Дали Бранко Црвенковски ќе биде сменет ?

Мислам дека Бранко и врхушката околу него, заедно со најтврдите подржувачи, живеат со матрица од социјалистичкиот систем, кога постоеше само една партија во која членуваат само "најинтелигентните", "најпаметните", "најспособните", "најобразованите" и "најкултурните луѓе", па според тоа, како по некое непишано Божје правило, водењето на државата им припаѓаше само ним.

На таквата самобендисаност, ароганција и игнорантност кон реалноста на животот не може ништо разумно да се противстави затоа што соочувањето со илузијата на нивниот светоглед се граничи со тотална лична катастрофа. 

Од една страна ги жалам младите, способни и перспективни членови кои премногу вложија во љубвта со Бранко, па сега не можат така лесно да се разведат од него, но од друга страна тоа покажува дека или не биле доволно остроумни за да го прочитаат нивниот лидер или биле премногу амбициозни во својата егоистичност и сметале дека ризикот на крајот ќе им се исплати со некоја добро платена државна фотеља и некој иден профитабилен шверц со нафта.

Во секој случај, жално е за Македонија што ќе мора уште извесно време да се соочува со непотребни потресувања и тензии од изветените маратонци  кои го трчаат последниот круг и како хипнотизирани уште до недоглед го рецитираат слоганот "Многу сме јаки, многу сме јаки, многу сме јаки..."