Состојки
За активирање на квасецот
2 пресни квасеци
1 шоља за млеко- млеко
3 лажици шеќер
по потреба брашно ( за да се добие густа кашеста маса)
За тесто
2кг. бело брашно
2 шољи за млеко- млеко
2 шољи шеќер
1 ванила
1 шоља масло
прстофат сол
1 пециво
4 јајца
100-200гр. суво бело грозје
рендана кора од 1 лимон
по желба, вкус, малку махлеб
За премачкување пред печење
1 жолчка
2 лажици млеко
За премачкување пред самиот крај на печење
неколку лажици шеќер
малку вода
1 ванила
За премачкување после печење
малку маргарин или путер
*Годинава првпат ставив и сецкан локум-одличен вкус има....А, секако можи да се стави и фил од орев, маак или мармалад
*Шољата е од 250мл

Традиционално кај нас на Велигденската трпеза, задолжителен е и Велигденскиот козињак.
Козињакот е многу убав и се дели на слоеви како памук, или како што уште велиме на конци. По овој рецепт го подготвувам козињакот околу 18 години. Се надевам ќе ви се допадне.

1. Двете шољи млеко се зовриваат со двете шољи шеќер и ванилата (за да се стопи шеќерот) и се остава да олади, да биди топло-таман за месење. Ова се прави прво, пред да се зафати квасецот, за да има време да излади течноста.

2. Во длабок сад го ставаме просеаното брашно. На средина правиме вдлабнатинка и го зафаќаме квасецот. Во надојдениот, активираниот квасец ги додаваме маслото, јајцата ( кои сме ги разматиле со вилушка), пецивото, прстофат сол, ако ставаме зачин-махлеб и тој, (јас некогаш ставам, понекогаш не) и замесуваме со топлата течност. Овде да напоменам - млекото треба да биде топло кон млако, зошто ако е многу топло козињакот ќе добие темна боја.
Маслото не трпи многу топло и ќе даде некоја темна нијанса на тестото.
Се меси добро, подолго време, додека стане тестото сјајно и се одделува од рацете. Откако ќе се замеси тестото во садот, го вадиме на работната маса и таму убаво го месиме. Покриваме со намрсена најлонска фолија (јас додавам уште покривки) и оставаме на топло место да стаса тестото, да го удвои волуменот. Бидејќи содржи поголема количина на шеќер, стасувањето е побавно.
3. Потоа го размесуваме и формираме плетенките, на тој начин што не го премесуваме, туку го вадиме од садот и со расплескување со намрсени раце на намрсена подлога го отвораме, ја додаваме кората од лимон и сувото грозје (претходно попарено и убаво исушено со памучна крпа) и делиме на 4 дела.Од секој дел по 3 топчиња и плетиме на вообичаен начин. По желба можи да се стават филови, јас ставив сецкан локум. Ставаме во намрсен плех со маргарин.
4.Чекаме повторно да надојдат плетенките,(покриени) најмалку 30 мин., а вчера јас ги чекав 45 мин. Се зависи од топлината во просторијата.
5. Пред печење ги премачкуваме со жолчка.
6. Ставаме да се печат во загреана рерна и тоа од почеток на 200 Ц. степени,околу 10-на мин., дури да добие боја козињакот, покриваме со алу фолија и намалуваме на 160 степени и продолжуваме, а вкупно време на печење околу 1 час и 15 минути. 7.10 - на мин. пред крајот го откриваме и премачкуваме со шербетчето, кое го сваривме од шеќерот, водичка колку да го покрива и ванилата. Го допекуваме.
8. По вадење од рерна плетенките ги премачкуваме со маргарин. Покриваме со платнена крпа и најлон.Така да отстоуи 10-15 мин., во плехот, а потоа го вадиме целосно исто така завиткан до потполно изладување.
*Бидејки мерката во рецептов е со шољи, да напоменам дека треба да се добие убаво меко тесто, мазно, сјајно, глатко - кое сепак нема да е до толку да биде лепливо на раце, туку убаво да се работи, лесно, па према тоа по потреба додадете или одземете на течност  т.е. млеко.
А, на дополнителните фотографии ќе видите како изгледа кога ќе се скрши, тие конци...
На здравје и за многу години да ни биде Велигден!!!

Најпрво солта и водата се мешаат до максимумот до кој можи солта да се растопи. Потоа се додава брашното и се замесува тесто, кое треба на допир да изгледа како пластелин. Значи, во зависност од впивливоста на брашното, додадете вода (или малку брашно, што во случајот брашно не би требало баш) за да ја постигните коигзестенцијата на изглед пластелин.

Расучете го тестото и исечете тенки траки со кои можи да ја исплетите кошницата. Во овој случај лењирот е супер помагало ако се има при рака. Секако, дека освен со вака испреплетено тесто, копрата можи да си ја направите и со друг изглед спрема вашата фантазија.

