Зимски сладолед готов во три чекори

Иако сладоледот важи за летен десерт, зошто да не уживаме во него и во зимските денови? Ви нудиме рецепт кој е прилагоден на овие месеци, во кој преовладува чоколадото и крем од жолчки од јајце, што го прави неговиот вкус да наликува на мус.

Потребни состојки:

• 100 гр. темно чоколадо (минимум 70% какао);
• 300 мл. полномасно млеко;
• 85 гр. шеќер;
• 3 жолчки;
• 300 мл. слатка павлака.

Подготовка:

1) Ставете го чоколадото искршено на коцки заедно со млекото во тенџерче, загрејте го на тивок оган и мешајте додека не се растопи и не добиете хомогена смеса. Потоа тргнете го од оган и оставете го да се излади.

2) Матете ги жолчките заедно со шеќерот додека не добиете густа смеса, а потоа додадете ја истата во растопеното чоколадо. Мешајте сè заедно на тивок оган, додека не се соедини целата смеса.

3) Добиената чоколадна смеса оставете ја да се олади, но повремено мешајте ја за да го избегнете формирањето на кора. Изматете шалг од слатката павлака и соединете го со чоколадната смеса. Потоа ставете го добиениот крем во соодветен сад во замрзнувачот и чувајте го таму околу 2 часа, додека целосно не се стврдне. Пред да го послужите, ставете го замрзнатиот сладолед во блендер и миксајте додека не добиете густа и леплива текстура. Потоа послужете.

Овој десерт, кој можете дополнително да го збогатите со мелени ореви, бадеми, ф’стаци или замрзнато овошје, ќе ви овозможи да имате екстремно вкусно попладне. На здравје!