Еден мал додаток на вашите чевли може многу да го промени нивниот изглед. Во случајов, чипка.

Овој период чипката е многу популарна и се додека е умерено застапена и со вкус во вашата гардероба, таа изгледа супер.

Еве што ви е потребно за да ги направите овие чевли:

– високи потпетици

– две исти парчиња чипка

– лепак за ткаенина

Единствено што треба да направите е да ја залепите чипката на чевлите и да почекате да се исуши.

Нели сега вашите потпетици изгледаат многу поубаво?

Се повеќе можеме да го почувствуваме крајот на зимата, и надоаѓањето на првите топли пролетни денови. Можеби е време да започнете да размислувате за времето кога ќе ги соблечете чизмите, и ќе ги ослободите вашите стапала во лесни, елегантни балетанки. Доколку се сметате себеси за девојка која не се плаши да експериментира со своите обувки, тогаш можеби оваа идеја за освежување на минатогодишните обувки е токму за вас.

Погледнете како брзо и лесно да создадете сопствен редизајн на вашите чевли.

Потребни материјали:

– обични (по можност еднобојни) балетанки
– кожни врвки
– направа за бушење дупки на кожа
– маркер

Подготовка:

1. На самата средина на балетанките пробушете дупка.

2. Низ неа провлечете ја кожната врвка. Потребно е краевите да ви останат еднакви на двете страни. Нив ќе ги провлечете низ нови две дупки кои ќе ги направите од двете страни на балетанките (како на фотографијата).

3. За уште подобар ефект, направете уште две дупки, вкрстете ги врвките, и продолжете нагоре кон глуждовите.

На овој начин ќе го добиете овој ефект на необични, кул балетанки, за кои со гордост ќе можете да кажете дека самите сте си ги направиле.

Шалот освен што не грее, претставува и еден од клучните модни додатоци кои вашиот стил ќе го издигнат на повисоко ниво. И оваа година во мода ќе бидат карираните шалови од фланел кои можете да ги комбинирате со било кој стил.

Ако веќе не сте набавиле еден, можете сами да го направите, а ние ви покажуваме и како.

Потребен материјал

2м фланел во саканата боја

кројачко метро

ножици

распарува

шпенадли

машина за шиење

Фланелот исечете го по должината на половина така што ќе добиете две парчиња материјал со димензии 0,51 на 1,8m. Ќе добиете два широки шалови. Ако сакате потесно, исечете ги овие половини повторно по должината и ќе добиете 4 еднакви делови.

Со распарувачот извлечете еден конец од краткиот раб, така што ќе добиете реси со должина од 2cm.

Долгите страни свиткајте ги и закачете ги со шпенадли, а потоа користејќи машина за шиење зашијте ги рабовите и на тој начин порабете го шалот.

И тоа е тоа! Ако ви остана вишок материјал направете повеќе шалови и подарете им ги на вашите најблиски.

За овој мал проект потребни ви се: сатенска трака, игла. конец, ножици, копче, безопасна игла и малку ентузијазам да направите нешто за себе. Ќе ви биде потребно не повеќе од еден час работа.

За правењето на ваков брош постапката е многу едноставна, не е потребно поголемо знаење за шиење. Одберете ја широчината на сатенската трака во зависност од тоа колкава сакате да биде големината на брошот.

Кога ќе ги набавите сите потребни материјали имате се можете да почнете со работа. Исечете од сатенската трака една мало парче со должина од 20 сантиметри. Краевите на парчето малку загрејте ги со помош на запалката, за да не дојде до распаѓање на брошот при следните чекори. Преклопете ги краевите на траката една преку друга и сошијте ги.

Следен чекор е бочното шиење на траката ( како на сликата).

Потоа од сатенската трака повторно исечите парче од 2 сантиметри, и повторно со запалката загрејте спојте ги краевите.

Превиткајте го парчето на половина и обмотајте го централниот дел на машната. Сошијте на задната страна.

Од кога ќе добиете готова машна следи нејзина декорација. Сошијте го копчето на предната страна ставете ја безопасната игла на задната страна од машната и брошот е готов.

Овој вид на брош можете да искомбинирате на различни начини, на гардероба, марами, чанти, траки за коса…

Желатинот е познат по неговиот ефект на затегнување и затоа се користи за поткревање и корекции на образите и подбрадокот во многу салони за убавина.

Ја одржува кожата здрава и ја подмладува и ја подобрува нејзината општа состојба. Што е најважно од се, желатинот ги измазнува брчките, ја омекнува и избелува кожата и ја подобрува циркулацијата на крвта. Поради сите овие позитивни својства на желатинот, тој се користи како основна состојка на крема за подмладување која можете да ја направите сами.

Потребни состојки:

–    1/2 чајна лажичка (говедски) желатин
–    50 мл. вода
–    1 полна супена лажица мед
–    50 мл. аптекарски или растителен глицерин (глицерол)
–    ¼ таблета иситнет аспирин од 200 мг

Измешајте ги убаво сите состојки и ставете ги во емајлиран сад. Загревајте го садот на врела водена пареа, 5-7 минути, со постојано мешање, додека не добиете хомогена смеса и потоа тргнете ја на страна да се олади. Додека се лади, матете со маталка или миксер на најслаба брзина за да добиете желатинеста крема. Оставете убаво да се олади и ставете во соодветна кутија (на пример од претходна крема што сте ја потрошиле) и ставете во фрижидер. За неколку часа во фрижидерот смесата ќе се стврдне и ќе стане желатинеста крема.

Кремата се нанесува секојдневно, навечер, околу 2 часа пред спиење, и се остава да отстои 20 минути. Земете со рака количина која ви е доволна за едно нанесување, малку загрејте со прстите или дланките и нанесете на лицето, вратот и деколтето. По 20 минути избришете ги остатоците од кремата што не се впиле во кожата со хартиено или влажно марамче.

Количината на кремата е доволна за еден месец. Ако не ја потрошите, направете нова, бидејќи не се препорачува да стои подолго од 1 месец. Се чува на горната полица од фрижидерот.

Желатинот може да се искористи и на други начини.

Ленти со желатин за чистење на порите на лицето

Овие ленти со желатин ќе ви бидат од голема помош ако се борите против акни и митесери на лицето. Се меша по 1 голема лажица желатин и млеко, се загрева кратко 10-15 секунди во микробранова печка или на водена пареа, и потоа смесата се нанесува со четка на проблематичните делови од лицето, на пример на носот. Се остава да делува 10-15 минути и потоа лентата се трга со брзо движење. Постапката се повторува 2 пати неделно во текот на 1 месец.

Маска со желатин за избелување на пигментни дамки на лицето

Измешајте 20 гр. желатин со 50 мл. врела вода и додадете 20 мл. сок од лимон. Нанесете ја маската на лицето со памук или памучно крпче и оставете да отстои 15 минути. Измијте со топла вода. За најдобри резултати треба да направите третман од 10 маски, по 2 пати неделно, вкупно 5 недели.

Маска од желатин за лифтинг

Растворете 1 чајна лажичка желатин во 50 мл. топла вода. Додадете 100 гр. овесни снегулки, кои претходно сте ги оставиле да омекнат во топла вода, и половина мала лажичка мед. Нанесете ја маската на исчистено лице и оставете ја да отстои 15-20 минути. Измијте со топла вода. Се прави третман од 10 маски, на секои 2-3 дена.