Буш ќе ја поттурне Хрватска кон НАТО

Американскиот претседател Џорџ Буш на самитот на НАТО во Рига в година ќе се заложи Хрватска да стане членка на Алијансата, а ги поддржува и настојувањата на Загреб да се приклучи на Европската Унија, јави Ројтерс.

- Светот има интерес Хрватска да му се придружи на НАТО, како и на Европската Унија. Заради тоа, кога ќе одам во Рига, јас ќе препорачам Хрватска да биде примена - изјави Буш на прес-конференција во Белата куќа по средбата со хрватскиот премиер Иво Санадер.

Шефот на Пентагон, Доналд Рамсфелд, пак, истакнал дека САД се импресионирани од одбранбените реформи на Хрватска.

И Македонија и Албанија, кои беа изоставени од проширувањето на Алијансата во 2004 година, настојуваат што побрзо да станат членки на НАТО. Но, агенцијата Ројтерс забележува дека дипломати на НАТО „изразуваат загриженост за демократските стандарди и реформите“ во трите балкански земји.

Па сигурно, дека ќе ја земат во ЕУ и Нато...

Не бе, зашто?

Изјавата на американскиот претседател Џорџ Буш дека Хрватска ќе добие покана за НАТО е позитивна за Македонија и значи дека 2008 година дефинитивно ќе има проширување на алијансата, а нашите шанси се големи, смета премиерот Никола Груевски. Според него, иако изјавата на Буш се однесувала на Хрватска, тоа всушност е сериозен сигнал за Јадранската група во која спаѓа и Македонија.
Груевски оценува дека назначувањето на Оливера Китанова за јавен правобранител е добро решение бидејќи се работи за искусна личност, која веќе била на позицијата заменик јавен правобранител. Тој како успешен нејзин проект го посочи случајот Бачило, каде токму Китанова ги направила првите постапки, пред да истече нејзиниот мандат. Груевски смета дека собраниската расправа за законот за полиција трае предолго и се надева дека брзо ќе заврши.
"Ние оставивме до максимум опозицијата, пред се ДУИ, да ги искаже своите ставови, да ги ислушаме и да ги анализираме нивните барања. Ценевме дека добро да се исцрпат сите дискуии, да се чујат сите мислења независно што во повеќе наврати имавме ситуација во која што се повторуваа говорниците, но тоа е дел од демократија и ние покажавме големо трпение во тој правец, да ја ислуша опозицијата, да се судрат аргументите и на крај да се донесе решение кое е најдобро за земјата", вели Груевски. Тој тврди дека не е можна политичка дестабилизација како што прогнозира британскиот магазин "Економист".


Националната стратегија за ЕУ
Над 300 закони до 2010 година
До 2010 година треба да се донесат уште 313 законски акти и 1.200 подзаконски акти за хармонизација македонското со европското законодавство, заклучиле министрите на последната владина седница. Законските проекти во Националната стратегија за приближување до ЕУ се поделени во 35 поглавја, за кои веќе е изработена динамика, а Владата ќе формира 35 работни групи кои ќе работат на хармонизацијата на законодавство. Вицепремиерката Габриела Коневска-Трајковска најави дека на следната владина седница ќе бидат потврдени имињата на сите раководители и членови на Работните групи со цел да се продолжи со нивното натамошно обучување и вклопување во процесот на хармонизација, односно работењето по прашањата што се однесуваат на европската интеграција.

Хрватска, Македонија и Албанија ќе добијат покана за прием во НАТО на самитот во 2008 година доколку ги исполнат условите, се вели во завршниот документ од самитот на лидерите на НАТО во Рига.

Како изненадување, лидерите на НАТО ги повикаа Србија, Босна и Херцеговина и Црна Гора да се приклучат во програмата Партнерство за мир.

Авганистан беше централната тема на самитот. Постигната е согласност НАТО да ја засили борбената компонента на мисијата.

Во Алијансата е постигнат договор со кој ќе се зголеми бројот на војниците на НАТО кои ќе учествуваат во борбените дејствија во јужниот дел на Авганистан, каде всушност последните неколку месеци Талибаните го засилија отпорот.

Дополнителните сили ќе ги обезбедат помалите земји членки на Алијансата.

„Остваривме вистински напредок околу ограничувањата по повторното разгледување и дискусиите во Рига. Поголем број држави ги намалија ограничувањата, што резултираше со 20 од 32-те илјади војници на НАТО во Авганистан кои се поподготвени за воени и невоени мисии“, рече Јап де Хоп Шефер, генерален секретар на НАТО.

Франција, Италија, Шпанија и Германија се против испраќање војници во нестабилниот дел на Авганистан. Во замена Париз и Берлин понудија и учество исклучиво во вонредни ситуации.

