Во Ред Бул со големи амбиции во оваа сезона




По две 1-2 победи на Британското и Германското ГП, во Ред Бул Рено имаат доволно причини да се чувствуваат самоуверени пред вториот дел од Ф1 сезоната. На осум трки пред крајот тимот од Милтон Кејнс го има моментот на своја страна во битката со Браун Мерцедес во шампионатот на возачи, но и во тој на конструктори.

"Работиме до максимум за да добиеме перформанси колку што можеме побргу. Сите во фабриката се мотивирани, а темпото на работа за да се прилагодиме кон овогодишните правила е неверојатно. Има многу вистински херои во фабриката, кои трошат многу часови за да ги обезбедат компонентите", вели Кристијан Хорнер, шефот на тимот.

Додека РБ5 е доминантниот болид во моментов, поради развојот на болидот, заедно со долгорочните цели на дизајнерскиот тим, во тимот мораат да имаат целосно детален план.

"Имаше добри знаци уште минатата сезона, кога РБ4 имаше солидни резултати во првиот дел од сезоната, додека во вториот дел Ред Бул Технолоџи имаше добри резултати со Торо Росо, во скоро идентичен болид", оценува Хорнер.

Ред Бул заостанува само 19.5 во трката во шампионатот на конструктори зад Браун Мерцедес, додека во шампионатот на возачи ситуацијата е покомлицирана, со Џенсон Батон од Браун на 68 поени, а двојката на Ред Бул, Себастијан Фетел и Марк Вебер релативно еднакви на 47 и 45.5 поени. Хорнер вели дека во ваква ситуација нема да има тимски наредби.

"Ќе продолжиме да работиме со двајцата возачи еднакво. Помеѓу нив е само 1 и пол поен, така што и двајцата се конк*ренти за светска титула. Но, има долг пат пред да го стигнат Џенсон Батон", оценува Хорнер.

Техничкиот директор на тимот и според многумина творецот на успехот оваа сезона, Адријан Њуи, признава дека ќе мораат да го развиваат РБ5 болидот до крајот на сезоната, што може да има негативно влијание на развојот на болидот за 2010. Во слична ситуација оваа сезона се наоѓаат Мекларен и Ферари, откако лани Фелипе Маса и Луис Хамилтон се бореа за титулата до крајот на сезоната.

"Во моментов мораме да работиме напорно бидејќи се бориме за титулите, но не знаеме какво влијание ќе има тоа за 2010. Тоа е проблем кој го имаат сите. Лани развојот на РБ4 болидот не влијаеше на оваа година бидејќи имаше нови регулативи, но сега деловите од РБ5 ќе можат да се користат и следната година", смета Њуи.

Себастијан Бурде си замина...



Себастијан Бурде го раскина договорот со неговиот тим, Торо Росо. Седиштето на Французинот беше загрозено и пред трката во Германија, а гласините за неговото заминување се покажаа како точни. Тимот на Торо Росо објави соопштение во кое се објаснети причините кои довеле до разидување на двете страни.

- Во втората година на Себастијан со нас, партнерството не ги исполни очекувањата и оттаму одлучивме да го замениме за следната рунда од светскиот шампионат, ГН на Унгарија, - стои во соопштението.

Веќе се шпекулира со наследникот на Бурде. Претходно беше објавено дека Себастијан Леб е заинтересиран за место во Торо Росо, но е фокусиран на одбрана на петтата еднподруго круна во светскиот рели шампионат. Иако Французинот изјави дека тоа не претставува проблем за него, бидејќи календарите на двете паралелни натпреварувања не се поклопуваат, според него, пречка е недоволната физичка подготвеност која е потребна за Ф1 трките, наспроти рели натпреварите.

Покрај Леб, резервата на Ред Бул, Хаиме Алгуерсуари предвреме коментираше дека Бурде го напушта Торо Росо и самиот се наметна како наследник на Французинот во болидот број 11. Сепак, официјалната замена од тимот ќе биде објавена пред трката во Унгарија.

Откако Бурде стана првата “жртва” во сезоната 2009, некои извори велат дека и позицијата на Нелсињо Пике е нестабилна во тимот на Рено. Според Бразилска телевизиска станица, Германија била последа трка за младиот Бразилец, кој има 27 трки зад воланот на Рено. Според истите извори, сонародникот Лукас ди Граси е најсериозен кандидат за празното место во Рено.

