Направи сам: 4 рецепти против акни

Никој не сака акни по своето лице, ниту пак ужива кога треба да ги покрива со пудра и со најразлични коректори со цел да ги сокрие пред некој важен состанок или интервју за работа. Доколку преку глава ви е да трошите илјадници денари на препарати кои едноставно не функционираат крајно време е да се обидете да приготвите домашен рецепт со кој ќе го решите проблемот.

Ноќен крем од коријандер

Земете неколку ливчиња коријандер и фино издробете ги. Пастата која што сте ја добиле ставете ја во цедалка и исцедете ја течноста. Во неа додадете малку куркума и измешајте добро. Оваа смеса нанесувајте ја на лицето секоја вечер.

Ефикасна паста од лук

Лукот содржи алицин кој претставува природен антибиотик. Затоа земете 2-3 чешниња лук и од нив направете паста така што добро ќе ги источите. Оваа паста нанесете ја на самите акни. Ако имате чувствителна кожа во пастата ставете и малку јогурт.

Алое вера рецепт

Земете свеж алое вера лист и излупете ја зелената обвивка. Извадете го гелот од внатре и два пати во текот на денот со него мачкајте ги проблематичните места. Гелот нека остане на нив околу 30-тина минути. Потоа измијте со вода.

Крем од мед и млеко

Помешајте една лажичка мед, со една лажичка сок од лимон, една лажичка масло од бадем и две лажички млеко. Природниот крем нанесете го на местото кое што е воспалено.