Брускети со маскарпоне и сончоглед

Состојки
1 мал багет
2 полни лажици маскарпоне
2 лажици пармезан
1-2 лажици тостиран и толчен сончоглед
малку лук во гранули
по вкус никулци

Лебчето исечете го на половина во должина.
Ставете го на тостер да се тостира.

Во сад измешајте ги маскарпонето, пармезанот, тостираниот и истолчен сончоглед и лукот во гранули.
Посолете по вкус.
Измешајте убаво и премачкајте ги тостираните лебчиња.
Одозгора нанесете по желба никулци.

Брускети со тиква

Состојки
350 гр. тиква Хокаидо
1 чешне лук
на вкус рузмарин
5-6 сушени домати во маслиново масло
на вкус рукола
2 лажици вода
4 лажици маслиново масло
1 лажица бело Балсамико оцет
на вкус сол, биберм сецкани чили пиперчиња
8 тенко исечени парчиња леб или багет (30 гр. леб)
по ваша оцена рендан или тенко исечен пармезан

ПРИПРЕМА
- Излупете тиква, исчистете од семките и исечете на коцки во приближна големина од 0,5 см. Излупете го лукот и ситно исецкајте. Измијте го рузмаринот, потсушете и ситно исецкајте го. Измијте и руколата и доколку средишниот раб е подебел - тргнете го (ова бидејки тој дел е доста тврд), грубо исечете доколку се поголеми листовите- спротивно нека останат цели.

- Во нелеплива тава загревајте 2,5 лажици масло, додадете во неа тиквата и половина од лукот - пржете 3-4 мин. Додадете го рузмаринот, оцетот, водата, осолете и залинете со биберот на вкус, додадете ги ситно сецканите чили пиперчиња (доколку немате ставете слободно лут буковец)- сето ова пржете заедно околу 1 мин. Тргнете тавата од огнот, додадете го сувиот мариниран домат оставете да олади малку.
- Остатокот од лукот и маслиновото масло измешајте ги и премачкајте ги сите лепчиња, ставете да се потпечат во веке загреана рерна на 220 степени.Печете околу 5 мин., извадете и распределете на топлите лепчиња од веке спреманата мешавина со тиквата, а врз неа ставете од руколата. Посипете со рендан или тенко исечен пармезан.
На здравје!

Брускети со лук и крем сирење

Состојки
Состојки
1 багет
100 гр крем сирење
3 лажици маслинов зејтин
2 чешниња лук
4 гранчиња магдонос
1 младо лукче

Ароматични и вкусни брускети. За мезе, појадок или вечера.
Багетот исечете го накосо на тенки парчиња околу 1 сантиметар. Наредете ги на хартија за печење.
На маслиновиот зејтин се запржува ситно исеченото лукче, колку да пушти само арома. Откако ќе олади зејтинот со четка се премачкуваат парчињата багет. Останатиот зејтин се меша заедно со крем сирењето. Ситно се сече и магдоносот и младото лукче и половината се додава кон крем сирењето. Секое парче багет се премачкува со добиената смеса. Одозгора се наросува со преостанатиот магдонос и лук. Брускетите се печат 5 минути на 200 степени во загреана рерна.

Брускети Вортекс

Состојки
2 тост леб
2 лажици путер
2 лажици слатко од трендафил
1 ванила
1/2 банана
50 гр бадеми
50 гр ореви

Хранливи, многу вкусни.. Самиот неверојатен вкус и одбраните состојки кои ви даваат енергија, ве прават да бидете на висока вибрација преку целиот ден, затоа и така ги именував. Вортекс е поим за висока вибрација и позитивна енергија.

Подготовка
Тост лебчињата ги премачкуваме со путер и ги ставаме во рерна. Откако ќе заруменат, ги вадиме од рерна
Одозгора ставаме слатко од трендафил, наросуваме малку ванила, редиме банана, а од страните бадеми и ореви.
На здравје!

Бургер брускети

Состојки
За бургери
300гр мешано мелено месо
презла по потреба
1 главица кромид
4 кришки леб
За сосот
1 лажица пармезан сирење
1 лажица маслиново масло
неколку шери домати
За премачкување
чешне лук
За подготовка на брускети ни е потребен француски леб, тој е долг и тенок, идеален за брускети. Ќе го исечите на косо и ќе добиете прекрасен ручек.
Намачкајте го со путер и ставете го во рерна околу 12 мин на 160, да порумени, но не и да изгоре.
Може да го подготвите со било каков леб, меѓутоа да го доловиме вистинскиот брускета рецепт ќе го користиме францускиот.
Има повеќе рецепти за брускети, меѓутоа јас се одлучив за бургер.

Во сад измешајте ги шери доматите, ставете пармезан, рендан лук (ваша желба) магдонос, маслиновото масло и тргнете на страна.
Во месото ставете сецкан кромид, презла, зачинете со сол и мешан сув зачин направете помали плескавици и испржете ги. (Или подгответе си ги на начин како вие сакате).
Кога ќе бидат лепчињата готови, уште додека се топли, премачкајте ги со лук, ставете по една од плескавиците и одозгора сосот со домати и послужете.
Нека ви е на здравје!

Забелешка
Може ако сакате да не користите лук, ретко кој го обожава, меѓутоа не правете го тоа, неговиот мирис и вкус наликува на вистински бургер.
Користете каков бил леб, меѓутоа, францускиот леб е баш за иделни брускети.

Дозите се за 4 бургер брускети.

Брускети со намаз од туна

Состојки
За намаз
100гр конзерва туна на парчиња
50гр пченка шеќерац
1/2 сок од лимон (по ваша желба)
4 кришки леб

Да го подготвиме намазот
Пченката поварете ја малу на оган околу 5-6 мин, исцеде ја и заедно со туната и сокот ставете ги во Нутрибулет додека не добиете намаз.

Францускиот леб исечете го на косо намачкајте го со путер, и ставете го во рерна да се пече 12 мин. да порумени, но не и да изгоре.

Сервирајте со намазот и парчиња туна.

Забелешка
Јас кога подготвувам брускети, лебчето кога ќе се испече со путер додека е топло, го премачкувам со свеж лук. Му поминувам само еднаш, колку да фати вкус, меѓутоа тоа е ваша желба.

Користам замрзната пченка од видот шеќерац, бидејки сепак не им е сезона.

Секако сокот од лимон можете да ставите по ваша желба, додека сакате покисели вкусови (како мене) ставете сок од пола лимон, а а ако не, ставете помалце.

Брускети со сос за паста

Состојки

2-3 парчиња стар леб
малку маслиново масло
неколку лажици сос за паста
по желба кашкавал и оригано

ва е само идеја како да го искористите сосот за паста кој ви останал и стариот леб.

Парчињата леб премачкајте ги со малку маслиново масло и ставете ги во нелеплива тава, најдобро грил, да се запечат и станат крцкави.
Сосот за паста ставете го уште малку на оган ако е поредок за да се редуцира течноста. Ако е густ овој чекор прескокнете го. Потоа на секое парче леб ставете од сосот, нарендајте кашкавал и оригано, и уживајте.

Мојот сос беше со мелено месо, црвени пиперки, моркови, домати, кромид...