Направете си домашен дезодоранс без штетни хемикалии

Разните дезодоранси кои ги купуваме од козметичките салони за да го неутрализираме мирисот на потта, најчесто се полни со хемикалии кои штетно влијаат на кожата и потните жлезди..

Иако нудат заштита од 24-часа, природни состојки и нега, сепак, тие се оние кои ви ги затвораат порите и го спречуваат природниот процес на исфрлање штетни материи преку потта.

За вистински да го неутрализирате мирисот, а потта да функционира нормално, потребно е сите состојки да бидат природни и да бидете сигурни дека нема да ви предизвикаат алергии или посериозни болести.

Затоа, најдобро е сами да си направите домашен дезодоранс со одбрани состојки:

• ½ шолја сода бикарбона
• ½ шолја пченкарен скроб
• ½ шолја кокосово масло
• 20 капки етерично масло по избор

Тегличка за смесата, која е стерилизирана и сува.

Подготовка:

Помешајте ја сода бикарбоната и пченкарниот скроб во мал сад. Полека додавајте го стопеното кокосово масло, мешајќи додека смесата не стане погуста од паста, слична како лепило.

Додајте етерично масло по желба и добро промешајте. Ставете ја смесата во стерилизираната тегличка и оставете ја во фрижидер околу 1 час додека не се стврдне. Чувајте го домашниот дезодоранс на студено и суво место и нанесувајте секојдневно по малку под пазувите.

Во последно време аксесоарите со украсни камења се мошне популарни, па затоа денес ќе ви покажеме како обичната плик чанта може да се трансформира во ултра модерен свечан аксесоар.

Потребни ви се камчиња во различни бои и форми и лепило. Тоа е се! Дали ќе ја декорирате цела чанта или само некој дел зависи од вашиот вкус. Во случајов целата чанта е облепена со камчиња и изгледа одлично.

Домашна крема од 5 состојки за нозе без целулит

Летото наближува и дојде време да се подготвите за деновите кои ќе ги минувате на песочните плажи, без грижата за вашиот изглед. Со оваа домашна крема ќе дојдете до прекрасните нозе кои од секогаш сте ги посакувале.

Што ви е потребно:

• 100 g кафе
• Витамин Е
• Кокосово масло
• Бадемово масло 
• Етерично масло по желба

(количината на етеричните масла зависи од количината на кафето)

За правењето на оваа крема неопходно ќе ви биде подолг период од 2 недели затоа, важно е навреме да го подготвите. Во секој случај не се откажувајте, ќе бидете изненадени од нејзиниот прекрасен мирис и текстура кои ќе ја направат вашата кожа еластична и мека.

100-грамското кафе од кесичката префрлете го во добро измиена и стерилизирана тегла, а потоа со лажичка додека мешате ставајте ги и етеричните масла (со исклучок на кокосовото) сè додека кафето не е целосно покриено со масло. Понатаму еднаш дневно ќе треба малку да ја промешувате смесата.

Оставете ја смесата да стои на дневна температура цели 14 дена, а потоа откако ќе измине времето, добро процедете го кафето за во новата тегличка да ви остане само маслото. Во него додадете малку витамин Е и кокосовото масло. Смесата измешајте ја со миксер и оставете ја во ладилник за да добие на црвстина и да наликува на речиси секоја готова антицелулитна крема.

Во текот на 6 месеци користете ја секојдневно. Најефективен начин за отстранување на целулитот е двапати дневно на местата каде забележувате целулит да ја втривате кремата со кружни и темелни движења.

Овој крем колку и да е ефикасен, не може сам целосно да го елиминира целулитот. Неговата редовна употреба во комбинација со здравата исхрана и пиењето на многу течности ќе ви помогне да го отстраните досадниот целулит.

Направи сама: На старите балетанки нацртај лик на слатко маче

Имате еднобојни стари балетанки кои сакате да продолжите и оваа сезона да ги носите? Брзо и едноставно може да бидат во ново руво. Потребно ви е само малку боја и време.

Старите балетанки може да добијат нов изглед со брзо нанесување на фабричка боја од која ќе излезе слатко маче.

Потребно ви е:

• Еден пар стари балетанки
• Бела и црна фабричка боја
• Самолеплива трака
• Мала и голема четка
• Обична шнола

За почеток на врвот на балетанките залепете парче самолеплива трака. Внимавајте истата добро да биде залепена за да не ви се размачка бојата при нанесувањето.

Продолжете со нанесување на трака и на долниот дел од балетанките се со цел гумата да не ја добие бојата која ќе ја нанесувате.

Послужете се со големата четка и започнете со боењето. Во зависност од тоа колку сакате да биде силно изразена црната боја, можете да ја нанесете еднаш или два пати. Оставете малку да се исуши бојата.

Откако сте сигурни дека бојата е добро впиена и исушена, одлепете ја траката и на горната површина нацртајте две триаголничиња за ушите.

Земете ја шнолата.

Потопете ја во белата фабричка боја и нежно нацртајте две точки кои ќе ги претставуваат очите на мачето.

Со малата четкичка продолжете со исцртувањето на ликот на мачето. Со лесни движења на двете страни направете три кратки линии и готови сте.

Сега можете да имате сосема „нови“ балетанки кои можете да ги носите секојдневно и да ги користите во многу дневни комбинации.

15 направи сам идеи: Подгответе ги маиците за лето

Кога температурите ќе пораснат, секоја девојка очајно бара начини како да се разлади и да покаже малку повеќе кожа.

За да ја разбиете монотонијата на еднобојните маици и кратките ракави кои веќе ви досадија, ви предлагаме да се фатите за работа пред да почне летото.

Земете ги сите стари маици од гардероберот и ставете ги пред вас. Размислете што можете да направите од нив - можеби ќе успеете да ги претворите во краток топ, фустанче со ластик или целосно да ги промените само со едно парче проѕирна тантела.

Ова се само дел од идеите за кои нема да ви треба многу време, ниту пари, а ќе добиете нови омилени маички за летово: