F1 Вести

Швајцарецот Себастијан Буеми, возачот на екипата на Торо Росо е единственото ново лице меѓу пилотите кои се пријавени за новата сезона од светското првенство во Формула 1.

На листата на пилоти која ја објави Меѓународната автомобилска федерација (ФИА) на првото место се наоѓа светскиот шампион Луис Хамилтон (Мекларен Мерцедес), втор е неговиот клупски колега Финецот Хејки Ковалаинен, а потоа следат пилотите на Ферари Финецот Кими Раиконен и Бразилецот Фелипе Маса.

Буеми зад воланот на Торо Росо го замени Себастијан Ветел, кој се пресели во Ред Бул на местото на пензионираниот Дејвид Кулхард. Веќе традиционално бројот 13 не е поделен. Хонда која најави повлекување од Формула 1 поради финансиската криза ги задржа двете места, па имињата на возачите се непознати. Не е познато името ниту на вториот пилот на Торо Росо.

ЛИСТА НА ВОЗАЧИТЕ:

1. Луис Хамилтон (ВБ/МекЛарен-Мерцедес)

2. Хејки Ковалаинен (Фин/МекЛарен-Мерцедес)

3. Кими Раиконен (Фин/Ферари)

4. Фелипе Маса (Бра/Ферари)

5. Роберт Кубица (Пол/БМВ Заубер)

6. Ник Хајдфилд (Гер/БМВ Заубер)

7. Фернандо Алонсо (Шпа/Рено)

8. Нелсон Пике (Бра/Рено)

9. Јарно Трули (Ита/Тојота)

10. Тимо Глок (Герм/Тојота)

11. Себастиен Буеми (Швај/Торо Росо-Ферари)

12. Непознат (Торо Росо-Ферари)

14. Марк Вебер (Авс/Ред Бул-Рено)

15. Себастијан Ветел (Гер/Ред Бул-Рено)

16. Нико Розберг (Гер/Вилијамс-Тојота)

17. Казуки Накајима (Јап/Вилијамс-Тојота)

18. Непознат (Хонда)

19. Непознат (Хонда)

20. Адриан Сутил (Гер/Форс Индија-Мерцедес)

21. Џанкарло Физикела (Ита/Форс Индија-Мерцедес).

Ферари го претставија Ф60 болидот за 2009

Ферари го презентираа својот болид за новата сезона со радикален изглед, по што шефот на тимот, Стефано Доменикали, веднаш предупреди дека новите регулативи во спортот ќе направат одбраната на титулата кај конструктори да биде потешка.

"Влегуваме во сезона за која ништо не знаеме. Другите тимови можеби имаат понапреден болид и затоа е добро да се биде внимателен. Но, мислиме дека ќе бидеме конк*рентни од стартот", смета Италијанецот.

Новиот болид ја носи ознаката Ф60, според бројот на Ф1 шампионати во кој Ферари се натпреварувал и веднаш на прв поглед се забележуваат разликите - пошироко предно крило од минатото и потесно и повисоко задно крило. Формула 1 оваа сезона ја отвора сезоната со многу променети правила, вклучувајќи ги мазните гуми и промени во аеродинамиката, а покрај тоа тука се мерките за намалување на трошоците како забрана на тестирање во текот на сезоната.

"Ова е целосно нов болид. Има многу позитивност во тимот, но знаеме дека 2009 ќе биде многу посебна сезона. Денес е важен датум поради првиот тест со новите системи. Може да има проблеми и ќе мораме бргу да ги решаваме", додава Доменикали.

Ферари ја освојува титулата кај конструктори 8 пати во последните 10 години, но оваа година треба да се врати откако нивниот Фелипе Маса ја загуби титулата за еден поен од возачот на Мекларен, Луис Хамилтон. Бразилецот во тимот и оваа сезона ќе вози покрај светскиот шампион од 2007, Кими Раиконен и покрај тоа што шпекулациите велат дека тимот има "таен" договор со Фернандо Алонсо од 2011.

