Почина актерката Наташа Ричардсон

Британската актерка Наташа Ричардсон почина во болница во Њујорк на 45 годишна возраст.

Информацијата за смртта на Ричардсон ја соопшти Ален Нироб, портпарол на сопругот на Ричардсон, Лијам Нисон.

- Лијам Нисон, синовите и целото нивно семејство се во длабок шок и во голема жалост поради трагичната смрт на саканата Наташа. Тие имаат огромна потреба од поддршката, љубовта и молитвите на сите и замолуваат да биде почитувана нивната приватност во овој многу тежок миг, се наведува во изјавата на Нироб.

Ричардсон ноќта во вторникот кон средата беше префрлена во њујоршката болница „Ленокс“ во тешка состојба, откако во понеделникот се здоби со повреди на главата за време на скијање во зимското одморалиште Мон Тремблан, во близина на Монтреал, во Канада.