Светски ден за заштита на животните

Масовно убиство на делфини

Секоја година илјада делфини во Јапонија ја губат слободата или животот - некои се ловат живи и се продаваат на забавните паркови, а останатите......ги убиваат за месо.

И покрај напорите на јапонските власти оваа акција да ја држат во тајност, човекот кој го тренирал делфинот Флипер за истоимениот популарен филм, успеал да го сними убоството на овие животни.

Се до сега убивањето на околу 2.000 делфини годишно во едно гратче во Јапонија било една од најсрамотните тајни на оваа земја. Во периодот измеѓу март и септември рибарите со моторни чамци лоцираат јато делфини и  ги следат нивните маршрути по јапонската обала.

Удирајќи ги со метални шипки тие им ја одземаат најпрво свеста на делфините. Дел од нив ги продаваат во забавните паркови, а останатите ги убиваат со ножеви и копје. Подоцна ги продаваат како “месо од кит“, пренесува Телеграф.

Американски тим, на чело со Рик О`Бери, тренерот на Флипер, успеал да сними дел одо ова масовно убиство и покрај бројните препреки - жичана ограда, бесните рибари и локалната полиција.

“Не можев да поверувам“ - вели О`Бери. “Во еден момент ја гледате најмирната вода на светот и јато делфини кое плови. Во рок од неколку часови тие се претворени во парчиња месо на бетонскиот под. Глави лежат наоколу. Ужасна глетка. Тешко ми е да спијам по сето ова.“

Благодарение на неговите напори за спречување на убиството на делфините, почнал да го привлекува вниманието на групата за заштита на околината, а рибарите од Таиџи ги засилиле своите напори да ја прават својата крвава работа во тајност.