F1 Вести

            ФИА VS. ТИМОВИ


БМВ Заубер се придружи на Ферари, кои јавно се изјаснија против воведувањето на двоен принцип, кога се во прашање буџетите. Германско-швајцарскиот тим најави можен излез од Формула 1, ако се воведе планот за ограничување на буџетите, со што би се вовел двоен принцип. Двојниот принцип се однесува на две две групи на тимови: помоќните тимови не би имале лимит на буџетот, но технички ограничувања, а додека финансиски послабите тимови би имале лимит на буџетот, но поголема техничка слобода на сметка на претходната група. Тимот од Хинвил себеси се гледа во првата група, па според тоа очекувани се и реакциите. На медумски настан во Минхен, тимскиот шеф ги објави незадоволството на сопствениците на баварскиот гигант.

- Формула 1 со две класи не е атрактивна за БМВ - вели Марио Тајсен, најавувајќи дека техничкиот лимит не е прифатлив за нив.

Дополнително Норберт Хауг од Мерцедес објави дека не ја подржува идејата на ФИА, со која шампионот би бил крунисан според најголемиот број на победи. Германецот очекува да бидат консултирани сите тимови, пред да се донесе конечната одлука.

- За тоа допрва треба да се дискутира. Не верувам дека нешто треба да се промени ако се согласиме дека е добро, во моментов имаме многу добра Формула 1 - вели Хауг во обраќањето за германските медиуми.

Денес ќе се одржи седница на ФОТА во Лондон, на која овие прашања детално ќе бидат анализирани. И ФИА и тимските шефови се максимално ангажирани трошоците да се намалат што е можно повеќе, но проблемот настанува поради различните ставови на двете страни за начинот на кој тоа би било реализирано. Ова доведе и до медиумска расправа меѓу федерацијата и тимовите. Покрај буџетите, речиси сите тимски шефови изразија негодување за начинот на кој е предвидено да се одлучува за титулата. Конечната одлука на ФОТА ќе биде објавена по завршувањето на седницата.

Рено, Мекларен и БМВ нема да одат на победа во Барселона

Мекларен заедно со светскиот шампион Луис Хамилтон очекуваат уште еден тежок викенд во Шпанија, вели директорот на Мерцедес Моторспорт, Норберт Хауг. Тимот од Вокинг е само четврти во генерален пласман на конструктори откако Хамилтон и Хеики Ковалаинен остварија само 13 поени во првите четири трки од сезоната.

Но, фановите на Мекларен се надеваа дека по четвртото место на Хамилтон во Бахреин следуваат подобри денови за "Сребрената стрела" и дека тоа е прв чекор на промена на подобро. Хауг не верува во тоа и вели дека работите не изгледаат добро за Барселона.

"Немам впечаток дека има некое драматично подобрување на работите. Ако кажам дека ќе се мачиме, тоа не значи дека сум пророк", вели Хауг за германските медиуми.

Мекларен е еден од ретките тимови кои не воведува голем број промени во Барселона, а имаат и лош скор на патеката во Каталонија победувајќи само еднаш во последните 8 години. Тие исто така потфрлија во тестирањето пред стартот на сезоната, кога Хамилтон и Ковалаинен беа последни на првите два дена тестирање.

БМВ БЕЗ ГОЛЕМИТЕ ПРОМЕНИ ВО ШПАНИЈА

Уште еден силен тим од лани има лош старт на сезоната. Од БМВ признаваат дека нивната верзија на т.н. "двоен дифузер" нема да биде подготвен за време на Шпанското ГП, и дека решиле да не го воведат како дел од новиот аеродинамички пакет.

"Подготовките за аеродинамичкиот пакет за Барселона траат подолго време, така што воведувањето на двоен дифузер не би помогнало многу", вели шефот на тимот Марио Тајзен.

Откако лани во поголемиот дел од сезоната беа израмнети со Мекларен и Ферари, БМВ во својата четврта сезона како сопственик на тим оствари само еден пласман на подиумот во првите четири трки.

Од БМВ исто така велат дека за првпат оваа сезона двата болида во Шпанија нема да го користат КЕРС системот. На претходните трки Ник Хајдфелд возеше со КЕРС, додека Роберт Кубица поради неговата тежина ја возеше само на трката во Бахреин.

РЕНО СЕ РАЗОЧАРАНИ, НО ВЕРУВААТ ВО ПРОГРЕС

Рено, пак, во финишот на минатата сезона беа во позиција да победуваат на трки и го имаа можеби најбрзиот болид во Ф1, така што и од нив се очекуваше многу во 2009. Но, перформансите на новиот Р29 болид не се покажаа како најдобри и тие имаат само 5 поени во првите четири трки.

