F1 Вести

Ферари, Мекларен и БМВ во потрага по брзината

Ако Мекларен не се во позиција да победата ГП трка оваа сезона, тоа нема да е вина на партнерот и снабдувач со мотори, Мерцедес-Бенц. Тоа е пораката која потпретседателот на германскиот производител, Норберт Хауг ја даде откако светскиот шампион Луис Хамилтон и Хеики Ковалаинен собраа само 4 поени од првите три трки во сезоната 2009.

"Ако се работи на начинот на кој работи нашиот КЕРС систем и моторот, тогаш сигурно ќе се бориме за титулата", вели Хауг.

Тој додава дека овој коментар не е критика за тимот на Мекларен, и покрај фактот што се освен моторот и КЕРС се произведува во фабриката на тимот во Вокинг.

"На полето на аеродинамиката можевме да завршиме далеку подобра работа", признава Хауг.

Мерцедес-Бенц снабдува 6 од 20 болиди во формула 1 со мотори оваа сезона, но само болидите на Мекларен го носат брендот на компанијата од Штутгарт, додека Браун ГП и Форс Индија исто така ги користат моторите. Додека Браун е на врвот во формула 1, Мекларен се мачи со МП4/24 болидот.

"Луѓето од Мекларен ни кажаа да им дадеме шанса и верувам дека во следните пет шест трки ќе се потрудат на ист начин како што лани ја освоија титулата", смета Хауг.

Дека ќе бидат потребни барем уште неколку трки за да се врата на врвот, признава и самиот Хамилтон.

"Имаме солидна насока во тимот, сите подобрувања носеа и подобри резултати и тоа покажува колку силен тим сме. Но, се уште сме на неколку трки од вистинска конк*рентност. Во Бахреин ќе видиме каде се нашите ривали", смета Хамилтон.

ФЕРАРИ ГИ МАЧАТ "МАЛИ И ГЛУПАВИ" ГРЕШКИ

Доколку Мекларен имаат барем неколку поени, Ферари се наоѓаат во најлошиот старт на сезоната од 1981 без поени за Фелипе Маса и за Кими Раиконен. Бразилецот Маса вели дека тимот има лоша среќа со "многу мал и глупав проблем" поради кој се откажа на Кинеското ГП.

"Во фабриката работиме да ги надминеме овие проблеми со постојаноста. Проблемот кој го имав со електрониката во Кина беше нешто што го гледаме по првпат. Мора да се признае дека среќата не е на наша страна и страдаме од мали и глупави проблеми", признава Маса.

Седумкратниот светски шампион Михаел Шумахер, кој освои пет од своите седум светски титули со Скудерија, вели дека е прерано да се отпишат Ферари.

"Ја сфаќаме нашата ситуација, но не се откажуваме. Ферари никогаш не се откажувале и во минатото, и затоа не треба да се отпишуваат уште сега. Тоа е доброто во формула 1, нема време за фрустрации и мораш да гледаш напред. Секако, ситуацијата засега не изгледа добро, но разликата не е толку голема како што изгледа. Рос Браун има многу знаење и тој е голем човек. Неверојатно е како направи трансфер од мотори на Хонда на тие на Мерцедес. Тоа е една од најневеројатните работи во Ф1 оваа година", смета Шуми.

ТАЈЗЕН: "НОВИОТ ПОРЕДОК Е ДОБАР ЗА Ф1"

Шефот на БМВ Заубер, Марио Тајзен пак вели дека менувањето на распоредот во формула 1 оваа сезона е добро за спортот, иако неговиот тим е еден од тие кои не покажаа најмногу во првите три трки. Германецот не се согласува со коментарите на шефот на Рено Флавио Бриаторе, кој вели дека кредибилитетот на спортот е нарушен бидејќи независните тимови ги победуваат производителите.

"Освежувачки е да се види нов распоред во формула 1, иако ние не добивме ништо. Има неколку ефекти кои ги немаше предходните сезони. Ако се види сега разликата од првиот до последниот е 1.5 секунда, а пред неколку години беше 5 или 7 секунди. За фановите е навистина забавно. Но, се согласувам со Бриаторе за тоа што вели дека ќе се потрошат многу пари додека се стигнат тимовите со дифузерите. Тоа не е добро за нас, ниту за спортот", смета Тајзен.

Lewis Hamilton (6th):
“It was almost too difficult to drive at the beginning of the race. But I found a good pace and had some fun in the opening laps, but unfortunately I destroyed my tyres quite early on. I made a few too many mistakes today. It was very slippery and my front-left tyre was finished long before the end but I still gave it my best. This afternoon was a real struggle but I’m glad I got some points for the team.”

