Фан клуб Горан Пандев

Бенитез го дава Пандев за Маскерано!

Медиумите во Италија најавуваат дека Рафа Бенитез новиот тренер на Интер по секоја цена ќе се обиде летово во својот нов клуб да ги ангажира неговите довчерашни ученици од Ливерпул, Хавиер Маскерано и Дирк Кајт. Како една од алтернативите за исполнување на желбите е на "Енфилд Роуд" да биде пуштен Горан Пандев кој би заминал од Интер и би бил вклучен во размената на фудбалери помеѓу двата клуба. За да ги купи Маскерано и Кајт на Интер би му биле потребни 100 милиони евра а со замената со Пандев клубот од "Џузепе Меаца" би заштедил 30 милиони евра.

Веб порталите во Италија најавуваат дека ова е можна опција со оглед на тоа дека и во Ливерпул веќе подолго време го посакува Пандев како нивно засилување. Тие со него беа во контакт 3 години но сепак Интер успеа во јануари да го добие потписот на нашиот најдобар фудбалер кој со "нероазурите" ги освои сите титули оваа пролет.

Сепак Пандев стана миленик во Интер и таму е само 6 месеци. Тој оваа година веќе има еден професионален договор кој го потпиша со тимот од "Џузепе Меаца" на 4 јануари. Според правилата на ФИФА фудбалерот ќе мора да чека до 4 јануари 2011 година доколку сака да направи нов трансфер. Сепак има и други алтернативи а тие се Пандев да оди како отстапен играч во Ливерпул и кога ќе дојде терминот да потпише професионален договор со англискиот тим.

Пандев со Интер има договор до 2015 година а во текот на јули ќе се знае дали нашиот фудбалер ќе биде вклучен во размената со Ливерпул и трансферот на Маскерано во Милано.

Пандев учествуваше во гол на Интер, па се повреди вторник, 14 септември 2010

Најдобриот македонски фудбалер Горан Пандев повреден и на носилка го напушти теренот во Еншеде кај Твенте на првиот меч на Интер со кој европскиот првак тргна во одбрана на европската круна

Пандев, кој очекувано беше стартер на мечот на отварањето на новата сезона за европскиот шампион, учествуваше директно во акцијата еден-два за израмнување на 2-2 со гол на Самуел Ето пред крајот на првото полувреме. Но, откако Пандев одигра солидно во првиот дел, во вториот на самиот старт, во 58 минута се повреди. Пандев на носилка и со грч на лицето беше изнесен од теренот и однесен во соблекувалната, па првата слика за повредата е лоша дека таа е посериозна, иако веројатно ќе се сочека денешниот ден и медицинските прегледи за да се знае точната дијагноза.

Пандев игра слабо, Интер губи бодови

Последниот погодок во Серија А му беше на 7 февруари во победата од 3:1 над Калјари.

Голгетерскиот пост на македонскиот репрезентативец Горан Пандев е една од главните причини за слабата форма на актуелниот европски првак Интер сезонава, пишува интернет-порталот "ФЦ Интер њуз", специјализиран за вести поврзани со "нераѕурите". Завчера, во 80. минута од дуелот со Парма, кога Интер веќе водеше со 5:2, Горан Пандев беше во идеална позиција да го постигне шестиот гол за својот тим по една размена на додавања со Тијаго Мота. Македонецот се најде пред празен гол од левата страна, но, неверојатно, промаши. Последниот погодок во Серија А му беше на 7 февруари во победата од 3:1 над Калјари.
- Се уште без погодок во лигата, Пандев го постигна единствениот гол сезонава против Рома во Суперкупот, а и тоа беше подарок од одбраната на римскиот клуб. Оттогаш, само засрамувачки грешки и сензационални промашувања, што е потврда за слабата форма, но и недостаток на среќа. Посебно на последните настапи, Македонецот имаше барем три можности да ја затресе мрежата. Против Лече промаши практично пенал, во Верона против Киево промаши празен гол по киксот на голманот Сорентино и завчера против Парма повторно не успеа да даде гол, иако голманот Миранте веќе беше совладан. Дел од ваквите грешки го чинеа Интер скапоцени бодови - тврди италијанскиот портал.
Ваквата лоша серија на нашиот најдобар фудбалер почна да предизвикува незадоволство кај многу луѓе на "Џузепе Меаца" и "ФЦ Интер њуз" вели дека добил свирежи од трибините, но и поддршка од соиграчите. И по промашувањето против Парма, тој наиде на топли реакции од соиграчите, кои побрзаа да го утешат.

 

Сагата продолжуваа....................