Настани

1942       Близу до селото Плетвар, прилепско, загинаа Борка Талески - Црниот и Лазо Колевски - Лавски, народни херои на Македонија.

1943       Британското воено воздухопловство во Втората светска војна систематски започна да ги бомбардира европските железнички системи на територијата под контрола на нацистичка Германија.

1946       Хо Ши Мин е избран за претседател на Северен Виетнам.

1956       Поранешната француска колонија, Мароко се здоби со независност.

1972       Во САД е лансиран вселенскиот брод „Пионер 10“ за испитување на планетата Јупитер.

1973       Претставници на 12 земји го потпишаа во Париз завршниот документ за мир во Виетнам.

1993       Во Скопје, во Касарната „Гоце Делчев“ се промовирани 64 водници на АРМ, прва класа подофицери произведени во Центарот за воено образование и обука за одбрана.

1995       Покренато е обвинение против поранешниот премиер на Италија Џулио Андреоти поради негова поврзаност со мафијата.

Родени

1459       Адријан Флорисзон, холандски свештеник, кој како папа Адријан Шести во јануари 1522 година стана единствен Холанѓанин, поглавар на Римокатоличката црква во нејзината историја.

1749       Оноре Габриел Мирабо, француски политичар и државник.

1824       Бердих Сметана, чешки композитор

1947       Хари Реднап, англиски фудбалер и тренер

1962       Џон Бон Џови, американски рокер

1972       Дејан Бодирога, српски кошаркар

1977       Крис Мартин, англиски пејач

Починале

1923       Сара Бернар, француска артистка со исклучително убав глас и дарба.

1939       Хауард Картер, англиски египтолог.

1942       Борка Талески, народен херој на Македонија, непосреден организатор на востанието на 11 октомври.

Настани

1502       Васко Де Гама назначен како адмирал на индискиот океан, со 20 бродови тргнува на второто патување до Индија.

1909       Во САД формирано е Националното здружение за напредок на обоените луѓе (NAACP).

1944       Во местото Барбарас, кај Македонски Брод, бугарскиот окупатор стрела осум борци - учесници во Богомилскиот поход.

1992       Република Словенија и Република Хрватска ја признаа независноста на Република Македонија. Република Македонија ја призна независноста на Република Словенија и на Република Хрватска.

1996       Република Македонија воспостави дипломатски односи на амбасадорско ниво со Република Гана.

1996       Во Атина официјално започна со работа Канцеларијата за врски на Република Македонија.

2001       Почеток на воената криза помеѓу македонските сили за безбедност и припадниците на ОНА.

Родени

1809       Абрахам Линколн, шеснаесеттиот претседател на САД.

1809       Чарлс Дарвин, британски научник, творец на теоријата на еволуцијата на живите суштества.

1876       Тубтен Гјатсо, 13-от Далај Лама.

1914       Василие Поповиќ - Цицо, сликар, карикатурист и сценограф, еден од основоположниците на сценографијата во Македонскиот народен театар.

1974       Дмитриј Лосков, руски фудбалер.

Починале 

1804       Имануел Кант, основоположник на германската класична философија.

1911       Гоно Јотов, андратски капетан.

7 јануари 

- Денеска е Божик за христијаните кои се придржуваат на Јулијанскиот календар, а тоа се Македонската православна црква, Српската, Руската, Грузиската, Вселенската, Ерусалимската, Антиохиската и Александриската патријаршија. Божик е ден кога христијаните го одбележуваат раѓањето на Спасителот - синот Божји Исус Христос. Овој датум првпат се споменува како празник во 336 година, во еден римски календар. До 16. век сите христијани Божик го славеа истиот ден, а по 1582 година со прифаќањето на Грегоријанскиот календар од страна на Ватикан, се појавија разлики. Првите векови во православните и протестантските земји се држеа според стариот календар, кој подоцна постапно се менуваше. На Божик, православните Македонци се поздравуваат со зборовите „Христос се роди“, на што одговараат „Вистина се роди“.

