F1 Вести

По трката во Турција, Фернандо го зголеми водството во возачкиот поредок, а предноста на тимот пред Ферари е намалена на минимални два бода. Еве што по трката изјавија возачите и челните луѓе на тимот: 

Фернандо Алонсо: На почетокот од викедот бевме далеку од Ферари, но денес во трката им се доближивме најмногу што можеме. Бевме сигурни дека ќе бидеме поблиску до нив во недела и нашата самоувереност испадна точна. Трката сама по себе беше вообичаена, се форсираше од почеток до крај, а во последниот стинт најбитно беше да се одбрани позицијата со покривање на некои делови од патеката. Знаев дека Михаел има само две реални шанси – во свиоците 12 и 14. Затоа “си играв“ со вртежите на моторот и го користев нивниот максимум на правците за да одржам маргината пред Михаел. Но, ова попладне покажа дека ни треба екстра сила, нови нешта со кои ќе се бориме против Ферари. Во таа насока сум оптимист за последните четири трки. Сепак, Монца ќе биде најтешка за нас имајќи ги предвид карактеристиките на болидот на Ферари, кој и кога нее добар – секогаш е силен во Монца. Но сите во Рено, Мишелин и Елф се максимално фокусирани на овие четири трки и јас сум уверен дека ќе го најдеме она што ни треба за да повторно победуваме. Денеска направив чекор напред за моите шанси за титулата и очекувам нови радости од денес па до крајот на сезоната.  

Фернандо Алонсо заработи казна во Унгарија од две секунди поради тоа што неспортски се однесувал кон Роберт Дурнбос, тест возачот на Ред Бул, но во Истанбул меѓу нив двајца повторно имаше искри. Дурнбос се обиде да го престигне Алонсо на крајот од сесијата од надворешна страна, но откако Алонсо не се даде на правецот, во левиот свиок тие двајцата имаа полесен допир. Од ТВ снимката е тешко да се процени кој кому не остави доволно простор, но делуваше како Дурнбос да го провоцира Алонсо, а Шпанецот ја прифати провокацијата. Стјуардите на трката во попладневните часови ќе го разгледаат инцидентот, по што ќе заземат став дали треба некој да биде казнет во овој случај.

interesno bogami :).... dali na sampionot mu popustaat nervite ...se nadevam ne e taka....