Хм во изјавава не гледам баш жар и желби за победа,
мило му било за бодовите


Ferrari
Kimi Raikkonen (10th):
"In the early stages, it wasn't too bad but then, after my stop, I lost grip from the tyres and I was no longer able to push as hard as I wanted, because it meant the car was sliding a lot. A few times, the engine seemed to lose power, especially when I found myself close behind other cars, but then the problem went away on its own. Clearly the championship situation looks very difficult. We have made mistakes and we are not quick enough. In Barcelona, when we will have new aero parts, we should be able to pick up some of the grip we are lacking now. I am sure we can be competitive enough to win again but this work will take time. The team is motivated, I'm sure of that and we will all do our bit. Now it is easy to criticize, but we know how to turn things round."

Well...Clearly, и има што да се критикува иако
кога е Ферари во прашање и не мора да брзат да влезат во ритам

Лута битка за дифузерите во Париз

Рос Браун е опишан како "личност со крајна арогантност" на почетокот на сослушувањето за дифузерите пред Интернационалниот Апелационен Суд на ФИА. Ферари, Рено, Ред Бул Рејсинг и БМВ Заубер ги однесоа на суд Браун ГП, Тојота и Вилијамс во случај кој може да има огромно влијание на шампионатот.

Во срцето на проблемот е концептуалниот дизајн на дифузерите, аеродинамичкиот дел од болид от кој дава подобри перформанси и кој се наоѓа на задниот дел на болидите на трите тима. Во седиштето на ФИА, над Плас Де Ла Конкорд во Париз, Браун и ФИА беа издвоени како главни виновници за контроверзите.

Водечки во критиките беше легалниот претставник на Ферари, Најџел Тоци, кој успешно го претставуваше тимот во шпиунскиот скандал со Мекларен во 2007. Тој одговори на емоционалната изјава на Браун, кој поднесе голем број на документи кои треба да ги разгледаат петте судии. Во написот Браун вели дека жалбата е "одмаздувачка" и дека доаѓа од "луѓето кои се премногу спори". Тоци на ова одговори дека "само личност со огромна ароганција може да каже дека е во право, кога толку негови колеги не се согласуваат".

Браун ГП, Тојота и Вилијамс имаат т.н. "двоен дифузер", кој се состои од два дела со кои се зголемува проодноста на воздухот, се зголемува надолната сила и се зголемува брзината. Ривалите инсистираат дека не постои ништо во правилата што дозволува такви "дупки" во долниот дел на болидот.

"Сите со добро знаење на англискиот јазик ќе ви објаснат дека се работи за дупка во болидот, за која некој се прави умен и се обидува да го изврти јазикот. Жалбата не е поради тоа што ние не сме ја искористиле можноста, туку бидејќи Браун, Тојота и Вилијамс не работат според регулативите", додаде Тоци.

Под оган се најдоа и ФИА, и посебно техничкиот директор Чарли Вајтинг, кого Тоци го обвини дека "не ја сфатил поентата". Легалниот претставник на Рено, Ендру Форд забележа дека ФИА и Вајтинг минатата сезона прогласиле нелегален дизајн на францускиот производител кој е сличен со тој што сега го користи Тојота.

"Не се работи дека Рено не ја искористиле шансата и 'го пропуштиле бродот', како што кажа Браун, туку за нелегална одлука на ФИА. Во тој момент Рено го напушти развојот на дифузерот", додава Форд.

Тој потврди дека Рено веќе имаат прототип на дифузерот подготвен за трката во Кина овој викенд, доколку жалбата биде одбиена.

Браун ГП победи на првите две трки од новата сезона и резултатот од сослушувањето, кој ќе биде познат денес, може целосно да ја смени ситуацијата во шампионатот. Ако се одлучи дека дифузерите се легални, британскиот тим скоро сигурно ќе остане на врвот се додека ривалите не го "ископираат" дизајнот, а доколку дифузерите се нелегално, тогаш Џенсон Батон може да ги загуби двете победи.

"Не можете да бидете 100% самоуверени, но верувам дека ќе победи здравиот разум и дека судот ќе одлучи дека има механизам кој ние го почитувавме. За да можеме да ја продолжиме сезоната како што треба", изјави Браун.

Поради големината на случајот, покрај 5 судии, има 38 луѓе присутни на сослушувањето, дел адвокати, членови на тимовите и официјални лица на ФИА.