1536.- Умре англиската кралица од шпанско потекло Катарина Арагонска, прва од шесте жени на англискиот крал Хенри Осми. Нивниот развод без дозвола од папата предизвика англиска црковна реформа и одвојување од католичката црква.

1537.- Убиен е поглаварот на Фиренца Алесандро де Медичи, кого го наследи Космо де Медичи, голем тоскански војвода, банкар и покровител на научниците и уметниците.  

1584.- Католичките држави во рамките на светото Римско царство го усвоија Грегоријанскиот календар.

1598.- На рускиот престол застана Борис Годунов, по смртта на Фјодор Први, последниот цар од династијата Рјурикович.

1610.- Италијанскиот астроном и математичар Галилео Галилеј ги откри Јупитеровите месеци Ио, Европа, Ганимед и Калисто.

1652.- Во Сењ (во фамилија на германски доселеници) е роден Павао Ритер Витезовиќ, историчар, географ, филолог, поет, политичар, бакрорезец, печатар, претходник на илирското движење. Најзначајно негово дело е „Стематографија“, издадена на латински јазик, во кое се содржат грбовите на јужнословенските народи. Умре во Виена, на 20 јануари 1713 година.

1785.- Џон Џефрис и Жан Пјер Бланшар први го прелетаа каналот Ла Манш со балон полн со топол воздух.

1789. - По донесувањето на американскиот Устав со кој се утврдија начелата на државното уредување и надлежностите на претседателот, во САД се одржаа првите претседателски избори на кои убедливо победи Џорџ Вашингтон, прочуениот водач на војната за независност.

1807.- Велика Британија прогласи поморската блокада за Франција и земјите сојузници на францускиот цар Наполеон Први. Во економската војна потешки последици претрпе Франција. Исто така нејзината морнарица беше неколку пати поразена при обидите да го пробие обрачот на британската морнарица.

1898. - По конституирањето на првата подморница која се движеше на тркала по морското дно и со додавање на цевка низ која во подморницата влегуваше свеж воздух, американскиот техничар Симон Лејк водеше телефонски разговор од својата подморница со претседателот на општината на градот Балтимор. Тоа значеше почеток на новиот начин на телефонско комуницирање.

1902.- Во Крушево е роден д-р Стерјо Боздов, член на АСНОМ и прв декан на Медицинскиот факултет во Скопје. Умре во Крушево, на 13 април 1987 година.

1909.- Формирана е Првата социјалистичка организација во Скопје. Нејзиното формирање имаше големо значење за натамошниот развој на работничкото движење како во Скопје, така и во Македонија. До нејзиното основање не дојде спонтано и случајно. Корените за појавата на социјалистичката мисла во Македонија се јавуваат уште кон крајот на 19. век.

1916. - Во Скопје е роден Јордан Николов - Орце, народен херој на Македонија. Тој беше еден од организаторите и раководителите на работничкото движење во Македонија и член на Покраинскиот комитет на КПЈ за Македонија. Во ноќта меѓу 3 и 4 јануари 1942 година, на пат за Македонија, минувајќи ја планината Кукавица кај селото Туба, во близина на Владичин Хан, убиен е од заседа на бугарскиот фашистички окупатор.

1923.- Во Кавадарци е роден Иван Диме Мазов  Климе, македонски револуционер, театарски критичар, раскажувач, публицист, општественик и долгогодишен новинар и уредник во весникот „Нова Македонија“. Познати се неговите прозни дела „Додека топовите пукаат“ и „По трагите на Евлија Челебија“. Во Рогашка Слатина, во Словенија, несреќно го загуби животот на 14 февруари 1977 година.  

1927.- Воспоставена е редовна трансатлантска телефонска врска меѓу Лондон и Њујорк.

1932.- Умре францускиот политичар Андре Мазино, воен министер од 1922 до 1924 и од 1929 до неговата смрт во 1932 година, по кого е наречена утврдената линија на границата спрема Германија, изградена од 1927 до 1936 година. Оваа линија сепак не беше од корист во Втората светска војна, германската војска едноставно ја заобиколи преку Белгија.