Доколку се решите за вака исплетена корпа, најдобар начин е најпрво да ја исплетите врз парче алуминиумска фолија, која предходно мора добро да се премачка со масло. Потоа плетеното тесто заедно со се фолијата се префрла врз длабокиот сад (кој е свртен наопаку). вишокот тесто се отсекува покрај рабовите и потоа на тој дел се поставува обрач од тесто.
Можи да обликувате и газер на корпата исто така со обрач или пак цело парче тесто во круг, или пак едноставно да остани само со плетенката.
И за крај, по желба од страните можи да ја украсите со форми од калапчиња.

Премачкајте ја со благо разматена белка (деловите кои ги додавате исто така ги лепите со белка) и печете на 150С додека не стани цврста и малку подотемни.
Пред да ја извадите од калапот оставете ја добро да се излади.

На крај, можи да направите и плетенка со преостанатото тесто која ќе ја обликувате како рачка за корпата и неа на ист начин ја печите и потоа ја прицврстувате на кошничката. Тоа можи да го направите со помош на чечкалици или со брашно и вода.

Уживајте во празниците!

Состојки
1 кесиче желатин
1 портокал
3-4 сливи
2-3 мали јаболчиња(1 големо)
1 лимон (сок)
друго овошје по избор
4 лушпи од јајца (може и повеќе

Овој рецепт што и не е рецепт, туку е повеќе како идеја, го најдов на интернет, ептен му фрлив мерак и морав да го направам.

Во принцип, се е произволно, пишано е колку да не бидат празни полињата за состојки.

Прво се почнува со желатинот бидејки му треба време додека да се олади.
Желатинот се раставара по упатството на кесичката. Секој производител има различно упатство, па затоа нема да го објаснувам процесот. Кога желатионот ќе биде готов и подоладен, се додава сокот од лимон.
Ако правите само 4 јајца, желатин ќе ви остане. Јас потрошив можеби 1/3 од целиот желатин.

Се земаат 4 јајца и внимателно се кршат на врвот. Се истураат белките и жолчките во сад на страна. Нема да бидат потребни за понатаму во рецептот, па затоа испланирајте си нешто за спремање со нив.
Лушпите убаво се мијат и се ставаат во садчиња за јајца. Јас садчиња немам, па ги ставив на чашки за ракија. Кога можев да матам КУГЛОВ со шрафилица, за ова па ич не се секирам =))

Сите овошја се сецкаат на мали коцки и се пикаат во лушпите од јајца. Кога ќе се наполнат јајцата со овошје до горе се сипа оладениот желатин. Ќе внимавате да не е врел и ќе внимавате да не почне да се стега. Треба да е течен за убаво да се излее помеѓу овошјето.

Се ставаат во фрижидер да се оладат и за да се стврдне убаво желатинот. Оладени се кршат и лупат внимателно.

Состојки
За пандишпан
7 јајца
7 лаж шеќер
4 лаж брашно
4 лаж млеко
4 лаж какао
4 лаж зејтин
1 прашок за пециво
За фил
200 гр мелени ореви
200 гр чоколада
250 гр маргарин
150 мл млеко
100 гр шеќер
За украсување
150 гр шарени мрвици
500 гр фондан

Состојки
За пандишпан
7 јајца
7 лаж шеќер
4 лаж брашно
4 лаж млеко
4 лаж какао
4 лаж зејтин
1 прашок за пециво
За фил
200 гр мелени ореви
200 гр чоколада
250 гр маргарин
150 мл млеко
100 гр шеќер
За украсување
150 гр шарени мрвици
500 гр фондан

За пандишпанот
Се матат пенесто јајцата со шеќерот. Потоа не престанувајќи со матењето се додаваат млекото и зејтинот. Се иклучува миксерот и во смесата се додаваат брашното, какаото и прашокот за пециво.
Релната се загрева на 200 степени.
Пандишпанот се пече во тавче од електричен шпорет обложено со хартија, околу 20 мин.
За филот
Во сад на оган се ставаат чоколадата, млекото, шеќерот. Со мешаат постојано додека не се стопи и чоколадата и шеќерот.
Се трга од оган и се остава да се излади.
Маргаринот се мати пенесто и во него се додава претходната смеса.
Одкако овие состојки ќе се соединат се додаваат и оревите.
Одкако ќе се испече пандишпанот се става на работна маса и се сечат форми на јајце од Делимано калапчињата.
Секоја тортичка се сече на половина и се филува и се премачкува со фил оддоколу. И секоја тортичка од страна се валка во шарени мрвици, а горниот слој од тортичката истотака се премачкува со фил и се става фондан којшто е исечен во форма на јајце и се декорира.
Од овој десерт излегуваат 35-40 парчиња.

А од останатиот пандишпан што нема да се употреби може да се измеша со претходно подготвен пудинг на вообичаен начин и да се стави во правоаголен калап и ќе се добие уште еден десерт.