"Секако дека сме разочарани од стартот на сезоната. Кога пристигнавме во Мелбурн очекувавме далеку повеќе. Но, тимот веќе реагира и мислам дека ќе можеме да направиме прогрес многу бргу", вели главниот инженер на тимот, Пет Симондс.

Ниту Фернандо Алонсо, со два поена досега, не е голем оптимист пред својата прва домашна трка.

"Ќе биде многу тешко да се бориме за подиумот, но се надевам дека со добри квалификации ќе имаме солидна трка", вели Алонсо.

Рено ќе биде силен во Шпанија


Во пресред на домашната трка, Фернандо Алонсо има оптимистички најави дека неговото Рено ќе биде конк*рентно на патеката. Шпанецот изрази реален оптимизам дека има постепен пораст во перформансите на болидите на францускиот тим, кој не може да се пофали со солидни резултати од Австралиско-азиската турнеа од шампионатот.

- Секогаш е посебно да се натпреваруваш во Шпанија и среќен сум што имам две домашни трки годинава, во Барселона и Валенсија. Подршката на фановите секогаш ми дава сила и се надевам дека ќе ги усреќам со тоа што ќе имам добар викенд. Ќе биде тешка борбата за подиум, но се надевам дека ќе имаме добри квалификации и ќе освоиме многу поени во трката - оптимист е Алонсо.

Двократниот шампион повторно ја спомена борбата за титула, овојпат порачувајќи на тимот дека сеуште е недостижна брзината која ја имаат конк*рентите.

- Сеуште сме послаби во перформансите, но тимот го усоврши болидот и се наоѓаме на вистинскиот пат. Се надевам дека ќе бидеме уште еден чекор понапред претстојниот викенд - додава Шпанецот.

И додека Алосно психички се подготвува за добра домашна трка, неговиот колега од тимот, Нелсињо Пике демантира било какви најави кои говорат дека има постојан притисок од претпоставените во Рено.

- Не мислам дека тимот премногу ме притиска. Самиот јас си создавам притисок бидејќи сум решен да возам добро и да помогнам на тимот. Немам сомнежи кога е во прашање подршката од целиот тим и добро се согласувам со секого - изјави Пике за Јуроспорт.

Младиот Бразилец дели исто мислење со Алонсо кога се во прашања перформансите и напредокот на тимот.

- Се чувствувам многу попозитивно по трката во Бахреин, каде имавме нов дифузер. Дефинитивно има подобрувања на болидот, со прилагодувањето на новиот дифузер. Тимот реагираше брзо и го приспособи болидот. Имавме и подобрување на предното крило во Бахреин и болидот сега е многу полесен за возење, отколку на почетокот на сезоната - вели Пике.

Откако двојните дифузери на триото тимови кои првично ги воведоа беа прогласени за легални, останатите седум тима веднаш се зафатија со редизајнирање на задниот дел од болидот, така што нивната варијанта на двоен дифузер би се вклопила во целиот пакет. Иако генерално се очекува изедначување во перформансите на сите тимови, или барем приближување до водечките тимови, се чини дека Рено се поизразени оптимисти од другите, барем според односот со медиумите. Тимот со седиште во Англија, но со француски корени има освоено само пет поени, притоа сите со Фернандо Алонсо.

БМВ пред многу тешка сезона?


За тимовите кои се мачат со својата аеродинамика, патеката Каталуња во Барселона овој викенд нема да понуди шанса за подобрување. Тоа е лоша вест за БМВ Заубер, откако швајцарско-германскиот тим најави голем број подобрувања за трката.
"Барселона е патека на која безмилосно се гледа секоја аеродинамичка слабост. Се плашам дека проблемите на БМВ ќе бидат уште поголеми таму и дека ќе бидат уште поспори. Од таа ситуација нема да можат да излезат подолго време. Мораат да го развиваат болидот двојно побргу од другите тимови. Мекларен и Ферари го имаат истиот проблем - мораат да направат два чекори, додека тие на врвот само еден. Ако во БМВ не можат да го направат тоа, тогаш сезоната за нив е завршена", оценува Ники Лауда, трикратниот светски шампион.
По овие предупредувања доаѓа и информацијата дека БМВ не се сигурни дали овој викенд во Шпанија ќе можат да го подготват "двојниот дифузер", кој беше прогласен за легален. Возачот Роберт Кубица не е оптимист.
"Ќе одиме напред во Барселона, но не сум сигурен колку напред. Ќе биде невозможно да ги стигнеме останатите", оценува Кубица

НОЌНИТЕ ТРКИ ОСТАНУВААТ


Критикуваните трки во самрак во Австралија и Малезија ќе останат дел од формула 1 календарот, барем за следната сезона. И покрај критиките на фановите и на возачите, Еклстоун вели дека "експериментот" успеал и дека ТВ гледаноста во Европа е зголемена. Сонцето кое заоѓаше во Мелбурн и силниот дожд во Сепанг беа проблематични, но Еклстоун останува на своето.
"Сите бројки за ТВ гледаноста пораснаа за 300%. Добивме повеќе од 50% од гледаноста во некои земји. Зошто би се менувало за 2010?", се прашува Еклстоун.