Токму Маса, кој минатата сезона победи на шест трки, го имаше првото деби со болидот на патеката Мугело на северот на Фиренца, почнувајќи од 10:30 часот наутро. Промоцијата се пресели во Мугело поради лошите временски услови во тест-патеката на тимот во Фиорано.

Маса вели дека се чувствува многу посилен по се што се случи во сезоната 2008 и подготвен е повторно да се бори за титулата во 2009.

"Секоја година се чувствувам посилен и мислам дека со целото искуство, посебно од минатата сезона имам право да се чувствувам многу подготвен за новата сезона. Очекуваме Мекларен да бидат многу конк*рентни, а можеби и БМВ бидејќи лани имаа доста голем прогрес. Можеби и Рено може да се таму, но тешко е да се оцени сега. Очекував Ф60 да биде голем болид како од пред 10 години, но добивме компактен болид кој добро изгледа. Се надевам дека е брз колку што изгледа!", вели Маса.

Кими Раиконен, пак, вели дека е подготвен тешката 2008 да ја остави зад себе и да се врати во форма со која во 2007 во деби сезоната со Ферари ја освои титулата.

"Лани работите не одеа како што се надевам, но тоа е во минатото и сега има нов предизвик за мене. Прво треба да видиме колку болидот е добар бидејќи имаше многу промени на правилата. Во следните неколку недели ќе се споредиме со останатите, но целта останува иста - да се освојат двете титули", вели Финецот.

Ф1 се подготвува за новата ера

Ферари ќе го промовираат својот нов Ф2009 болид во Мугело денес, додека нивните главни ривали Мекларен Мерцедес ќе го претстават својот болид четири дена подоцна во седиштето во Вокинг. Снегот и ниските температури го принудија Ферари да го смени местото на промоцијата од Фиораново Мугело, но уште посериозно е влијанието на финансиската криза на двата најголеми формула 1 тимови.

Минатата недела, Асоцијацијата на Ф1 тимови (ФОТА) едногласно одлучи да постави нови мерки за намалување на трошоците оваа сезона за 30%, со што ќе се заштедат околу 1 милијарда евра. Иницијативата дојде од Светската автомобилистичка федерација (ФИА) во декември со идеите за мотори кои траат подолго и ограничување на аеродинамичкиот развој. Покрај ова ФОТА направи нови планови за 2010.

Дури и Рон Денис, шефот на Мекларен, кој обично е "конзервативен" околу овие прашања признава дека нешто мора да се направи.

"За нашиот бизнис, бидејќи сакаме да преживееме и бидејќи сакаме формула 1 да е посилен спорт, ова е добро за нас. За неколку дена ќе ги добиеме резултатите на испитувањето на јавноста околу формула 1. Публиката ќе го каже своето. Од нивните одговори ќе зависи квалификацискиот формат и други работи. Јас не сакам менување на работите, но мораме да го сочуваме спортот и интересот на фановите", вели 61-годишниот Денис.

Тестирањето забрането, Ф1 во нова ера

Формула 1 трошоците ќе бидат намалени следната година за најмалку 30% по серијата мерки договорени од ФИА и ФОТА во кои се вклучува забрана на тестирање во текот на сезоната. ФИА објави дека независните тимови ќе имаат преполовени цени на мотори од 2009, а од 2010 година мотор ќе чини околу 5 милиони евра.

Тестирањето нема да биде дозволено во текот на сезоната освен на редовните петочни тренинзи од ГП викендите, а од 2010 ќе се забрани и додавањето гориво и можно е да се намали должината на ГП трките. Според проценките на ФИА, новите мерки ќе им заштедат на тимовите кои работат со производители околу 30% од нивниот буџет за следната година, додека независните тимови ќе имаат и поголема заштеда.

