Според пишувањата на италијанскиот весник „Газета дело Спорт“, Милан во летниот преоден рок ќе го ангажира голманот на Лион, Хуго Лорис.

Летниот преоден рок  ќе биде бурен за Милан. Се најавува реконструкција на тимот, а како што стојат работите истата ќе започне од голот. Имено, италијанскиот весник „Газета дело Спорт“ пишува дека челниците на вицешампионот пронајдоа замена за голманот Абијати кој има 34 години и е блиску до крајот на кариерата.

Милан решението го пронајде во голманот на Лион, Хуго Лорис кој неодамна го продолжи договорот со францускиот тим. Обештетувањето изнесува дури 20 милиони евра, но се очекува двата клуба да се договорат околу цената 

Инаку Милан веќе го доби првото засилување. Тоа е играчот од францускиот Нанси, Бакај Траоре, кој ќе биде ангажиран како слободен играч. Засега не е познато за колку години ќе биде договорот на репрезентативецот на Мали, но оваа вест самиот тој ја потврди и воедно изјави дека е среќен што ќе го носи дресот на еден од најголемите европски клубови.

Италијанските медиуми објави дека клубот нема да го продолжи договорот со ветеранот Кларенс Седорф кој ќе мора да си побара нова средина. Како следна дестинација се спомнува бразилскиот Ботафого.