Состојки
1,5кг парче свинско месо (од ребра, без коска)
Суви состојки
1 полна лажица црвен пипер
1 полна лажица кромид во прав
1 лажичка мешан зачин
1 лажичка мајчина душичка
1 лажичка ким во прав
1 лажичка чили во прав
1 лажичка кориандер во прав
1 лажичка лук во прав
1 лажичка шеќер
1 лажичка сол
1 лажичка бибер
1 лажичка К*ркума
1/2 лажичка цимет
Водени состојки
300мл. темно пиво
100мл. виски
1 лажица сенф
1 лажичка лут сенф
1 лажичка мед
За полнење
1 главица кромид
1 чешне лук
200гр. исчистен спанаќ
100гр. свежи шампињони
по вкус сол и бибер
1 полна лажича урда
И уште
250мл. вода
малку зејтин
парчиња и стебленца целер
1 морков
2 чешниња лук
2-3 ловорови листа
Користени Делимано производ

Нека не ве плаши листата на состојки. Рецептот е едноставен, само бара малку повеќе време од вообичаеното. Крајниот резултат вреди да се потрудите малку повеќе.

1. Може да користите месо од било кој дел, но ова од ребрата е особено сочно и меко и затоа се одлучив токму за тоа. Коските извадени и добивате убаво парче погодно за ролување.
2. Сите суви состојки измешајте ги и убаво од сите страни наросете врз месото, тапкајте и притиснете со раце за убаво да се залепи. Јас ја потрошив целата количина на зачинот, доколку ви остане складирајте во тегличка и користете си го повторно. Потоа завиткајте го месото во ролат и оставете го во фрижидер да стои. Бидејќи рецептот ми беше смислен неколку дена претходно, си го распоредив времето па така 12 часа месото стоеше во сувиот зачин и 12 часа со водената маринада.
3. За маринадата само измешајте ги убаво состојките, да се раствори сенфот, месото одвиткајте го и претурете ја маринадата убаво да биде опфатено од сите страни. И повторно оставете во фрижидер.
4. Извадете го садот од фрижидер, барем 2 часа пред да печете да биде на собна температура.
Во тава на оган ставете го ситно сецканиот кромид и протиснатото лукче да се пропржат убаво. Додадете ги печурките сецкани на листови и оставете да динстаат додека не испари течноста. Потоа додадете го сецканиот спанаќ, зачинете по вкус и оставете повторно да испари течноста. На крај додадете ја урдата, промешајте и тргнете од оган.
5. Месото извадете го од маринадата и ставете на даска. Распоредете го филот но не до крај и лесно завиткајте во ролат. Прицврстете убаво со готварски конец и ставете во пекач.
6. Маринадата претурете ја во сад на оган, додадете ја водата, парчињата целер, морков, лукчето и ловоровиот лист и оставете да зоврие. Во меѓувреме убаво загрејте малку зејтин и попарете го месото. Може и да се запржи од сите страни, но заради полнењето оваа варијнта со попарување е подобра. Кога маринадата ќе зоврие, претурете ја во пекачот, поклопете со капак и ставете да се пече. Рерната претходно загреана на 220С, кога ќе ставите ќе намалите на 180С. На секои 20-30 мин. преливајте го месото со течноста. По 1час намалете на 160 и оставете уште 45 мин. На 10 мин пред крај, тргнете го капакот и оставете да добие убава боја. Кога е готово извадете го на чинија и оставете барем 20тина мин. да се одмори.
Доколку сакате содржината од пекачот ставете ја во блендер и направете си сос.

Состојки
Пандишпан
5 јајца
5 лажици зовриена вода
200 гр шеќер
150 гр брашно
100 гр нишесте
1 прашак за пециво
50 гр стопен и оладен путер
1 лажица екстрат од ванила
Фил
500 мл млеко
200 гр шеќер
2 пудинзи од ванила
200 гр путер
100 гр бела чоколада

Со оваа торта на тимот на Мои рецепти, неговите членови - готвачи и на сите посетители на рецептите ви го честитам празникот Велигден - За многу години!

Подготовка на пандишпанот
Одделете ги жолчките и белките.
Жолчките изматете ги со водата, постепено додавајте го шеќерот(само 125 гр) и продолжете со матењето да се добие светла кремаста смеса.
Додадете го путерот, ванилата и кратко изматете ги да се изедначат.
Со чисти мешалки изматете ги белките со останатиот шеќер(75 гр) во снег и додадете ги во жолчките. Измешајте ги со жица. Додадете ги брашното, нишестето, пецивото и убаво измешајте ги да нема грутчина.
Смесата ставете ја во намачкан со путер и набрашнет калап бр. 26 или 28 и печете на180 степени околу 30 мин во загреана рерна.

Подготовка на филот
Пудингот сварете го со млекото и шеќерот и оставете го покриен да олади.
Чоколадата стопете ја на пареа и оставете ја да олади.
Путерот изматете го, додадете го пудингот и на крај стопената чоколада. Изматете ги убаво да се изедначат.

Филовање
Пандишпанот исечете го по малку од двете страни да добиете форма што личи на јајце. Добиеното јајце - пандишпан исечете го хоризонтално на два дела. Едниот дел попрскајте го со малку топло млеко и премачкајте го со околу половина фил.Ставете го и другиот дел пандишпан, попрскајте го со млеко и целата торта премачкајте ја со останатиот фил.
Украсете ја со шлаг, кокос, чоколада и сл. или по ваша желба.