Што е (или беше) Тоше?

Песната Hardest Rough од англискиот албум на Тоше Проески и спотот за неа ќе бидат промовирани на финалето на Изборот за песна на Евровизија, кое ќе се одржи на 24 мај, во Белград. По иницијатива на фановите од целиот Балкан, Радиотелевизија на Србија, организатор на манифестацијата, реши дел од програмата да и' посвети на македонската музичка легенда. Спотот за композицијата, која според плановите на англиската продуцентска куќа „Пипл ин моушн“ требаше да се пушти како пилот-сингл и да претставува најава на пробивот на Проески на светскиот пазар, е снимен пред една и пол година во Јамајка. Тагата е голема во семејството. Но, ваквите мигови се барем мала утеха, зашто ова ќе биде една од повеќето шанси светот да го чуе нашиот ангел - вели Славен Ристески, зетот на Тоше. Проески, како македонски претставник на Евросонгот 2004 во Истанбул, Турција, остави силен впечаток со својата интерпретација на темата Life Is.