F1 Вести

ФОРМУЛА 1 - ПРОДОЛЖУВА ПОЛИТИЧКАТА БОРБА ЗА МОЌ ВО СПОРТОТ

Еклстоун: "И јас ќе гласав за Мозли"

Ф1 шефот Берни Еклстоун побара промена на системот на гласање во Светската Автомобилистичка Федерација (ФИА), посочувајќи на недостатоците кои му помогнаа на засрамениот претседател Макс Мозли да добие доверба и да ја продолжи својата работа овој месец.

Берни Еклстоун откри дека ако тој бил претседател на еден од членовите клубови кои одлучуваа дали неговиот стар пријател и сојузник Макс Мозли ќе остане на чело на организацијата, тој ќе гласал за него и покрај тоа што инсистира дека тој мора да си замине за добро на спортот.

Мозли го преживеа тајното гласање по шокантните вести од Њуз оф д Ворлд за неговиот приватен живот со изненадувачки голема разлика од 103:55, а по состанокот на сенатот на ФИА во Париз, Еклстоун беше критикуван дека наводно направил забелешки на штета на Африка. Тоа го сметаше генералниот секретар на Кениската Автомобилистичка Асоцијација, Дејвид Нјороге, висок член на ФИА, кој побара извинување за коментарите во Дејли Експрес на Еклстоун: "Само бидејќи Мозли доби повеќе гласови од Африка, тоа не значи дека кралот на Шпанија ќе сака да се ракува со него".

Наместо извинување, Еклстоун инсистира дека никогаш не го кажал тоа. 77-годишниот Англичанец сепак вели дека би сакал да го процени африканското учество во ФИА, додавајќи дека континентот има 36 членки, од кои само 24 имаат право на глас иако некои од нив имаат помалку од 200 индивудални членки.

Традиционалното право на глас во ФИА е еден член, еден глас, така што на пример Американскиот Автомобилистички Клуб (ААА), еден од главните критичари на 68-годишниот Мозли има само еден глас и покрај 43 милиони членови.

"Истото се оденсува на Јужноамериканскиот регион 4, кој има 18 земји со 505.000 членови, но дури 18 гласови. Тоа е структурата на ФИА и затоа вината не е кај клубовите кои гласаа. Ако јас бев член на тие клубови и јас ќе гласав за Макс, бидејќи лојалноста кон ФИА носи придовки. Се надевам дека ќе ја вратиме формула 1 во Африка наскоро", додава Еклстоун.

Во исто време ирскиот Индипендент тврди дека Мозли има краен рок до вторник (17 јуни) да си даде оставка, бидејќи ако не го направи тоа, ќе почне да се организира паралелната серија веќе за во 2009.

"Не мислам дека тоа е прва опција. Би сакале да работиме со ФИА", вели шефот на Хонда, Ник Фрај, додека шефот на Мекларен, Рон Денис додава дека "за пет години нема да имаме иста формула 1 како сега".

РЕЗУЛТАТИ (БАРСЕЛОНА - 3.ДЕН):

време кругови

1.Н.Пике Јуниор (Рено) 1:20.076 112

2.П.Де Ла Роса (Мекларен) 1:20.402 82

3.Л.Бадоер (Ферари) 1:20.680 63

4.М.Вебер (Ред Бул) 1:21.037 92

5.Т.Глок (Тојота) 1:21.158 86

6.Н.Хајдфелд (БМВ) 1:21.672 83

7.Р.Баричело (Хонда) 1:21.672 83

8.Н.Хулкенберг (Вилијамс) 1:21.674 60

9.С.Фетел (Торо Росо) 1:21.880 72

Хеики: "Се уште можам до титулата"

Возачот на Мекларен, Хеики Ковалаинен одбива да се откаже од светската титула, и покрај се поголемата разлика од него до лидерите во генерален пласман. По седум трки, Ковалаинен е зад асот на БМВ Роберт Кубица дури 27 поени, откако освои само еден поен од последните четири трки, што е навистина разочарувачки, бидејќи МП4/23 болидот на скоро секоја трка може да стигне до победата.

"Во моментов не гледам на поените. Борбата за титулата е отворена и сега со добри поени на Француското ГП ќе се вратам. Уште ја бркам мојата прва победа, иако резултатите не го покажуваат тоа. Можеби Мањи-к*р не е вистинско место за претекнување, но затоа квалификациите ќе бидат уште поважни. Имаме доста опции", вели Ковалаинен.