Ситуацијата во Ферари е "неприфатлива"

Актуелните шампиони кај конструкторите, Ферари, бараат брз одговор откако двата болида завршија надвор од поени на скратеното Малезиско ГП, една недела откако имаа нула поени и на првата трка од сезоната во Австралија. Тропската бура во Сепанг ја прекрати втората трка од сезоната донесувајќи втора победа по ред на Џенсон Батон во Браун, додека Фелипе Маса и Кими Раиконен не беа во ниту еден момент фактор во трката.

Откако погрешната проценка околу неговото постигнато време му ја уништи квалификациската сесија и мораше да стартува како 16., Фелипе Маса смета дека италијанскиот тим мора да почне од почеток пред Кинеското ГП во Шангај следниот викенд.

"Се работеше за нов лош резултат и повторно почнуваме од нула. Треба да видиме како можеме да ги подобриме работите, да ги отстраниме грешките и да работиме на нашата стратегија. За толку кратко време не сме паднале на дното, иако лани имавме подобар болид. Мораме да работиме многу бргу", вели Маса.

Шефот на тимот, Стефано Доменикали, се согласува и вели дека е потребна брза реакција.

"Ова е втор лош викенд едноподруго и мораме да реагираме навистина бргу. Работите не одат како што треба, а нашите перформанси не се прифатливи и не можеме да продолжиме така. Мораме да ги решиме техничките проблеми со болидот и да ги намалиме грешките со стратегијата", вели Италијанецот.

Под притисок на претседателот на Ферари, Лука ди Монтеѕемоло, Доменикали објаснува дека тимот мора да има подобри резултати веќе на следното гран при во Шангај на 19 април.

"Околу перформансите, мораме да работиме на аеродинамиката на болидот и на надолната сила. Мораме да го подобриме ова и да видиме зошто болидот е конк*рентен на тренинзите и на стартот на трката, но се мачи на квалификациите. Болидите сега се многу чувствителни на нивото на гориво и тоа мора да се поправи", вели Доменикали.

Според германските медиуми, пак, Михаел Шумахер можеби имал клучна улога во лошата одлука во неделата Кими Раиконен да излезе на сувата патека во Сепанг со гуми за дожд. Според прогнозите на метеоролозите, Раиконен влезе во боксот на се уште сувата патека со гуми за дожд, и дури обичните гледачи проценија дека се работи за вистинско коцкање. Според Билд, Доменикали одбил да коментира на прашањето дали советникот на тимот Михаел Шумахер ја направил таа одлука.

"Не би сакал да одговорам на тоа бидејќи се работи за внатрешно прашање", додава Доменикали.

Поради обилните врнежи прекината трката во Малезија, Батон победник

Поради лошите временски услови и обилните врнежи трката за Големата награда на Малезија е прекината 24 круга пред крајот. Џенсон Батон кој беше водечки е прогласен за победник, но ќе добие само пола бодови.

Условите на стазата во Сепанг не дозволија трката за Големата награда на Малезија да заврши. 24 круга пред крајот на трката, истата е прекината поради обилните дождови, кои до толку ја намалија видливоста да беше неможно да се продолжи со натпреварувањето.

Во моментите на прекинот во водство беше Џенсон Батон од Браун ГП, пред Ник Хајдфил од БМВ Заубер и Тимо Глок од Тојота. Таков е и конечниот пласман.

Бидејќи не е извозено 75 отсто од трката, на возачите ќе им бидат доделени половина од предвидените бодови. Така Батон наместо 10 ќе добие пет бода, Хајдфил наместо осум четири бода, а Глок наместо шест - три. Денеска бодови уште освоија и Јарно Трули (Тојота) - 2,5 бода, Рубенс Барикело (Браун ГП) - 2 бода, Марк Вебер (Ред Бул) - 1,5 бод, Луис Хамилтон (Мекларен) - 1 бод и Нико Розберг (Вилијамс) - 0,5 бода.

До моментите на прекинот, трката беше многу интересна од причина што дождот ги натера возачите повеќе пати да влезат во бокс, така до израз дојде подобрата снаодливост на екипата. Интересно е дека Ферари повторно остана без бодови, додека Мекалрен освои само еден бод.

За Батон ова е втора победа сезонава, славеше и на отворањето на трката за Големата награда на Австралија во Мелбурн.

Така, по две трки од новата сезона во Формула 1 шампионатот во генералниот пласман лидер е Џенсон Батон (Браун ГП) со 15 бодови, втор е неговиот клупски колега Рубенс Баричело со 10 бода, а трет Јарно Трули (Тојота) со 8,5 бода. Тимо Глок (Тојота) е четврти со 8 бода, досега по 4 бода освоија Ник Хајдфилд (БМВ Заубер) и Фернандо Алонсо (Рено). Актуелниот шампион Луис Хамитон (Мекларен Мерцедес) со 1 освоен бод е на 10-та позиција во генералниот пласман, додека пилотите на Ферари (Раиконен и Маса) сеуште немаат освоено бодови.

