kako ne...sportskata sreka nekogas mozeda bide presudna...

Бурдисо потпиша за Рома

Аргентинскиот дефанзивец Николас Бурдисо стана нов член на италијанскиот гигант Рома. По завршувањето на минатата сезона 28-годишниот фудбалер беше прогласен за вишок кај италијанскиот првак, па беше принуден под итно да си пронајде нов клуб.

"Се е готово, станав играч на Рома. Ги спакував куферите и заминав во главниот град", изјави Бурдисо.

Аргентинецот е отстапен на една година, а Рома ќе нема можност да го откупи неговиот договор.

Сегашниот стратег на Челзи изјави дека еден ден ќе седне на клупата на “римската волчица“.

 

Во изјавите во кои Карло Анчелоти негираше дека на крајот од сезона ќе ја превземе Рома, Италијанецот најави и дека планира еден ден да седне на клупата на римскиот калчолигаш. Посебно доколку работите не се одвиваат како што тој посакува на Стемфорд Бриџ.

Неговото име и понатаму се поврзува со клупата на Рома, на која сега како привремено решение до крајот на оваа сезона седи Винченцо Монтела.

“Да бидам тренер на Рома отсекогаш било моја голема желба. Многу пати до сега сум го изјавувал тоа, нема што да кријам. Сепак, тоа не значи дека уште утре ќе ја превземам Рома. Се надевам дека ќе останам во Челзи со кого имам уште доста до крајот на договорот“ - изјави Анчелоти, кој добар дел од играчката кариера има поминато токму во клубот од Рим.

Енрике: Само уште потпис ме дели од Рома

"Се е веќе договорено, недостасува само уште потпис на мојот договор" - изјавил пред италијанските медиуми Луис Енрике, очигледно, новиот тренер на фудбалерите на Рома.

Таков расплет на преговорите меѓу италијанскиот прволигаш во нова американска сопственост и поранешнот тренер на Б тимот на Барселона веќе подолго време се јавуваше. а сега стигна и до сама завршница.

"Задоволен сум од донесената одлука и проектот кој Рома го најавува. Ми делува победнички, а јас сум амбициозен тренер победник. Практикувам напаѓачки фудбал, онаков каков што ги превлекува луѓето на стадионите. Луѓето во Италија сеуште не ме познаваат, па нормална е нивната недоверба, а на крајот на сезоната ќе говориме со факти" - вели Енрике.

Се шпекулираше дека Енрике во Рома ќе доведе некој од поранешните играчи кои ги водеше во досегашниот тим.

"Имам намера да работам со најдобрите играчи, оние од Рома и оние кои ќе успееме да ги доведе од Барселона" - одговорил Енрике.

Џефрен Суарез, Џонатан Сориано, Ориол Ромеу и Мартин Монтоја се споменуваат од Б тимот на Барса кои би можеле да се преселат во Рома.

Луис Енрике официјално во Рома

Управата на Рома го именуваше некогашниот шпански репрезентативец, Луис Енрике Мартинез за шеф на стручниот штаб.

Луис Енрике, кој во богата играчка кариера го носеше дресот на двата шпански гиганти, со раководството на "волчицата" потпишал двегодишен договор.

Тој во првата сезона ќе заработи 2,9 милиони евра, а доколку остане до летото 2013. година на клупата на трофејниот римски клуб ќе инкасира вкупно шест милиони евра.

Луис Енрике во кратката тренерска кариера го предводеше единствено Б тимот на Барселона, а во новата средина обврска ќе му биде да го подобри пласманот на Рома, која минатата сезона заврши на шестото место во италијанската Серија А.

АНЧЕЛОТИ ЈА СОНУВА КЛУПАТА НА РОМА

---

Тренерот на Париз Сен Жермен, Карло Анчерлоти призна дека би сакал еден ден да стане шеф на стручниот штаб на Рома за која играл осум години.

„Дали е мојата иднина во Рома? Да, но се надевам првенствено сегашниот тренер Луис Енрике ќе оствари добри резултати. На секој нов тренер кој не е од Италија му е тешко да се навикне на италјанскиот фудбал“. изјави Анчелоти.

Карло Анчелоти како играч на Рома освои титула шампион на Италија во 1983 година и четири национални Купови.

Екипата на Рома моментално го завзема шестото место на табелата во Серија А со 13 бодови помалку од водечкиот Милан.

Сегашниот клуб на Анчелоти, Париз Сен Жермен, е второ пласиран во француската лига со бод помалку од лидерот Монпелје.

Еден е Тоти ! По неговото пензионирање никој нема да ја облече десетката во Рома !