас. Говорот на нејзиното тело значи – љубов.

Дремка во прегратка

Ако мачката легнува покрај вас (или врз вас) веднаш штом ќе се спуштите на кревет, бидете сигурни дека ве сака. Во вашата прегратка ѝ е убаво и затоа сака да спие покрај вас, без оглед што сте ѝ купиле прекрасен мек кревет за мачки.

Ја спушта главата на вашата

На овој начин таа ве закача и бара да ја галите. Некои стручњаци велат дека токму ова однесување е еквивалент на човечко гушкање.

Ви носи подароци