Ф1 ФЛЕШ

Поранешниот шеф на тимот на Тојота, Ове Андерсон, загина во средата во судар со камион на едно класично рели во Јужна Африка. Андерсон беше клучен човек во основањето на Тојота Тим Европа, кој израсна од неговиот Андерсон моторспорт тим. Тојота Тим Европа потоа се пресели во Келн и стана Тојота Моторспорт во 1993. Под негово водство Тојота се натпреваруваше во Рели ВРЦ шампионатот освојувајќи три титули кај возачите и четири кај конструкторите, а во 1999 го освоија второто место на 24 Часа Ле Ман. Тој го предводеше Панасоник Тојота Рејсинг тимот во формула 1 во 2002 пред да се повлече од местото шеф на тимот во 2003 и да стане консултант на тимот.

Хонда Рејсинг, најверојатно, се првиот тим кој почнува да се фокусира во дизајнот на болидот за 2009, откако завршија со овогодишните развојни програми во фабриката во Брекли. Шефот на тимот Рос Браун не криеше дека главниот фокус на тимот треба да биде 2009, но сите чекаа да се види колку дополнителна брзина може да се извади од РА108 болидот. "Има уште две-три работи со овогодишниот болид", призна Браун.

По катастрофалното Канадско ГП, оваа недела малку подобри врести за Мекларен. На 40-годишнината од првата победа на познатиот Ф1 тим, шефот на тимот Рон Денис ја доби годишниот Принц Филип медал за посебни успеси во инжинерството. "Ова е награда за сите кои работат во Мекларен, а не само за мене", вели Денис. Во понеделникот се одбележаа 40 години откако основачот на тимот, Брус Мекларен, победи на првата трка за тимот на Белгиското ГП во 1968 година.

Актуелниот светски шампион Кими Раиконен повторно застана во одбрана на претседателот на ФИА, Макс Мозли, во секс-ксандалот. Пред два месеци, асот на Ферари изјави дека скандалот е "лична работа" на Мозли, а сега откако Мозли беше потврден како претседател на ФИА, 28-годишниот Финец вели дека тоа е "добра одлука". "За мене тоа воопшто не е важно. Се работи за неговиот приватен живот и нема никаква врска со Ф1", вели Раиконен.

Од Хонда ги потврдија шпекулациите дека Даница Патрик ќе тестира формула 1 болид оваа година загревајќи ги надежите дека Американката, која ја оствари првата победа во ИндиКар во април, наскоро може да добие и место во формула 1. "Ќе ја ставиме во болид по крајот на сезоната да видиме колку е брза", вели шефот на тимот Ник Фрај за 26-годишната Патрик. Последна жена во формула 1 беше Џована Амати, која трипати се обидуваше да се квалификува за Бребем во 1992 година, пред да биде заменета со Дејмон Хил. 

Луис се заканува: "Ние сме незапирливи!"

Луис Хамилтон одбива разочарувањето на Канадското ГП да го спушти додавајќи дека ако не се удрил ќе ја "растурел" конк*ренцијата на трката. Хамилтон стартуваше од пол-позицијата и направи предност од 7 секунди, но по влегувањето во боксот тој удри во Кими Раиконен на излезот на боксот, судар за кој доби 10 места казна на Француското ГП за две недели.

"Ова не прави никаква разлика. Не ми се намали самодовербата, ниту сум разочаран. Нема да ми е потребен ниту ден одмор. Фактот останува дека ги уништивме сите тој викенд. Со болидот како што треба, ништо не може да н$ сопре", вели 23-годишниот Британец.

Хамилтон смета дека казната која ја добил е малку преостра.

"Како можеш да видиш црвено светло на крајот на боксот? Но, тоа е правилото и го прифаќам. Казната е преостра бидејќи не сакав да уништам трка на кого било", вели Хамилтон.