Мерките доаѓаат во момент кога спортот гледа кон амбисот бидејќи големите производители на автомобили кои поседуваат половина од тимовите се наоѓаат во економски проблеми со преполовена продажба на автомобили и уште поголемо намалување на акциите. Хонда, кои потрошија стотици милиони евра без успех во спортот, веќе објавија дека се повлекуваат од спортот зголемувајќи ги стравувањата дека уште еден производител ќе се откаже пред стартот на новата Ф1 сезона во Австралија на 29 март.

Светскиот Моторспорт Совет (ВСМЦ) на ФИА, откако едногласно ги одобри промените кои беа одобрени од ФОТА, асоцијацијата на Ф1 тимови, исто така додадоа дека моторите ќе бидат ограничени на 18.000 вртежи во минута и ќе мораат да траат три трки место два. Тимовите нема да можат да користат повеќе од 20 мотори цела сезона. Од јануари исто така ќе има ограничување на користењето на скапите воздушни тунели и намалување на бројот на членови на тимовите кои ќе патуваат на трките. Новиот КЕРС систем за поврат на кинетичката енергија, нема да биде задолжителен следната сезона, а ќе се разговара за 2010.

Идејата на Берни Еклстоун наместо поени да се доделуваат медали како на Олимписките игри се уште не е одобрена и ќе треба да се направи целосна анализа.

"Мислам дека ова е првиот чекор формула 1 да се спаси самата себеси", вели претседателот на ФИА, Макс Мозли, иако неговата идеја за стандардни мотори во формула 1 засега е ставена на страна.

ШТО СЕ Е ПРОМЕНЕТО ВО ФОРМУЛА 1?

Од 2009 во сила се следните промени

МОТОРИ

- Секој возач може да користи максимум 8 мотори цела сезона плус 4 за тестирање (вкупно 20 по тим).

- Лимит од 18.000 вртежи во минута.

- Мерката за мотор за 3 трки од 5 ноември останува на сила.

- Цената на моторите за независните тимови ќе биде за 50% поефтин од 2008.

- Едногласно е согласено моторот на Рено да има промени за 2009, сите други мотори остануваат непроменети.

ТЕСТИРАЊЕ

- Нема да биде дозволено тестирање во текот на сезоната освен во тркачките викендите.

АЕРОДИНАМИЧКИ ПРАВИЛА

- Ниту еден воздушен тунел над 60% модел и 50 метри/секунда не смее да се користи по 1 јануари 2009.

- Нова формула со која ќе се балансира развојот во воздушни тунели во однос на компјутерските симулации ќе биде договорен по предлог на ФИА.

АКТИВНОСТ НА ФАБРИКИТЕ

- Фабриките ќе се затвораат шест недели од годината.

ТРКАЧКИ ВИКЕНД

- Тимовите ќе го намалат бројот на вработени преку серија мерки, вклучувајќи делба на информациите за гумите и горивото.

СПОРТСКИ СПЕКТАКЛ

- Ќе се направи програма за јавната реакција на новите идеи, како и можните промени на квалификациите и доделувањето на медали место поени.

Од 2010 во сила се следните промени

МОТОРИ

- Моторите ќе бидат достапни за независните тимови за помалку од 5 милиони евра годишно. Тие или ќе дојдат од независен снабдувач или од производителите кои се во Ф1.

- Истиот мотор ќе се користи и во 2011 и 2012.

- Ќе се користат идентични менувачи за сите тимови.

ШАСИИ

- Ќе се подготви листа на сите елементи и ќе се одлучува кој ќе остане во Ф1.

ТРКАЧКИ ВИКЕНД

- Стандардни радио и телеметриски системи

- Забрана за греачите за гуми.

- Забрана за додавање гориво

- Можно намалување на должината на трките.

Алонсо не си заминува без трета титула

Поранешниот двократен светски шампион Фернандо Алонсо е сигурен дека нема да се пензионира се додека не освои и трета титула.

