Фан клуб Jувентус

Макфакс

Барање да се отвори истрага против италијанскиот фудбалски гигант Јувентус, до италијанската Фудбалска федерација, поднесе денеска градскиот совет на Арецо.

Преку барањето се инсистира да биде детално истражено, под какви околности Јувенстус го загуби последниот натпревар од втората италијанска лига, на домашен терен од Специја со 2:3, со гол во последните секунди од натпреварот.

Токму поради овој пораз на Јувентус, клубот Арецо од наредната сезона ќе треба да се натпреварува во понизок ранг, додека Специја доби можност да игра бараж за опстанок во Серија Б.

Менаџерот на Арецо Антонио Конте, кој своевремено играше за „Старата дама“, изрази голем револт од начинот како Јувентус го одиграл последниот натпревар, додавајќи оти такво нешто е недостојно за името на големиот клуб.