Зен приказни

-         Интелигенцијата, образованието не играат улога во доаѓањето до оваа длабинска мудрост. Како помошно средство за доаѓање до мудроста на зен, во манастирите се развил еден книжевен вид, наречен коан.

-         Коани се кратки текстови, приказни, анегдоти, загатки, прашања и одговори во кои низ парадокс, низ ненадејни пресврти што се бизарни, алогични и апсурдни треба да се дојде до еден вид шок, кој ќе ја разбуди мудроста во длабочините на свеста (честопати барем во анегдотите).

-         Зен инсистира на непостоењето на вистинска граница меѓу духовното и телесното и затоа честопати оди кон такви активности во кои овие две страни на битието се надополнуваат и се насочуваат кон една цел. Во овие вештини зен ги негува стрпливоста, едноставноста, почитувањето на природата и нејзините закони, господарењето со себе и запознавањето на своите вистински моќи. Овие одлики наоѓаат свои разновидни примени во вештините и уметностите, мечување кенда, стрелањето со лак, уметноста на правењето јапонски градини бонсаи, уметноста на редењето цвеќиња икебана, церемонијата на пиење чај чано-ју, сликарството со разреден туш су-мие и еден вид на поетско творештво хаи-ку.