"Сигурен сум дека нема да си заминам од формула 1 без уште еднаш да станам светски шампион", изјави возачот на Рено за шпанската радио-мрежа Кадена СЕР.

27-годишниот Алонсо ја освои титулата со францускиот тим во 2005 и 2006 година, но лани имаше мизерна сезона во Мекларен, во која се испокара со тимот и со клупскиот колега Луис Хамилтон пред да се врати оваа година во Рено. Проблемите продолжија и оваа сезона со Рено, пред во финишот на сезоната да биде убедливо најдобриот возач со две победи и најмногу поени во вториот дел од сезоната.

Тој потпиша нов двегодишен договор со Рено и се надева дека со Р29 ќе може да се бори за титулата во 2009, но Шпанецот повторно не сакаше да отфрли иднина со најпознатиот формула 1 тим Ферари.

"Брз одговор на тоа прашање нема да биде вистинскиот одговор", вели Алонсо за неговата постојана врска со тимот од Маранело.

Тој ќе се појави на тестирањето во Херез следниот месец, по што ќе почне со работата на болидот за 2009 на крајот на јануари.

"Денеска одам на поставување на седиштето за новиот болид, а за тоа е потребен половина ден", признава Алонсо.

Тој исто така повторно доби шанса да го коментира ривалството со Луис Хамилтон, за кое се смета дека е најлутото во формула 1.

"Не е толку лошо како што се мисли во Англија и во Шпанија. Му честитав кога стана светски шампион, како што направив со Кими минатата година. Му кажав да ужива, тој ми рече благодарам... Тоа е тоа", додава Алонсо.

ФОРМУЛА 1 - ЗА РАЗЛИКА ОД ЏЕНСОН БАТОН, ШКОТЛАНЃАНЕЦОТ СО УБАВИ ЗБОРОВИ ЗА ХАМИЛТОН

Култхард: "Луис е во иста класа со Сена и Шуми!"

Новиот најмлад формула 1 шампион Луис Хамилтон може да биде споменуван во ист контекст со легендите на спортот како Михаел Шумахер и Аиртон Сена, смета новиот пензионер Дејвид Култхард додавајќи дека неговиот британски сонародник ги "има сите состојки" за да ги повтори нивните неверојатни успеси во спортот.

Со поминувањето на ривалот од Ферари Фелипе Маса за титулата за само еден поен по драматичното Бразилско ГП, Хамилтон со 23 години и 301 ден стана најмладиот шампион подобрувајќи го рекордот на неговиот поранешен колега Фернандо Алонсо за 122 дена. Култхард, кој возеше за Ред Бул и ја заврши својата кариера на неславен начин откако беше удрен од болидите на Вилијамс во првиот круг, верува дека оваа титула е само прва од многуте за момчето од Стевениџ.

"Фер е да се стави Луис во друштво со луѓето како Сена и Шумахер. Неговите резултати последните две сезони се неверојатни. Има над 200 поен и беше втор и прв во првите две сезони. Тоа е неверојатен старт на сезоната и нема начин да се каже дека не е талентиран како тие момци бидејќи не сме виделе докази дека е поинаку. Можеме да размислуваме кој од тројцата е најдобар возач бидејќи никогаш не ги видовме во исто време на патека, но Аиртон ќе биде на врвот на сите листи поради болидите кои ги возеше, со нормални менувачи и без помагала. Михаел, пак, освои седум титули со неверојатен професионализам. Луис е од новиот тип на формула 1 возачи, подготвуван од детството. Тој беше во Мекларен и кога јас бев таму и слушавме колку е добар во картинг трките и во ГП2. Има уште многу работа пред него да ги стигне успесите на Аиртон и Михаел, но сите состојки се тука", вели Шкотланѓанецот, кој извозе 15 сезони за британскиот Дејли Мирор.

Ова е сосема поинаква оценка за Хамилтон од таа која неодамна ја даде уште еден британски возач, Џенсон Батон од Хонда, кој велеше дека Луис не е ништо посебно и дека и тој би стигнал до титулата со силен болид како Мекларен.