Изменето од Iron Man - 05.Мај.2009 во 19:58

Ветеранот од Бразил, Рубенс Баричело не ги задоволува своите апетити со фактот што годинава може да ја достигне цифрата од 288 настапи во Формула 1, па најавува дека можно е да си даде уште неколку шанси за освојување на титулата, односно да остане во спортот уште две-три сезони. Во моментов “Рубињо” има 275 настапи, а во Шпанија ќе го има 276-от старт.

- Кој знае, можеби ќе возам уште две, три години. Во животот секогаш сум мислел позитивно и убеден сум дека овој став е тоа што ме донесе каде што сум сега. Трките не се како тенис. Не е исто како да сте во третиот сет, а сте изгубиле два сета со 6:0. Од претходните три години знам дека можам да бидам брз како Батон - оптимист е Баричело за Ауто мотор унд шпорт.

Лани Баричело го сруши рекордот на Италијанецот Рикардо Патрезе, кој броеше 257 настапи во Формула 1. Сегашниот рекордер, кој е континуирано активен во спортот од 1993 година е без титула, а за него е врзан и фактот што е возач кој најмногу чекал за својата прва победа, која ја остварил во 128-от настап, на патекатаа Хокенхајмринг во 2000 година. к*риозитет е податокот, што ако Бразилецот биде на стартот на сезона 2011, ќе го достигне Патрезе во тој поглед, што ќе биде во болидот во барем една сезона од три последователни децении, постигнување кое го има само Италијанецот (1977 - 1993). Интересно е што во годината кога заврши кариерата на Патрезе, започна одисејата на Баричело.

БОРБАТА ЗА МОЌ ВО ФОРМУЛА 1 НЕ ПРЕСТАНУВА
Еклстоун нема да дозволи Мозли да го "уништи" Ферари!

Берни Еклстоун вети дека ќе спречи "тепачката" меѓу претседателот на ФИА, Макс Мозли, и претседателот на Ферари, Лука ди Монтеѕемоло, да се претвори во "вистинска војна". Откако Ди Монтеѕемоло лут на планот на Мозли за ограничување на буџетот најави дека најпознатиот формула 1 тим би се повлекол од Ф1, Мозли одговори дека спортот може да преживее и без нив. Сега според британскиот Тајмс, во Ферари се добива впечаток дека Мозли сака да го "уништи" Монтеѕемоло. Еклстоун вели дека тоа нема да се случи.

"Јас нема да дозволам тоа да се случи. Проблемот со Макс е што тој не е способен, како во минатото, да ги запакува работите убаво. Тој сака работите да ги врзе во стара картонска кутија со обичен конец", вели 78-годишниот Еклстоун.

Но, Британецот вели дека за несогласувањата еднаква вина има и Монтеѕемоло.

"Проблемот на Лука пак е во тоа што не треба да дозволи да се најде во ситуација во која со Макс треба да дебатираш или да се расправаш. Тој е доста умен и не можеш да победиш во таква ситуација", додава Еклстоун.

БУЏЕТОТ ЌЕ РАСТЕ ОД ПРЕДВИДЕНИТЕ 40 МИЛИОНИ ФУНТИ

Еклстоун исто така верува дека предвидената сума од 40 милиони фунти со која треба да се ограничи буџетот кај тие кои ќе сакаат во 2010, може да се зголеми во следните месеци за да се "натераат" и големите тимови да ја прифатат иницијативата.

"По се изгледа сите се согласуваат со ограничувањето на буџетот, вклучувајќи ги и Ферари, но само ако ги натераме да се согласат. Има загриженост околу сумата на која сега е ограничен буџетот и со можноста да има 'двојно ниво' на натпреварување во формула 1. Тие се проблемите, но не се толку големи за да не можат да се решат", вели Еклстоун.

Системот би функционирал на двојно ниво бидејќи тие кои би го прифатиле ограничувањето на буџетот би добиле техничка слобода, додека другите би можеле да продолжат со буџет кој им се допаѓа, но би биле под ограничени правила.