Веднаш по поразот од Луксембург од 2:1, социјалните мрежи беа преплавени со негативни коментари за македонските фудбалери, селекторот, а најмногу за раководството на ФФМ.

Имаше и такви коментари кои алудираат на тоа дека натпреварот е наместен за „два во кец“ и дека некој добро заработил.

Денеска на Фејсбук кружи фотографија на која се гледа дека непосредно пред натпреварот, односно само седум минути пред почетокот на дуелот некој уплатил ливче со тип „два во кец“. Сепак, сопственикот на ова ливче се „зафркнал“ бидејќи уплатил само 50 денари и добивката била скроми 1.750 денари.

Дали овој тип е навистина „случаен“ или, сепак имало дојава, никој со сигурност не може да тврди. Колку и да е мала уплатата, сепак терминот е сомнителен. Уплатата на ливчето е извршена само седум минути пред почетокот на мечот.

ФФМ нема да го брка Џон Тошак, засега…

Македонскиот фудбалски селектор Џон Тошак во прво време ќе ги преживее „промените“ во Фудбалската федерација на Македонија, дознава МКД.МК од извори блиски на Илчо Ѓорѓиоски, новиот претседател на Федерацијата.  Тошак засега е безбеден, што не значи дека волјата на фудбалската влада не може бргу да се смени.

Велшанецот за да има мир, ќе мора да се врати со добра бодовна залиха од натпреварите со Хрватска и со Шкотска

Велшанецот нема да добие отказ како што се шпекулираше во јавноста откако Харалампие Хаџиристескизамина од претседателската функција, туку ќе добие шанса да ги води македонските репрезентативци на стартот од квалификациите за СП, на натпреварите кои се играат во септември, на гости со Хрватска и Шкотска. Ова било решено поради тоа што во случај на смена на селекторот во овој момент, повторно целите квалификации би биле загубени уште пред и да почнат, зашто минимално е времето за да дојде друг тренер што ќе може да го „создаде“ тимот за успешно да го почне целиот циклус. Исто така, Ѓорѓиоски веројатно дека потекнува токму од тренерската струка, не сакал на лесен начин да „погуби“ негов колега, особено што станува збор за националната селекција, која досега секогаш ги „губела“ првите луѓе откако ќе се случеле смените на власта.

Но, ова не значи дека Тошак може удобно да седи во фотелјата, напротив. Велшанецот за да има мир, ќе мора да се врати со добра бодовна залиха од првите два натпревари, со цел во октомври, кога во Скопје доаѓаат и Србија и Хрватска, во државава, барем на малку, конечно да завладее и фудбалска еуфорија, но за репрезентацијата. Ако Тошак киксне дотогаш, натпреварите со поранешните братски републики веројатно ќе му бидат и последни во кариерата како селектор на Македонија. Исто така, Тошак сега на грб ќе го има и Ѓорѓиоски, чии замерки за повикувањето на играчи, тактиката и поставеноста на теренот ќе држат најмногу од сите претседатели на ФФМ досега.

ФФМ и Тошак имаат потпишано договор во кој има клаузула дека која и да страна го раскине договорот пред неговиот истек, ќе треба да исплати отшета од три плати, што во случајот на Велшанецот изнесува 45.000 евра.

македонската репрезентација по поразот од Хрватска доживеа уште еден,овој пат од Шкотска.Нашите убедливо подобри,со голем број реални шанси за погодок,ама шкотите успеаа на среќа да постигнат два гола и да победат...

Македонија ја победи Србија

Македонската фудбалска репрезентација ја постигна првата победа во квалификациите за Светското првенство 2014, откако вечерва беше поуспешна од Србија со резултат 1:0. Воедно, ова беше прва историска победа против северниот сосед.

На натпреварот одигран во Скопје на арената „Филип Втори“ пред околу 28 илјадна публика, првото полувреме помина без посериозни шанси за гол. Така беше и во почетните 10-тина минути од вториот дел. Двете репрезентации се обидуваа најчесто со удари од далечина. Македонија преку Мирко Ивановски, а гостите преку слободните удари кои ги изведуваше Александар Коларов.

Се играше 59 минута кога Агим Ибраими со долга топка одлично го проигра Ферхан Хасани, кој излезе сам пред српскиот голман, но беше соборен од Ненад Томовиќ, кој заслужено доби црвен картон.

За Македонија беше досуден пенал, а Србија остана со играч помалку. Ударот од 11 метри го реализира Агим Ибраими за водство од 1:0 што на крајот се покажа како конечен резултат.

Србите и покрај тоа што беа со играч помалку се обидуваа да изедначат, но одбраната на Македонија беше сигурна.

Македонскиот селектор Чедомир Јаневски вечерашниот натпревар го почна со седум нови играчи во однос на дуелот со Хрватска одигран пред четири дена.