1943. - Во Њујорк умре Никола Тесла, еден од најголемите умови и пронаоѓачи на полето на електротехниката. Тој е пронаоѓач на трофазен систем за пренос на електрична енергија, на индукциониот мотор, на генераторот и трансформаторот и на цела низа други откритија врз кои денес се заснова модерната електроника. Тој е пионер на радиотехниката и според него струјата со висок напон го доби името Теслина струја. Роден е во селото Смиљан, кај Госпиќ, на 10 јули 1856 година.

1946.- Западните сили ја признаа Австрија во границите од 1937 година.

1953.- Американскиот претседател Хари Труман соопшти дека во САД е направена хидрогенска бомба.

1972.- Индија се спротивстави на притисокот од САД и воспостави дипломатски односи со Кина.

1979.- Камбоџиските бунтовници со помош на витенамските сили, го зазедоа Пном Пен и ја турнаа владата на „Црвените Кмери“ предводена од Пол Пот. За време на неговата влада од 1975 година во Камбоџа беа убиени меѓу еден и два милиони луѓе.

1984.- Умре францускиот физичар Алфред Кастлер, член на Француската академија и добитник на Нобеловата награда за физика во 1966 година. Откри и разви оптички методи за изучување на Херцовите резонанци во атомите и неговиот труд е од клучно значење за развој на ласерот.

1987.- Во Софија умре Венко Марковски, поет, драмски писател, еден од основоположниците на современата македонска литература, член на Македонската литературна група, основана во Софија во 1931 година, на Македонскиот литературен кружок (1938 - 1941), учесник во НОВ на Македонија, член на Главниот штаб на НОВ и ПОЈ, член на Иницијативниот одбор за свикување на Првото заседание на АСНОМ, делегат на Првото заседание на АСНОМ... Неговите стихозбирки „Народни бигори“ и „Огинот“, издадени во 1938 година се првите книги стихови на македонски јазик. Најомилен македонски поет се до неговото одење во Бугарија. Поради судир со актуелното раководство на Македонија и на Федерацијата осуден е на работа и интерниран на Голи Оток. Роден е во Скопје, на 5 март 1915 година.

1989.- Умре јапонскиот цар Хирохито, кој владееше од 1921 година. Како регант го заменуваше својот болен татко, а во 1926 година беше крунисан. По поразот на Јапонија во Втората светска војна во 1946 година се одрече од „боженствено потекло“ кое е плод на традиционалните јапонски сфаќања и религиозност. Владетелските овластувања му беа значително скратени со уставот од 1947 година.

1990.- Првпат по 800 години беше забранета посетата на Кривата кула во Пиза, една од најголемите туристички атракции. Поради опасноста кулата да падне, неопходна беше нејзина реконструкција.

1992.- Првпат, 7 јануари - првиот ден на Божик, беше неработен ден во Република Македонија.

1997.- Во Алжир, во експлозија на бомба која во автобус ја подметнаа исламски терористи, загинаа најмалку 13, а беа ранети околу 100 лица.

1997.- Во Битола умре Доне Пановски, македонски литературен критичар, есеист, книжевен историчар и новинар. Автор е на повеќе книги, меѓу кои „Вреднувања“, „Литературни портрети“, „Писателите на Илинден“, „Литературни студии“ и други. Роден е во селото Буф, Леринско, на 5 ноември 1935 година.

1999.- Во Американскиот сенат е отворена постапката за сменување (импичмент) на претседателот Бил Клинтон.

2001.- Во Скопје умре Скендер Амет, прочуен македонски естраден виртуоз на хармоника, од ромска националност. Роден е во Скопје, на 31 октомври 1953 година.

2004.- Врховниот суд на Индонезија ја потврди смртната казна на исламскиот терорист Аморзи, обвинет за подметнување експлозив во ноќен клуб на островот Бали, кога загинаа најмалку 202 лица, речиси сите западни туристи.

2006.- Умре австрискиот писател и истражувач Хајнрих Харер, чие биографско дело “Седум години на Тибет“ е преведено на 53 јазици. Како научник во рамките на истражувачката експедиција која ја испрати нацистичка Германија беше на Тибет и таму остана цели седум години.

7.12