Култхард додава дека важната разлика меѓу најдобрите возачи како Шумахер, со кого имаше многу дуели во кариерата, е нивната реакција на промените. Затоа Хамилтон ќе станува уште подобар.

"С$ што гледаш како тркач е следното парче асфалт пред тебе! Размислуваш еден круг или можеби неколку круга напред. Кога ќе видите дека возачот пред тебе е бавне на една кривина, мислите дека следниот пат ќе го фатите таму, но најдобрите ја гледаат ситуацијата во дел од секундата и ја искористуваат. Затоа се најдобри. Тоа е инстиктивно тркање и затоа Луис е поинаков. Тој сфаќа дека Ф1 не е за тоа колку можеш најбрзо да извозиш круг, туку с$ е за целта. Свесноста за користењето на овие реакции станува подобра со години. Како и во животот, знаеш многу повеќе кога имаш 30 отколку кога имаш 20 години", додава Култхард.

Шкотланѓанецот, кој следната сезона ќе продолжи да работи како советник во тимот на Ред Бул, сепак, го предупредува Хамилтон да не се обврзува со Мекларен, посебно поради промените во спортот во следните неколку години. Хамилтон пред работниците на Мекларен во Вокинг изјави дека сака да остане во тимот до крајот на кариерата.

"За да остварува победи би било смешно да остане во Мекларен ако има лош болид. Тој сака да победува и знам зошто би кажал сега такво нешто бидејќи е на врвот на светот. Не треба да мисли многу на иднината, туку да ужива во титулата и следната година. Никој од нас не знае што носи иднината", додава Култхард.

Зошто Ф1 возачите ја сакаат Швајцарија?

Кога Луис Хамилтон минатата година изјави дека се сели на брегот на езерото Женева тој се жалеше дека притисокот на славата го натерал да го направи тоа. Неколку месеци откако го купи станот во Весеназ, предградието на Женева, тој се жалеше на досадата... Тоа е нормално е кога се следат советите на сметководителите.

Џеки Стјуарт исто така беше во Швајцарија да ги намали даноците. Тука е и Михаел Шумахер, Алан Прост и неодамна Фернандо Алонсо. На само час со автомобил, Хамилтон може да го посети Берни Еклстоун. За тие со сериозни пари и многу слободно време Швајцарија е совршена земја.

Секој странец кој сака да живее во Швајцарија и кој нема намера да работи во земјата без разлика на приходите плаќа фиксна сума, која се одредува според годишното трошење. Обично тоа се прави со сумата за кирија помножена по пет, по што се применуваат вообичаените закони. Во Женева тој процент е 40%, но за Хамилтон и друштвото тоа е одличен избор. Неговиот годишен приход, вклучувајќи ги договорите со Таг Хојер и Рибок вреди околу 28 милиони $. И да плаќа огромна кирија за станот во Женева, швајцарскиот данок е само мал дел од тоа што би го плаќал во Британија.

Мика стана менаџер за возачи!

Поранешниот светски шампион Мика Хакинен има нова кариера - како менаџер на возачи. 40-годишниот Финец, кој се пензионираше од Мекларен во 2001 година, стана дел од Ејсес групацијата од Монако, која е предводена од неговиот долгогодишен менаџер Дидие Котон и ќе работи на пронаоѓање и развој на млади возачи.

"Од сопственото искуство сфаќам што е потребно да се биде на врвот и колку е важно да имаш група професионалци на кои ќе им веруваш околу тебе", вели Финецот.

На почетокот на кариерата на Хакинен беше поддржуван од светскиот шампион од 1982 и негов сонародник Кеке Розберг, чија сестра е омажена за Котон. Покрај Мика, Котон беше менаџер и на Оливие Пани и Алекс Вурц.