Пике нема освоено ниту бод, наспроти 13-те на контото на Фернандо Алонсо, а на трката во Германија Бразилецот успеа за прв пат да биде подобар во квалификациите од шпанскиот ас, дури по 26 трки.

f1almanah.com

Мозли потврди дека ќе си оди

Макс Мозли го поддржа поранешниот шеф на Ферари, Жан Тод, како свој идеален наследник откако им стави крај на шпекулациите дека е можно да оди на петти мандат како шеф на Интернационалната автомобилистичка федерација (ФИА). Британецот напиша писмо до сите членови на ФИА и добил речиси 100 пораки за поддршка, но решил да си замине. 69-годишниот Мозли вели дека новиот Конкорд договор за формула 1 е блиску до финализирање.

"Размислував да останам, но така многу ќе си ги искомплицирав моите домашни работи и ќе го ставев моето семејство во втор план", вели Мозли.

Тој додава дека Тод е најдобриот човек за негова замена, "реклама" која може да му донесе голема предност на Французинот за изборот во октомври, но додаде дека не верува дека тимовите ќе се согласат.

"Верувам дека тие кои ме поддржуваат можат да стигнат до целта со силен и искусен тим, кој ја поддржува независноста на ФИА. Верувам дека вистинска личност за тоа е Жан Тод, кој е најдобриот менаџер на својата генерација", вели Мозли.

63-годишниот Тод беше шеф на Ферари при нивниот најуспешен Ф1 период со петте титули едноподруго на Михаел Шумахер од 2000 до 2004. Тој исто така има победа во Рели ВРЦ шампионатот, Париз-Дакар и 24 Часа Ле Ман како шеф на Пежо Моторспорт.

Финецот Ари Ватанен, светскиот рели шампион од 1981 година, досега е единствениот друг кандидат за местото на ФИА. Ватанен победи на Дакар релито под водство на Тод, а ја има поддршката на претседателот на Американската автомобилистичка асоцијација (ААА), Роберт Дарбелнет, еден од најголемите критичари на Мозли.

tuka e so majka mu na slikata


Shefot na formula 1, Bernie Ecclestone, potvrdi deka pretsedatelot na FIA, Max Mosley, nema da se kandidira za nov mandat.
"Siguren sum deka Mosley ke ja napusti FIA. Otkako go poznavam, toj go pravi ona sto go kazal", izjavi Ecclestone.

ФОРМУЛА 1 ВИКЕНДОВ СЕ ВОЗИ ТРКАТА ЗА ГОЛЕМАТА НАГРАДА НА ГЕРМАНИЈА Нирбургринг во сенка на новите првирања во Ф1

Викендов ќе се одржи деветтото Гранд при во шампионатот на формула 1, односно трката за големата награда на Германија на патеката Нирбургринг. Дали повторно на престолот ќе го видиме Џенсон Батон или Себастијан Фетел или можеби некој друг. Токму Британецот е најавен како најголем фаворит за победата поради шесте претходни триумфи на формула 1 трките. Возачот на БраунГП победи на Австралија, Малезија, Бахреин, Шпанија, Монако и Турција. Меѓутоа со претходните две победи, особено последната на патеката Силверстоун на Себастијан Фетел, кој ќе има голема помош од домашните фанови ни дава право да очекуваме добра борба и незивесна трка. Токму пилотите на Браун и Ред Бул ги држат првите четири места во генералниот пласман, меѓутоа до крајот има уште доста трки и може да се очекува поместувања на табелата.

Нирбургринг - или како што ја нарекуваат ентузијастите "прстенот", се наоѓа на 70 километри јужно од Келн и претставува една од најтешките трки во шампионатот. Токму поради опасните свиоци прославениот Ф1 пилот Џеки Стјуарт ја има наречено "Зелениот пекол".

Еден круг на патеката е долг 5,148 километри, а ќе се мине точно 60 пати. Пилотите уште синоќа го извозеа првиот слободен тренинг во кој возачот на Ред Бул, Марк Вебер постигна најдобро време од 1:33.082. Втор беше лидерот на првенството Џенсон Батон, а натаму следуваа Фелипе Маса, Јарно Трули, Џанкарло Фисикела и Кими Раиконен.

Победникот на последната трка во Англија, Себастијан Фетел заработи повреда со својот болид по 10 круга и на крајот остана осми. Фетел загуби 20 минути од тренингот, но успеа да се врати во последните секунди на пистата и да направи неколку круга. Светскиот шампион Луис Хамилтон ја заврши трката на очајното 13. место.

Веќе на вториот тренинг Хамилтон се надмина себеси и оствари најбрзо време. Пилотот на Мекларен ја мина патеката за 1 минута и 32,149 секунди пред Фетел и Батон на втората, односно третата позиција.

