Груевски престани да местиш Бугари!!!!

Доста Димовска ќе биде директорка на Македонскиот културен центар во Софија. Владата ја назначи и нема зошто да го повлекува предлогот, велат од Министерството за култура на се погласните реакции на Македонците од Бугарија против именувањето на Димовска.

 

- Таа е истакнат културен деец и амбасадор на културата. Министерството за култура стои зад нејзиното назначување, како што е и договорено на повисоко ниво – велат во министерството. 

 

Македонците од Бугарија викендов испратија отворено писмо до Владата, во кое бараат да не се менува сегашниот директор Стефан Влахов. Тие велат дека Влахов како ретко кој друг придонел за успешна работа на центарот.

 

“Тешко би се нашол посоодветен човек за таа должност од докторот по филозофија, историчар, претседател на Сојузот на независни писатели во Бугарија и активен член на друштвото за бугарско - македонско пријателство. Презентацијата на практично непознатата македонска култура во Бугарија и на творештвото на припадниците на македонското малцинство во Бугарија е вистинскиот пат да се скрши мразот на негирањето”, се вели ви писмото потпишано од македонски интелектуалци, партии и христијански друштва во Бугарија.

 

Според потписниците, во изминатите две години, покрај предвидените 10 активности помогнати со пари од буџетот на македонската влада, Михов успеал да спроведе и 66 културни настани кои го продлабочиле пријателството меѓу Македонија и Бугарија и ја промовирале македонската култура.

 

Димовска уште не почнала да ја врши новата функција во Софија. Таа одбива да ги коментира реакциите против нејзиното именување со образложение дека не претставува партија, туку ќе спроведува политика на македонската влада.