Црниот ориз со својот состав и начинот на подготвување потсетува на арапските десерти богати со шеќер и со зашеќерено овошје. Начинот на подготвување се разликува од семејство до семејство па ова е само еден од начините за негово подготвување. Количината е голема па ако подготвувате десерт само за четиричлено семејство, преполовете ја количината на наведените намирници. Состојките можат да варираат и се лесно достапни, а резултатот е десерт со вкуден и раскошен изглед.

Состојки:

500 г ориз

1-1,5 л млеко

300 г шеќер

200 г чисто горчливо какао во прав

100 г црно чоколадо скршено на парчиња

200 г груби исечкани и излупени бадеми

100 г кандирано овошје (ситно исечкано)

Кора од 1 портокал

Цимет во прав

2 лажички ванилин шеќер

Прстофат сол

По желба за поросување:

Шеќерни трошки, кандирано овошје или препечени ливчиња бадеми.

Приготвување:

Оризот измијте го и ставете го да се вари во млекото, заедно со прстофат сол, шеќер и ванилин шеќер.

Кога е оризот речиси сварен, ал денте, полека, со постојано мешање додавајте го какаото и ситно изренданата кора од портокал.

Оризот не смее да се превари, ниту да се залепи за дното од садот. Ако е потребно, додадете малку врела вода (ако е оризот недоволно сварен, а смесата станала премногу густа.

Тргнете го од оган и додадете ги веднаш грубо исчеканите бадеми или почекајтесмесата малку да се олади, потоа додадете ги парченцата чоколадо.

Ставете ја смесата во садови за послужување и поросете со препржени ливчиња бадмеи, со кандирано овошје или шеќерни трошки и малку цимет во прав.

Напомена:

Количината на шеќер можете да ја намалите или зголемите според вкусот. Дел од млекото можете да го замените со вода.

Состојки
За тесто
1кг. просеано брашно
прстофат сол
1 ванила
2 кесички шеќер со вкус на лимон или кора од 1 лимон
250гр. шеќер
1 пресен квасец
150мл. масло
300-350мл. топло млеко
3 јајца
1 жолчка
100гр. суво грозје
За премачкување
1 белка
по потреба шеќер

Вкусно и одлично за со чаша топло млекце во овие ладни утра. :)

Во садот кој ќе се меси се става брашното,  се додава солта, се прави вдлабнатинка и тука се активира квасецот со 1 лажиче шеќер и малку од млекото.
Јајцата се разматуваат со вилушка, се додаваат шеќерите и се убаво се меша.
Штом се активирал квасецот ги додаваме јајцата со шеќерите, маслото и со додавање на млекото замесуваме средно меко тесто кое не се лепи на дланки. Тестото треба убаво да се измеси едно 15 на минути. Го премачкуваме со масло, покриваме со најлонска фолија и уште некоја *покривка* и го оставаме на топло да го дуплира волуменот. Да напоменам дека овој процес е бавен, најмалку 2 часа.
Потоа тестото го истресуваме на намрсена работна површина, го расплескуваме со дланките, го додаваме сувото грозје, кратко го премесуваме. Го делиме на два дела.
Од секој дел правиме по три топчиња.
Секое топче го обликоваме во ваљак. Ги оставаме малку колку да се опуштат.
Уште малку ги издолжуваме и ги плетиме во плетенки. Од ова количина две плетенки.
Ги ставаме во правоаголни намрсени калапи со малку маргарин. Можи и во форма за куглоф.
Оставаме повторно да надојдат убаво, пак околу 2 часа.
Пред печење премачкуваме со благо разматена белка и наросуваме со кристален шеќер.
Ги печеме на 150 степени околу 50-60мин., (зависно од вашата рерна) во претходно загреана рерна.
После печење ги премачкуваме со малку путерче или маргаринче.
На здравје!

СЛАТКИ ПОЛНЕТИ ЈАЈЦА - ПИЛИЊА

Што да направите со толку јајца на Велигден? Направете слатки и вкусни полнети јајца во облик на пилиња. Децата ќе им се радуваат, а интересни се и за возрасните. Доколку не сакате да ги декорирате јајцата искористете го основниот рецепт за да ги зачините варените јајца. 

СОСТОЈКИ

• тврдо варени јајца, оладени и излупени

• мајонез

• кисели краставички

• маслинки, исечкани на мали парчиња (ќе ги користите за очи)

• моркови, исечкани на тријалогници (за клунот)

• сол, бибер

НАЧИН НА ПОДГОТОВКА

Внимателно исечете тенко парче од едниот крај на јајцето, но внимавајте да не ја исечете жолчката. Парчето белка, изедете го или фрлете.

Save

Исечете една третина од јајцето. 

Save

Со мала лажичка, испразнете го горниот и долниот дел од јајцето, и ставете ја жочката во мал сад. Измешајте ја жолчката со малку мајонез, сечкани кисели краставички, сол и бибер, по вкус. Почнете со помалку од состојките, и потоа додавајте додека не го добиете посакуваниот вкус. 

Смесата со мала лажичка ставете ја подлабоката белка, која претходно ја издлабивте, правејќи купче на врвот кое ќе биде главчето на пилето. 

Save

Внимателно ставете две маслинки како „очи“, и ставете морков како „клун“. 

Save

Потоа ставете го малото парче белка како капче и имате слатко јајце - пиле. 

Save

Повторете го истото со сите јајца.

Save

 Велигденските празници се пред нас, тие не зближуваат, не собираат на заедничка трпеза, а атмосферата е посвечена кога трпезата е убава и за очите, подеднакво исто како и за непцето.

Велигденскиот венец со суво грозје  е традиционален во повеќе земји за оваа пригода, се разбира и во Македонија, и ако до сега не сте го подготвиле, пробајте го нашиот проверен рецепт.

Потребни намирници: 500 грама брашно, 1 свеж квасец, 250 милилитри млако млеко, 100 грама шеќер, 1 лимон, 80 грама суво грозје, 1 ванилин шеќер, малку сол, 2 јајца, 100 грама путер.

За украсување ние ви предлагаме ( а украсувањето може да биде и по ваша желба) – 2 жолчки, 40 грама бадеми, велигденски јајца.

Подготовка

Ставете го брашното во подлабок сад и во средината направете длабнатина. Во длабнатината ставете ги нараснатиот квасец и една лажица шеќер. Замесете го тестото и оставете го да стасува 15 минути. Размесете го тестото и додадете ги преостанатиот шеќер, ванилиниот шеќер, изренданата лимонова кора, јајцата, путерот и преостанатото млеко. Оставете го да стасува уште 15-тина минути, па додадете го сувото грозје свалкано во брашно.

Поделете го тестото на три еднакви дела и формирајте ленти со должина од 50 сантиметри. Од лентите направете плетенка и свиткајте ја во венец со пречник од 35 сантиметри. Венецот ставете го во немрснета тава обложена со хартија и оставете го да стасува 30-тина минути. Премачкајте го венецот со изматени жолчки и наросете го со исечкани бадеми (рендана чоколада, суво грозје, или по желба).

Печете 30-тина минути на температура од 170 степени.

Изладениот венец ставете го на елеагантна чинија, а во средината ставете неколку велигденски јајца.