Сос од печурки

Потребно:

* 30 г сув вргањ
* 1 главица кромид
* 40 г путер
* 20 г нишесте
* 400 мл супа од печурки
* 100 мл павлака за готвење
* сол
* магдонос

Приготвување: сувите печурки потопете ги во 150 мл топла вода. Излупете го и исечкајте го кромидот, па пржете го додека не стане стаклест. Додадете ги исечканите суви печурки и водата во која стоеја. Сето тоа прелијте го со супата во која сте го измешале нишестето и павлаката за готвење, па мешајќи загревајте го сето тоа, додека течноста не испари на 250 мл сос. На крај, сосот посолете го по вкус и посипете го со ситно сечканиот магдонос.

Зелен сос против желудочна нервоза

Освен што е вкусен додаток на салатите, ладното печено месо, месото од скара, на рибите и компирите печени во лушпа, зелениот сос од свежи листови од магдонос, босилек и матичник го забрзува варењето, ги смирува грчевите во желудникот и цревата, помага кај желудочната нервоза.
За овој сос ви е потребно: 1 лажица свежи листови од магдонос, 1 лажица свежи листови од босилек, 1 лажица свежи листови од матичник, 150 мл маслиново масло, 1 лажичка рендана кора од лимон, сол, бибер, малку табаско сос.
Во електрична мешалка ставете ги листовите од магдоносот, босилекот, матичникот, маслиновото масло и табаско сосот, па матете ги додека не добиете мазна смеса. Во сосот додадете ги ренданата кора од лимон, солта и биберот, па оставете го да отстои два-три часа пред употреба. Сосот чувајте го во фрижидер најмногу два дена.

Сос од ванила со овошје

Потребно:

* 400 мл млеко
* 1/2 ќесичка пудинг од ванила
* 2 лажички шеќер
* 3 лажици сок од портокал
* овошје по избор - свежо или од компот

Приготвување: измешајте го прашокот за пудинг со шеќерот и со 3 лажици млеко (земени од 400 мл млеко) добро измешајте го. Остатокот од млекото сварете го, извадете го тенџерето од ринглата и додадете го разматениот прашок за пудинг. Сето тоа мешајќи варете го 1-2 минути. Сосот постепено ладете го со повремено мешање за да не се создаде коричка. Откако ќе се излади, сипајте го сокот од портокалот. Овошјето исечете го и послужете го заедно со сосот од ванила.

Фантастичен сос

Потребно:

* 1 китка магдонос
* 300 мл јогурт
* 1 лажица сок од лимон
* 1 лажичка сенф
* малку шеќер
* сол
* бибер

Приготвување: измешајте ги јогуртот, сокот од лимон, сенфот, шеќерот, солта, биберот и ситно сечканиот магдонос. Подготвениот сос послужете го со печени компири или со печена риба.

Солен сос од дуњи

Потребно:

* 300 г исчистени дуњи
* 300 мл вода
* 200 м слатка павлака
* малку рендано морско оревче
* бел бибер
* сол

Приготвување: исчистените и излупени дуњи исечете ги на коцкички и варете ги во вриена вода. Варете ги 10 минути, исцедете ги, а потоа испасирајте ги. Потоа, во нив додадете ги павлаката, солта, биберот, ренданото морско оревче и загревајте ја смесата додека не зоврие. Солениот сос од дуњи послужете го со печено телешко месо.

Француски сос од црвено вино -за печено месо


1 л. црвено вино
1 главица кромид
1 гл.лук
70 гр.путер
20 гр.брашно
магданос
мајчина душичка
ловоров лист
бибер,сол
-Виното го ставаме да зоврие,и му ги додаваме ситно сечени кромидот и лукот,мајчината душичка,ловоровиот лист,сол и бибер.
-Се вари додека да изврие пола вино.
-Матиме 20 грама путер и брашно,па го додаваме во тенџерето со виното.Мешаме
-Непосредно пред јадењето се додава останатиот путер,магданосот ситно сечен,се пасира и служи.

Тако сос

Се користи како додаток при јадења од риба, месо или птици. Може да се комбинира и со тортиља чипс или со прилог од свеж зеленчук.

СОСТОЈКИ
• 1 голема лажица растително масло
• 1 кромид, исечкан на коцки
• 1 зелена или црвена пиперка, исечкана на коцки
• ½ до 1 чили пиперче
• ½ мала лажица мелен ким
• ½ мала лажица коријандер
• ½ чешне лук, здробен
• малку сол, бибер и шеќер
• лименка домати од 400 гр (или пире од домати)

ПОДГОТОВКА
Маслото ставете го во тава и загрејете го на слаб оган. Додадете ги кромидот и пиперката. Пропржете ги со постојано мешање, додека не омекнат. Ситно насечакајте го чили пиперчето и заедно со кимот, коријандерот и лукот додадете ги во тавата. Пржете уште околу 2-3 минути со постојано мешање.

Кон претходната смеса додадете малку сол, бибер, шеќер и лименката домати заедно со сокот (или пире од домати). Варете уште 5-6 минути (додека смесата не згусне) на не многу силен оган. Во зависност од вкусот, може да додадете повеќе зачини.