Свингери

Свингерката Соња тврди дека свингерската сцена во Босна и Херцеговина е јака, и додава дека таквите односи не се табу-тема ни за тамошните политичари, пишува српскиот весник "Блиц". Во своето интервју кое свингерката Соња го дала за босанскиот "Клих", открива дека таа и нејзиниот сопруг учествувале во многу оргии, со размена на партнерите и притоа потврдила дека таквите не претставуваат ништо ново ниту за политичарите на Балканот. Таа својата приказна, како што пишува весникот, ја започнала објаснувајќи како таа и нејзиниот сопруг на својата "авантура" најпрвин тргнале со своите пријатели. После извесен период одлучиле дека најинтересно ќе им биде ако партнерите ги наоѓаат преку интернет, па така откриле дека на одредени страници има регистрирано многу парови од регионот. Соња раскажува дека со првиот пар кој го запознале, најпрво неколку часа разговарале на скајп, а потоа се сретнале на пијалок. "Разговаравме и се смеевме како да се познаваме цел живот, па отидовме кај нив дома. Потоа се запознавме со уште неколку парови, па така мрежата ни се отвори и не ни беше потребен повеќе скајпот и интернет-страниците", раскажува Соња.

Меѓу паровите кои ги запознала имало голем број јавни личности и политичари. Спрема нејзините зборови ситуацијата во регионот е поволна за ваков вид забава. Соња истакнала дека овој вид авантура го има и во Србија и Хрватска, каде постоеле угостителски објекти наменети исклучително за свингерите. Влезот бил дозволен за сите парови, но и за оние кои се сами, но бил премногу скап. "Што се однесува на групите, најголем е бројот на постарите луѓе кои сакаат да си го оживеат својот сексуален живот, а исто така има и парови кои се млади и сакаат да експериментираат.

За крај таа на читателите им порачала да внимаваат во  што се впуштаат, бидејќи после тоа нема назад.