ZONA NA SAMRAKOT, brrrrr

Поканата за влез во НАТО Буш ќе ја објави на балканската турнеја

http://www.a1.com.mk/vesti/novinar-email.asp?NovinarID=51&VestID=79415 - Горан Момировски

За време на посетата на Албанија на 10 јуни, американскиот претседател на заеднички ручек со премиерите на Македонија, Хрватска и Албанија ќе објави дека трите земји ќе добијат покана за НАТО.

Според грчкиот весник „То Вима“ Македонија би можела да се приклучи на Алијансата со своето уставно име, без притоа да има решение за спорот со Атина.

Весникот, инаку близок на социјалистите на Папандреу објавува, дека посредникот Метју Нимиц веќе започнал консултации во Обединетите Нации.

Грчките медиуми не ја исклучуваат можноста за неколку месеци Нимиц да го врати мандатот како преговарач за името, по што за ова прашање ќе треба да решаваат Советот за безбедност, или Генералното собрание, институции во кој поголемиот број земји Македонија ја признале под уставното име.

Доколку ваквото сценарио стане реалност, тогаш и покрај барањето на Социјалистите името да не се користи во внатреполитички цели, премиерот Караманлис не ја исклучува можноста за предвремени избори наесен.

Наспроти најавите дека Буш ќе објави зачленување на Македонија под уставното име во НАТО, Караманлис стои цврсто на ставот дека Македонија нема шанси да влезе во Алијансата без да го реши спорот со името.

Влезот на Македонија во НАТО ќе биде тема на разговорите меѓу Буш и генералниот секретар со НАТО Шефер.

Според НАТО дипломати и покрај американското расположени сите членки на Јадранската група да добијат покана за НАТО, Македонија и Албанија ќе мораат да го подобрат системот на владеење на законите пред поканата да биде верификувана догодина во Бук*решт.

Повеќе од една милијарда евра ќе потрошат државните институции до 2010 година на усогласување на македонското со европското право и на завршување веќе почнати проекти, кои треба да ја зголемат ефикасноста во речиси сите општествени сегменти и да го подобрат животниот стандард во земјава. Во владиниот секретаријат за европски прашања информираа дека по 220 милиони евра годишно ќе се одвојуваат за имплементација на Националната програма за усвојување на правото на Европската Унија, што е до 2 отсто од вкупниот бруто-домашен производ во земјава. Оттаму велат дека освен од буџетот, дел од овие пари ќе се обезбеди и преку кредити. До 2010 година за завршување на почнатите проекти и на нови проекти што се дел од ЕУ-агендата ќе се трошат по околу 135 милиони евра годишно. - Трошоците за реформи што се потребни за подобрување на живеењето во Македонија се зголемуваат ако се земат предвид и измените што треба да се прават во секторот животна средина. Процените се дека за оваа намена ќе бидат потребни од 300 до 400 милиони евра. Меѓутоа, како и за другите потенцијални кандидати за членство, ЕУ има разбирање и овие реформи во принцип можат да се одложат на извесно време - велат во Секторот за европски интеграции.
На прашањето колку ќе ја чини Македонија членството во ЕУ, односно колку пари ќе треба нашата земја да одвојува од буџетот откако ќе стане членка во Унијата, во секторот велат дека најверојатно нашата земја како нова членка нема да има обврска од буџетот директно да одвојува пари за членство во Унијата.
- Оваа обврска ја исполнуваат само земјите што имаат буџет што е околу или над 70 отсто од просекот на буџетите на земјите-членки на Унијата. Бидејќи Македонија располага со буџет што е многу помал од овој просек најверојатно нашата земја нема да има обврска да исплаќа таканаречен нето-придонес во европскиот буџет - велат во СЕП. Оттаму додаваат дека во иднина, откако ќе стане членка на Унијата, Македонија од европските фондови ќе црпи многу повеќе пари отколку што ќе треба да уплаќа во европската каса. Сепак, и нашата земја ќе мора да одвојува пари од царинските давачки и процент од наплатата на ДДВ. Европскиот буџет се финансира од буџетите на земјите-членки и од парите што се собираат на име на данок на додадена вредност, 1,3 отсто од буџетот се финансира од давачките во земјоделството, а 10,4 отсто се финансира од царинските давачки. Во Македонија уште никој не спровел истражување за финансиските импликации од членството на нашата земја во Унијата. Во СЕП велат дека во моментов е прерано за една таква сериозна анализа.
Економскиот институт во Загреб неодамна по нарачка на Владата на Хрватска на 1.500 страници изработи детална студија насловена како „Пристапување кон ЕУ, очекувани економски показатели“. Истражувањето покажало дека откако ќе стане членка, Хрватска во буџетот на ЕУ ќе треба да уплаќа 1,6 милијарда евра годишно, дека просечната бруто-плата ќе изнесува за 800 евра и дека цените ќе пораснат за 1,4 отсто. Според истражувањето, членството во ЕУ на Хрватска ќе и донесе пад на банкарските камати, зголемена стапка инвестиции, подобрување на кредитниот рејтинг, намалување на невработеноста на границата од 10 отсто, меѓутоа и поскапување на недвижностите, енергијата, образованието и културата.