МАКЕДОНИЈА во НАТО: кога, како, зошто...?

Сивилото кое ја обзема државата е производ на бескрвноста на народот кој навистина, тапоглаво мисли и чека некој однадвор да дојде и да ни ја среди состојбата.

Изјавата на американскиот претседател Џорџ Буш дека Хрватска ќе добие покана за НАТО е позитивна за Македонија и значи дека 2008 година дефинитивно ќе има проширување на алијансата, а нашите шанси се големи, смета премиерот Никола Груевски. Според него, иако изјавата на Буш се однесувала на Хрватска, тоа всушност е сериозен сигнал за Јадранската група во која спаѓа и Македонија.
Груевски оценува дека назначувањето на Оливера Китанова за јавен правобранител е добро решение бидејќи се работи за искусна личност, која веќе била на позицијата заменик јавен правобранител. Тој како успешен нејзин проект го посочи случајот Бачило, каде токму Китанова ги направила првите постапки, пред да истече нејзиниот мандат. Груевски смета дека собраниската расправа за законот за полиција трае предолго и се надева дека брзо ќе заврши.
"Ние оставивме до максимум опозицијата, пред се ДУИ, да ги искаже своите ставови, да ги ислушаме и да ги анализираме нивните барања. Ценевме дека добро да се исцрпат сите дискуии, да се чујат сите мислења независно што во повеќе наврати имавме ситуација во која што се повторуваа говорниците, но тоа е дел од демократија и ние покажавме големо трпение во тој правец, да ја ислуша опозицијата, да се судрат аргументите и на крај да се донесе решение кое е најдобро за земјата", вели Груевски. Тој тврди дека не е можна политичка дестабилизација како што прогнозира британскиот магазин "Економист".


Националната стратегија за ЕУ
Над 300 закони до 2010 година
До 2010 година треба да се донесат уште 313 законски акти и 1.200 подзаконски акти за хармонизација македонското со европското законодавство, заклучиле министрите на последната владина седница. Законските проекти во Националната стратегија за приближување до ЕУ се поделени во 35 поглавја, за кои веќе е изработена динамика, а Владата ќе формира 35 работни групи кои ќе работат на хармонизацијата на законодавство. Вицепремиерката Габриела Коневска-Трајковска најави дека на следната владина седница ќе бидат потврдени имињата на сите раководители и членови на Работните групи со цел да се продолжи со нивното натамошно обучување и вклопување во процесот на хармонизација, односно работењето по прашањата што се однесуваат на европската интеграција.

САД ги поддржуваат евроатлантските аспирации на Македонија и како пријатели ги дела заедничките вредности. Тие и' даваа и ќе и' даваат поддршка на Македонија да ги спроведе потребните реформи за да стане членка на евроатлантската заедница, е пораката со која во Скопје допатува заменичката на помошникот секретар во американското Биро за европски и евроазиски прашања Розмари ди Карло. 
- Сакаме Македонија да ја направиме најсилниот можен кандидат за членство во НАТО на следниот самит на проширување на Алијансата - изјави Ди Карло по средбата со министерот за надворешни работи Антонио Милошоски.

Таа рече дека на листата со обврски на Македонија остануваат правосудните реформи, борбата против корупцијата, борбата против трговијата со луѓе, како и почитувањето на верските слободи и правата на сите граѓани. Според Ди Карло, ова не значи дека листата со обврски е бесконечна бидејќи демократијата постојано се реформира.

На средбата со Милошоски, таа зборувала за потребата постојано да има консензус помеѓу Владата и другите политички фактори за потребните реформи за интеграција на Македонија во евроатлантските институции. Освен тоа, се разговарало за важноста на владеење на правото и за потребата на Владата да работи со сите политички партии за да се интензивираат напорите во борбата против корупцијата, целосното спроведување на Охридскиот договор и да се поддржи процесот за дефинирање на идниот статус на Косово.

Милошоски, пак, рече дека Македонија, со Албанија и Хрватска, очекува силна порака и сигнал дека на следниот самит на проширување, ќе добијат покана да и' се приклучат на Алијансата.

- За таа цел Македонија ќе продолжи со реформските активности во одбраната, економијата и против корупцијата и ќе ја зацврстува мултиетничката демократија, која се покажа како добар модел за нас и за регионот - изјави македонскиот шеф на дипломатијата.

Тој им се заблагодари на претходната влада и на СДСМ и ДУИ, кои сега се во опозиција, за реформите и за меѓународниот придонес на земјава и изрази надеж дека ќе продолжат да придонесуваат за стабилноста на земјава.

За решавањето на косовското прашање, Милошоски рече оти и двајцата се согласиле дека тоа треба уште повеќе да придонесе за зацврстување на стабилноста во регионот и дека дефинирањето на статусот на Косово ќе биде добра шанса и за затворање на техничкото прашање за разгранучувањето.

- Благодарни сме што за тоа ја имаме поддршката од меѓународната заедница и што авторитетите во Приштина се' повеќе разбираат дека е ова еден предизвик на кој тие би требало позитивно да одговорат за да покажат дека директно учествуваат и имаат намера да учествуваат во зацврстувањето на стабилност во регионот - изјави тој.

Ди Карло вчера се сретна и со премиерот Никола Груевски и вицепремиерите за евроинтеграција и за имплементација на Охридскиот договор Габриела Коневска Трајковска и Имер Селмани, а за денеска е предвидена средба со претседателот Бранко Црвенковски и со лидерите на ДПА и ДУИ, Арбен Џафери и Али Ахмети.

Буш ја разреши дилемата дали Македонија ќе добие покана за членство во НАТО 2008.

Хрватска, Македонија и Албанија ќе добијат покана за прием во НАТО на самитот во 2008 година доколку ги исполнат условите, се вели во завршниот документ од самитот на лидерите на НАТО во Рига.

Како изненадување, лидерите на НАТО ги повикаа Србија, Босна и Херцеговина и Црна Гора да се приклучат во програмата Партнерство за мир.

Авганистан беше централната тема на самитот. Постигната е согласност НАТО да ја засили борбената компонента на мисијата.

Во Алијансата е постигнат договор со кој ќе се зголеми бројот на војниците на НАТО кои ќе учествуваат во борбените дејствија во јужниот дел на Авганистан, каде всушност последните неколку месеци Талибаните го засилија отпорот.

Дополнителните сили ќе ги обезбедат помалите земји членки на Алијансата.

„Остваривме вистински напредок околу ограничувањата по повторното разгледување и дискусиите во Рига. Поголем број држави ги намалија ограничувањата, што резултираше со 20 од 32-те илјади војници на НАТО во Авганистан кои се поподготвени за воени и невоени мисии“, рече Јап де Хоп Шефер, генерален секретар на НАТО.

Франција, Италија, Шпанија и Германија се против испраќање војници во нестабилниот дел на Авганистан. Во замена Париз и Берлин понудија и учество исклучиво во вонредни ситуации.

Изменето од bojan81 - 04.Декември.2006 во 11:53

ke dobie e idno nesvrseno neopredeleno vreme

i da ew taka sto fajde od toa ...

Ama ako e nesto pozitivno aj da se raduvame

u EU da ne pokanat a ne da im davame vojnici da ni ginat u Irak ebego belja

Cudno cudo ako si povikan negde da bides samo za da figuriras tamu

Добро е добро е,боље у НАТО него у ЕУ.И само да фигурираме таму битно да има некој да стои позади нас е сега како ке играме и со кого после тоа е знак ?