Сигурни сме дека во вашиот орман постои некоја маица која никогаш повеќе нема да ја облечете., а истата таа има некој интересен дезен и некако не ви дава срце да ја исфрлите. А сега замислете си дека таа иста маица може на еден многу едноставен начин да стане прекрасна марама која ќе ја износите оваа сезона.

Потребни се само една маичка и ножици.

Исечете ја маичката под ракавите, потоа сечете лентички со должина и ширина по желба и на крај малку растегнете ги.

Изгледот на марамата зависи од бојата на маичката и од тоа какви реси ќе направите, па може да добиете кратка, долга, шарена, раскошна…

Истата марама може да биде долга кога се носи пуштена, и кратка ако уште еднаш се префрли околу вратот.

И сега погледнете што ќе добиете … добивате марама налик онаа на прекрасната Хајди Клум.

Налетавме на една неверојатно добра идеја односно како да си направиме алка – панделка од парче кожа. И едноставно не можеме да не ја споделиме со вас. Изгледа мошне ефектно и фенси и на рака ќе стои одлично како во комбинација со фармерки и топ, така и со вечерно секси фустанче.

Еве што ви е потребно:

–          Парче кожа со димензии околу 22*10 см,

–          Ножици,

–          Лепак за кожа,

–          Игла и конец,

–          Тик так копче,

Ако ги имате материјалите останува само да ги следите инструкциите од фотографиите во галеријата!

Имате некаква свечена прилика, а немате соодветна чантичка? Не очајувајте бидејќи не мора да потрошите цело богатство за да купите нова…

Потребно е да имате малку фантазија и да сте љубител на „направи сам“ проекти. Денес ви претставуваме фантастичен „направи“ сам проект за моден додаток кој ќе ја направи вашата модна комбинација шик.

Потребни материјали:

• футрола за очила
• супер лепак
• четка
• спреј во саканата боја
• брош или украсна шнола

Постапка:

Испрскајте ја футролата со спреј во саканата боја. Почекајте да се исуши.

Откако ќе се исуши бојата земете ја шнолата или брошот и залепете ја во центарот на футролата.

Вашата чантичка е спремна за носење!

Овој спреј е идеално решение за сите мајќи чии девојчиеа не сакаат да се чешлаат бидејќи ги боли, а сето тоа заради замрсената коса. Еве како да направите спреј за замрсена коса.

Потребни состојки:

*Едно големо шише со распрскувач

*1,5 чаши дестилирана вода

*3 лажици корен од слез

*2 лажици регенератор за коса по избор

*10 капки етерични масла по избор

Коренот од слез полиете го со водата и ставете го да зоврие во помал сад, намалете ја температурата и оставете да се крчка 20-30 минути.

Потоа оставете ја течноста да се излади па исцедете низ густа газа. Додека течноста е сеуште топла ставете ја во шише со распрскувач, додадете го регенераторот и етеричните масла па добро измешајте.

Спрејот за коса нанесувајте го после секое миење.

Вака подготвениот спреј можете да го користите два месеци.

Желатинот е познат по неговиот ефект на затегнување и затоа се користи за поткревање и корекции на образите и подбрадокот во многу салони за убавина.

Ја одржува кожата здрава и ја подмладува и ја подобрува нејзината општа состојба. Што е најважно од се, желатинот ги измазнува брчките, ја омекнува и избелува кожата и ја подобрува циркулацијата на крвта. Поради сите овие позитивни својства на желатинот, тој се користи како основна состојка на крема за подмладување која можете да ја направите сами.

Потребни состојки:

–    1/2 чајна лажичка (говедски) желатин
–    50 мл. вода
–    1 полна супена лажица мед
–    50 мл. аптекарски или растителен глицерин (глицерол)
–    ¼ таблета иситнет аспирин од 200 мг

Измешајте ги убаво сите состојки и ставете ги во емајлиран сад. Загревајте го садот на врела водена пареа, 5-7 минути, со постојано мешање, додека не добиете хомогена смеса и потоа тргнете ја на страна да се олади. Додека се лади, матете со маталка или миксер на најслаба брзина за да добиете желатинеста крема. Оставете убаво да се олади и ставете во соодветна кутија (на пример од претходна крема што сте ја потрошиле) и ставете во фрижидер. За неколку часа во фрижидерот смесата ќе се стврдне и ќе стане желатинеста крема.

Кремата се нанесува секојдневно, навечер, околу 2 часа пред спиење, и се остава да отстои 20 минути. Земете со рака количина која ви е доволна за едно нанесување, малку загрејте со прстите или дланките и нанесете на лицето, вратот и деколтето. По 20 минути избришете ги остатоците од кремата што не се впиле во кожата со хартиено или влажно марамче.

Количината на кремата е доволна за еден месец. Ако не ја потрошите, направете нова, бидејќи не се препорачува да стои подолго од 1 месец. Се чува на горната полица од фрижидерот.

Желатинот може да се искористи и на други начини.

Ленти со желатин за чистење на порите на лицето

Овие ленти со желатин ќе ви бидат од голема помош ако се борите против акни и митесери на лицето. Се меша по 1 голема лажица желатин и млеко, се загрева кратко 10-15 секунди во микробранова печка или на водена пареа, и потоа смесата се нанесува со четка на проблематичните делови од лицето, на пример на носот. Се остава да делува 10-15 минути и потоа лентата се трга со брзо движење. Постапката се повторува 2 пати неделно во текот на 1 месец.

Маска со желатин за избелување на пигментни дамки на лицето

Измешајте 20 гр. желатин со 50 мл. врела вода и додадете 20 мл. сок од лимон. Нанесете ја маската на лицето со памук или памучно крпче и оставете да отстои 15 минути. Измијте со топла вода. За најдобри резултати треба да направите третман од 10 маски, по 2 пати неделно, вкупно 5 недели.

Маска од желатин за лифтинг

Растворете 1 чајна лажичка желатин во 50 мл. топла вода. Додадете 100 гр. овесни снегулки, кои претходно сте ги оставиле да омекнат во топла вода, и половина мала лажичка мед. Нанесете ја маската на исчистено лице и оставете ја да отстои 15-20 минути. Измијте со топла вода. Се прави третман од 10 маски, на секои 2-3 дена.

За овој мал проект потребни ви се: сатенска трака, игла. конец, ножици, копче, безопасна игла и малку ентузијазам да направите нешто за себе. Ќе ви биде потребно не повеќе од еден час работа.

За правењето на ваков брош постапката е многу едноставна, не е потребно поголемо знаење за шиење. Одберете ја широчината на сатенската трака во зависност од тоа колкава сакате да биде големината на брошот.

Кога ќе ги набавите сите потребни материјали имате се можете да почнете со работа. Исечете од сатенската трака една мало парче со должина од 20 сантиметри. Краевите на парчето малку загрејте ги со помош на запалката, за да не дојде до распаѓање на брошот при следните чекори. Преклопете ги краевите на траката една преку друга и сошијте ги.

Следен чекор е бочното шиење на траката ( како на сликата).

Потоа од сатенската трака повторно исечите парче од 2 сантиметри, и повторно со запалката загрејте спојте ги краевите.

Превиткајте го парчето на половина и обмотајте го централниот дел на машната. Сошијте на задната страна.

Од кога ќе добиете готова машна следи нејзина декорација. Сошијте го копчето на предната страна ставете ја безопасната игла на задната страна од машната и брошот е готов.

Овој вид на брош можете да искомбинирате на различни начини, на гардероба, марами, чанти, траки за коса…