Следната трка од Ф1 шампионатот на програмата е на 19 април, а ќе се вози за Големата награда на Кина.

"Нема да се предадам до крај!"

Светскиот шампион Луис Хамилтон вели дека неговиот скок од 18. место на стартот во Мелбурн до пласман на подиумот го научил значајна лекција - никогаш да не се предава. Британецот заврши четврти со својот Мекларен во трка во која Браун ГП тимот доминираше, но потоа го доби третото место откако Италијанецот Јарно Трули во Тојота беше дисквалификуван поради претекнување под сигурносно возило.

"Јас сум борец и не сум се предал предвреме во ниту еден дел од мојата кариера - надвор и на патеките. Минатиот викенд беше исто. Одев до максимум во секој круг, секогаш ја гледав разликата и работев со тимот преку радиото обидувајќи се да најдеме начин да бидеме побрзи. Ова беше фантастичен резултат за мене, но и одлично завршена работа од страна на тимот - стратегијата беше совршена, информациите од боксот секогаш точни и се одеше како што треба", вели Хамилтон.

Прашан што научил од Австралиското ГП, Британецот вели дека лекцијата е јасна - никогаш да не се откаже.

"Научив, никогаш, никогаш, никогаш да не се предаваш. Во Бразил минатата година покажавме дека ќе се бориме до крај и повторно го покажавме тоа во Мелбурн. Јас никогаш не се предавам кога сум во боксот и сакам да бидам што е можно понапред. Во Мелбурн дознавме кои тимови завршија најдобра работа во текот на зимата. Морам да признаам дека ги почитувам Рос Браун и сите членови на неговиот тим", вели Хамилтон.

Како и сите коментатори, и Хамилтон признава дека болидот на Мекларен беше бавен во Австралија, но останува оптимист дека Мекларен лесно можат да се вратат во игра.

"Не сме заборавиле како да победуваме. Ние сме првокласен тим и иако се уште не сме ми најдобрите, се што имаме во Мекларен технолошкиот центар ни овозможува да се надеваме многу бргу на вистински кам-бек. Сите од тие кои ја прават стратегијата, до механичарите знаат што е потребно да се победи на една трка и во шампионатот", вели Хамилтон.

ВИТМАРШ: "ВАКА СЕ ГРАДИ КАРАКТЕРОТ"

Новиот шеф на Мекларен, Мартин Витмарш, пак, го исфали Хамилтон велејќи дека во Австралија покажал зошто е светски шампион. Дури и Трули да биде вратен на третото место, нема сомнеж дека Британецот беше во форма на Алберт Парк.

"Навистина е тешко кога доаѓаш на трка како светски шампион и си во ситуација да не си доволно конк*рентен. Имавме проблеми со откажувањето на менувачот и затоа Луис стартуваше од последното место, но имаше одличен старт, што е неверојатно бидејќи тој не е навикнат да стартува од дното. Исто така не верувам дека е навикнат на таблите на кои пишува 15. или 14. место. За да успее во тоа што го направи е потребна огромна дисциплина. Очекувавме дека можеме да одиме напред ако има излегување на сигурносното возило или инциденти", вели Витмарш.

Витмарш, кој го замени Рон Денис на позицијата шеф на Мекларен од 1 март, вели дека во тимот не е се така црно.

"Од позиција во која бевме пред неколку недели во Барселона ќе бевме пресреќни ако освоевме и еден поен овој викенд, така што третото место е навистина добро. Тимот се фокусираше и направи прогрес, но не доволно за победа. Но, ова е градење карактер за Луис и шанса да покаже што умее", вели Витмарш.

Триумф на Батон на трката за ГН на Австралија

Џејсон Батон возачот на Браун ГП е победник на првата трка во новата сезона во формула 1 што се возеше на патеката во Мелбурн парк. Батон од самиот старт водеше и стигна до првото место на подиумот.

Одличниот викенд за дебитантскиот тим на Браун ГП го надоплни Рубенс Баричело со втората позиција. До оваа позиција дојде откако Роберт Кубица и Себастијан Фетел имаа судар на три круга до крајот.

Трет на подиумот се искачи Јарно Трули од Тојота. Светскиот шампион Луис Хамилтон стигна до четвртото место, а разочараа возачите на Ферари Филипе Маса остана без пласман, а Кими Раиконен заостана три круга.

Следната трка се вози на 5 април во Сепанг за ГН на Малезија.