Ф1 ФЛЕШ

Шефот на тимот на Хонда, Рос Браун, вели дека моторите во формула 1 мораат да имаат изедначени перформанси следната година бидејќи инаку шампионатот не би бил фер. Се шпекулира дека некои производители оваа година успеале да пронајдат дупки во правилата за да ги подобрат своите мотори, а исто како Браун размислува и шефот на Рено, Флавио Бриаторе. "Мораме да имаме вистински замрзнат развој на моторите, но тој мора да биде навистина вистински. Хомологацијата на моторите ја направи својата цел и сега тие кои имаат предност велат дека с$ е в ред", вели Браун.

Поранешниот возач на Ферари, Еди Ирвајн го поддржа Берни Еклстоун во тврдењата дека во формула 1 нема вистински расизам и покрај навредите кон Луис Хамилтон на тестирањето во Барселона. "Светот е полн со луѓе кои се расисти и тоа нема да се смени. Тие можат да одат на интернет и да се прават веб-сајтови с$ додека физички не повредуваат никого", вели 43-годишниот Ирвајн.

Екс шефот на Ферари, Жан Тод, не е сериозен кандидат за заменик на Макс Мозли на место претседател на ФИА. Тоа го вели шефот на Чешката моторспорт федерација, Радован Новак, кој се смета за еден од најблиските соработници на Мозли. "Тоа е мое лично мислење, но Жан Тод не е вистинската личност за тоа место. Тод ја нема поддршката на Берни Еклстоун и тоа е клучно. Флавио Бриаторе исто така е многу добар менаџер, но ако тој стане претседател тогаш во весниците ќе има приказни за неговите девојки, и тоа ќе биде полошо од проблемот на Мозли", вели Новак.

По с$ изгледа, повторно сме пред ново "натегање" за пари во формула 1. Според британскиот Гвардијан, сегашната асоцијација на Ф1 тимови (ФОТА) е бесна поради тоа што за долговите од 5 милијарди $ на сопствениците на Ф1 правата, ЦВЦ, формула 1 плаќа 230 милиони $ годишно. "Имаме банки, компании за нафта, финансиски институции и фармацевтски компании како спонзори, добиваме повеќе пари и ги намалуваме трошоците... Спортот заработува многу пари, а тимовите добиваат трошки", вели еден шеф на тим кој сакаше да остане анонимен.

Валентино Роси ќе се врати зад воланот на болид на Ферари на 20 и 21 ноември во Мугело. Новите тестирања за шесткратниот Мото ГП шампион се "награда" за неговата нова титула, велат од Ферари. Ова е петти тест за Роси во Ферари Ф1 болид, но само втор со други возачи, по приватните тест-сесии во Фиорано и Мугело.

Меѓународната автомобилистичка федерација (FIA) го донесе календарот на трките за сезоната 2009 од Формула 1. Трките започнуваат на 29 март, а завршуваат на 1 ноември.

На календарот има 17 трки, меѓу кои од овогодинешните ги нема Канада и Франција.

Според новиот календар, Големата награда на Кина ќе се вози во Април наместо во Октомври, пред Големата награда на Бахреин. За разлика од последните неколку сезони, кога стандардно последна беше трката во Бразил, следната година сезоната ќе се затвори во Абу Даби, која всушност е и единствена нова патека за догодина, а се вози на 1 ноември.

За разлика од планираното следната година да има една трка повеќе од веќе изминатата сезона, сепак ке има една помалку, бидејќи две патеки испаднаа од календарот.

Официјалниот календар за 2009:
29 март - Австралија
05 април - Малезија
19 април - Кина
26 април - Бахраин
10 мај - Шпанија
24 мај - Монако
07 јуни - Турција
21 јуни - Велика Британија
12 јули - Германија
26 јули - Унгарија
23 август - Европа (Валенсија)
30 август - Белгија
13 септември - Италија
27 септември - Сингапур
04 октомври - Јапонија
18 октомври - Бразил
01 ноември - ОАЕ