Кубица го посакува Алонсо за партнер во БМВ

Полјакот Роберт Кубица, кој постигна историски успех со триумфот на Ф1- трката за ГН на Канада, призна дека ќе се радува доколку Фернандо Алонсо му стане клупски колега. Возачот на БМВ, 23-годишниот Кубица, е близок пријател со двојниот светски шампион. Тој и Алонсо често го минуваат слободното време заедно играјќи карти. Полскиот возач, најверојатно, ќе остане во БМВ и во 2009 година, но е неизвесно дали и вториот возач Ник Хајдфилд ќе бидел дел од тимот за наредната сезона. Од друга страна, Алонсо повеќепати најави дека на крајот од сезоната ќе го напушти тимот на Рено, а како фаворити за неговата следна дестинација ги посочува Ферари и БМВ.
- За мене воопшто нема да биде проблем со Алонсо да возиме за ист тим. Со него многу добро се разбираме и соработуваме. Ќе биде многу забавно ако и двајцата возиме за БМВ, но се уште ништо не се знае. Со Алонсо се почитуваме меѓусебно не само како возачи туку и како пријатели. Не патам од тоа да бидам лидер во БМВ, треба уште многу да работам и да го подобрам својот настап. Во краен случај, само тоа има значење - да се фокусираш на својата работа и да редиш победи - вели Кубица.
Возачите на БМВ, Роберт Кубица и Ник Хајдфилд, со интерес ги следат и настаните на Европското првенство во фудбал. Интересно е што нивните репрезентации, Полска на Кубица и Германија на Хајдфилд, се наоѓаат во иста група во првата фаза од шампионатот. Засега Хајдфилд има повеќе причини за радост затоа што Германија во првиот меч ја совлада Полска со 2-0.
- Нема Германец што не го следи ЕВРО 2008, па така и јас сум фокусиран на настаните на фудбалскиот шампионат. Се израдував на триумфот на германската селекција во првото коло, но поради мојот колега Кубица посакувам и Полска да избори пласман во четвртфиналето. Така фудбалската возбуда и во нашиот Ф1-тим ќе биде многу поголема - вели Ник Хајдфилд.

Ферари и Мекларен се оградуваат од алтернативен шампионат

Тимовите на Ферари и на Мекларен-Мерцедес ги отфрлија шпекулациите дека планираат да го напуштат светскиот шампионат во Формула 1 под закрилата на Светската автомобилска федерација (ФИА) и да основаат алтернативно натпреварување.
За време на неделната трка за ГН на Канада се појавија информации дека имало средба меѓу шефовите на тимовите и првиот човек во Ф1, Берни Еклстон, на која се разговарало за оваа идеја. Според германските медиуми, на состанокот се разгледувала варијантата Формула 1 да се дистанцира од ФИА и да се елиминира влијанието на скандалозниот претседател на ФИА, Макс Мозли.
- Можам со сигурност да ви потврдам дека сите тимови во Формула 1 имаат потреба ФИА да биде главен арбитар - изјави шефот на Ферари, Стефано Доменикали.
Во одговорот на тврдењата за создавање алтернативен шампионат, од Мекларен -Мерцедес изјавија дека очекуваат стабилизација на состојбите во ФИА.
- Се надеваме дека по изгласувањето на довербата на Макс Мозли, ситуацијата во ФИА, а оттаму и во Формула 1, ќе се стабилизира - нагласи Рон Денис.
Според медиумските шпекулации, идејата за формирање алтернативен шампионат во Формула 1 потекнала од Берни Еклстон, кој планирал Ф1 да се отцепи од ФИА. Проблемите на релација ФИА - Ф1 се јавија и поради договорот „Конкорд“ со кој се регулираат комерцијалните, спортските и трговските права. Ова е писмен договор меѓу тимовите, Еклстон и ФИА. Според првиот човек на Ф1, симптоматично е тоа што претходниот договор е истечен уште во 2007 година и досега не е потпишан нов.
Од друга страна, претседателот на ФИА, Макс Мозли, веќе предупреди дека Еклстон и тимовите сакаат да ја преземат целата власт во Ф1 и со таа теза излезе пред делегатите на ФИА на состанокот во Париз на кој доби поддршка да остане на функцијата.

16.03.08 Nedela 5:00 c. pocinja prvata trka vo ovaa godina vo Melburn...

prljavoto e opravdano. Ajde sea i da gi obesime a? Kako da ne se dovolno sto im zemaa 100 boda u konstruktori i famozni 100 milioni evra, so koi makedonija bi mozela cela ekonomija da si ja sredi  Dovolno e, ne barajte sea od prst raka...