В сабота се возат квалификациите, а во недела со почеток од 14 часот е главната трка.

Меѓутоа, трката во Нирбургринг е ставена во втор план. Секојдневно излегуваат на површина нови и нови скандали кои и се закануваат на иднината на најелитното автомобилистичко натпреварување.



        Хамилтон на вториот слободен тренинг

ФИА: ТИМОВИТЕ ЛАЖЕА НА СРЕДБАТА ВО ГЕРМАНИЈА

Војната за власт меѓу ФОТА и ФИА повторно се разгори. Меѓународната автомобилна федерација ја обвини ФОТА за лаги и изопачување на вистината на фамозната средба одржана на Нирбургринг.

Како што е познато, во четвртокот беше закажана средба меѓу членовите на ФОТА и ФИА на која требаше да се разговара за новините кои ќе се применуваат за идната сезона, но откако не можеа да најдат заеднички јазик членовите на ФОТА го напуштија состанокот.

"ФОТА очигледно не го разбира статусот на "набљудувач" и за време на средбата не сакаа да ја кажат вистината. Можеби тоа значи дека тие воопшто не ги познаваат основните правила во спортот", објаснија од ФИА.




ФОТА СО УЛТИМАТУМ: ОСТАНУВАМЕ ВО Ф1 САМО АКО МОЗЛИ СИ ЗАМИНЕ

Тимовите во формула 1 членови на ФОТА повторно ја отворија можноста за создавање на алтернативен шампионат по последните драми и несогласувања со ФИА. Шефовите на тимовите очекуваат дека можат да најдат решение со Берни Еклстоун и ФИА, но само ако си замине претседателот Макс Мозли по истекувањето на неговиот мандат во октомври.

ФОТА го насочија своето внимание директно кон сопствениците на комерцијалните права на формула 1- корпорацијата "ЦВЦ". Тимовите се согласија да го потпишат новиот договор "Конкорд" меѓутоа под еден услов - само ако Мозли си замине.

Како потсетување договорот "Конкорд" ги регулира комерцијалните и трговските права во Ф1 и се потпишува меѓу тимовите, Берни Еклстоун и ФИА и одредува кој колку пари треба да добие.

ТЕХНИЧКИОТ ДИРЕКТОР НА РЕД БУЛ ГО НАПУШТИ ТИМОТ

Техничкиот директор на Ред Бул, Џеф Вилис, го напушти тимот и веќе не работи за Австријците. Сите од Ред Бул се изненадени од ваквиот потег на Вилис и тоа токму пред трката на Нирбургринг. Вилис работеше во Ред Бул од 2007 година заедно со неговиот партнер Ендрју Нуи, а претходно работеше како шеф во Вилијамс, консултант во тимот Лејтон Хаус кон 90-сетите, подоцна и во Хонда, пред да премине во Ред Бул.

"Вилис нe напушти поради тоа што позицијата и работата во тимот станаа претешки за него", изјавија од Ред Бул.



РАИКОНЕН: ФЕРАРИ НЕКА КАЖЕ ДАЛИ СМЕТА НА МЕНЕ

Финскиот возач, член на Ферари, Кими Раиконен за последен пат ги демантираше информациите дека токму тој ќе биде првиот кој ќе си замине од тимот и неговото место ќе го пополни шпанскиот возач на Рено, Фернандо Алонсо. Според информациите Кими ќе му го отстапи местото на Алонсо, а тој ќе замине да се натпреварува во Светскиот рели шампионат.

"Постојано ме прашуваат и постојано и одговарам. Јас имам договор и за следната сезона и планирам да ја одработам до крај. Можете да ги прашате од Ферари дали ќе го променат своето мислење за мене. Тие се одговорни за мојата иднина", изјави Раиконен.


БАТОН: ВЕБЕР Е ПОСИЛЕН ОД ФЕТЕЛ

Лидерот на Ф1 шампионатот Џејсон Батон ја почна психолошката војна со основниот конк*рент за титулата оваа сезона Германецот Себастијан Фетел. Возачот на Ред Бул доминираше на претходната трка во Силверстоун, а се очекува Браун ГП и Батон повторно да имаат проблеми на трката во Германија.

"Очекувам Вебер да биде многу побрз на Нирбургринг. Тој е подобар од Фетел иако Германецот се натпреварува на домашна писта. Тој има попрецизен и спокоен стил на пилотирање и поради тоа Марк ќе биде посилен од Себастијан на оваа патека", рече Британецот.