Пијани сладоледи за супер летна забава

одготвувањето коктели во чаши е веќе видено. Време е да ги изненадите и освежите пријателите со алкохолни коктел сладоледи.

Вистинска забава во која ќе уживате и нема да броите кој колку чаши испил, туку ќе дозволите да ве поведе слаткото смрзнато задоволство. Ги има со најразлични рецепти и за сечиј вкус.

Повикајте го друштвото во вашиот двор или подгответе ги и изненадете ги на некоја плажа за време на летниот одмор. Верувајте дека ќе ви бидат благодарни.

Сè што ви е потребно е некакво овошје, некој алкохолен пијалак, калапчиња и добар замрзнувач.

Одберете си го омилениот пијан сладолед:

1. Бурбон-праска

Во блендер измешајте 2 чаши лимонада, 1 чаша сок од праска и 50 мл бурбон, ставете го во замрзнувач и оставете го во текот на ноќта.

2. Минт-бурбон

Измешајте 2 чаши вода, 1 чаша кафеав шеќер, 1 чашка ментол и 1/3 чашка бурбон

3. Tequila Sunrise

Сигурно сте го правеле коктелот во чаша. Потребни ви се истите состојки (2 чаши сок од ананас,3/4 чашка текила, 1/4 чашка гренадин) само замрзнати во калапчиња.

4. Киви и москато

Потребни ви се 2 киви, 2 лажици шеќер или мед, 1/2 чашка бело вино, 1/4 чаша вода.

5. Џин и краставица

Во блендер измешајте 1 краставица, сок од 2 лимона, 50 мл џин и 1 чаша пиво

За 1 минута направете домашен Нутела сладолед

Не постои човек кој не е вљубен во вкусот на Нутелата, барем малку. А, тоа многу добро го знае Лаура Витале, готвачката која реши да го сподели својот рецепт за домашна изработка на Нутела сладолед.

Рецептот е едноставен, а потребни ви се само неколку лесно достапни состојки - млеко, слатка павлака, засладено кондензирано млеко и Нутела.

Потоа можете да го послужите со свежо овошје, топол колач или да направите чоколаден шејк од него. Изборот и задоволството е ваше!

Крем сладолед од јагоди

Состојки: 125ml млеко, 125ml слатка павлака, 1 јајце, 1 жолчка, 100g шеќер, 125g крем сирење, 250g јагоди, арома од ванила

Подготовка:

Ставете ги павлаката и млекото во сад за готвење и загрејте додека не зовријат.

Изматете го јајцето, жолчката и шеќерот, па во оваа смеса додадете го млекото промешано со павлака. Продолжете да варите уште неколку минути.

Ставете ги јагодите и крем сирењето во блендер и мешајте додека не добиете мазна смеса. Додадете ја во садот со топол крем.

Префрлете го слаткиот крем во пластичен сад, ставете го во замрзнувач и оставете го да се стврдне преку ноќ.