Лондон

Виртуелниот ноќен клуб во Лондон е единствен од таков тип во светот. На ѕидовите се менуваат слики од целиот свет односно реагираат на сензор кога некој ќе се приближи. Кога ја ставате чашата на масата, шанкот прима сигнал кое пиење го пиете.

Големите платна на кои се прикажуваат разни слики може да се видат во ноќниот клуб Twentyfour, кој е сместен во улицата Kingly во Лондон.

Во просторот се инвестирани 2 милиони евра, а може да го посетуваат само посебни членови на клубот. Сликите, кои се менуваат со помош на инфрацрвени сензори кога некој ќе застане пред платното, ги прикажуваат најубавите локации од светот, како што се плажите на Хаваи или Гранд Кањонот. Може да се постави и виртуелен аквариум со риби кои ги гледат гостите.

- Големото платно е наменето за гости кои сакаат да се опуштат во потполност. Во светот има премногу мрачни клубови, но ова е добра промена - рекол Крис Каларко, кој го дизајнирал целиот простор.

Исто така e интересно примањето на нарачки кое можете да го направите со едноставно ставање на чашата на маса. На масата постојат сензори кои ќе испратат сигнал до шанкот каде ќе разберат за која пијачка станува збор. Доколку со рака го пипнете шанкот, од него ќе порасне цел вирутелен цвет.

- Луѓето може да играат и да се забавуваат со виртуелните играчки кои ги поставивме низ целиот клуб - заклучил дизајнерот.

eh-london,newyork-bez niv svetot ne bi bil ist!