Милан го растури Интер со резултат од 3:0 во рамките на италијанската Серија А...

Милан го победи Интер на градското дерби во Милано и ја зголеми предноста на 5 бода.

Резултатот се отвори веќе во 1. минута со голот на Пато, а само неколку минути Маикон во шеснаесетникот ја скроти топката со рака, но скандалозно судијата не покажа на белата точка. Во понатамошниот тек од натпреварот Интер скоро и да немаше контакт со топката, додека Милан покажа перфектен фудбал. Росоњерите во второто полувреме продолжија со доминацијата, а Интер пак во 54. минута покрај слабата форма остана и со играч помалку откако Киву го фаулираше Пато и заработи црвен картон. Бразилскиот стратег тактички го извади Пандев и на негово место влезе Кордоба. Потоа во 62. минута Милан ја искористи предонста и преку Пато дојде до водство од 2:0 и продолжи да напаѓа, а Интер преку одличните интервенции на Цезар се спаси од уште поголем срам. Во финишот на натпреварот нероазурите повторно агресивни, во 90. минута Занети го фаулираше Касано во шеснаесетникот по што судијата покажа на белата точка. Касано го реализираше пеналот и заокружи на 3:0 што воедно беше и конечен резултат на натпреварот. Антонио Касано потоа за кратко заработи црвен картон.

Со овој пораз Интер многу ги намали шансите за освојување на Скудетото оваа сезона.

Нероазурите ќе пробаат да добијат утеха во следниот натпревар против Шалке во рамките на Лигата на Шампионите.

На четири кола до крајот на сезоната Милан има осум бода во однос на второпласираниот Интер па чудо треба да се случи за Росоњерите да освојат без Скудетото.

Пред почетокот на ова коло, Алегри го посочи дуелот со Бреша како најважен во сезоната на Милан и стратегот сигурно е пресреќен што неговиот тим славеше со 1-0.

Росоњерите имаа голем број шанси но го постигнаа победоносниот погодок дури во 82та минута кога Робињо реализираше еден успешен контра-напад.

Сампдорија со 1-0 славеше на гостувањето кај Бари откако Поци во 59та минута прециозно ја реализираше најстрогата казна со што тимот од Сан Паоло ги загуби и теоретските шанси за опстанок во Серија А.

Дерби средбата помеѓу Интер и Лацио заврши со победа на Нероаѕурите од 2-1 а Бјанкочелестите можат да жалат за пропуштената жанса да обезбедат поволен резултат на Џузепе Меаца.

Гостите од Рим го отворија резултатот во 24та минута откако Зарате прецизно ја реализираше најстрогата казна а покрај водството, Лацио имаше и фудбалер повеќе на теренот откако голманот на Интер, Жулио Цесар доби црвен картон.

Сепак на пет минути пред крајот на првото полувреме, Весли Снајдер прекрасно изведе слободен удар од 25 метри и го совлада Муслера за изедначување на резултатот на 1-1.

Иако со фудбалер помалку, Интер преку Самуел Ето во 53та минута стигна до водство од 2-1 откако интернационалецот од Камерун го искористи киксот на Биава и ја затресе мрежата на Лацио.

Со овие три бода, Интер се искачи на втората позиција на табелата откако Наполи доживеа пораз на гостувањето кај Палермо.

Наполитанците имаа одличен старт на средбата и водство уште во втората минута со голот на Кавани од пенал.

Но во 37та минута Балзарети стрелаше прецизно за 1-1 а во финишот на првото полувреме, Бово со удар од белата точка направи комплетен пресврт и донесе водство од 2-1 за Палермо.

Поразот на Лацио во Милано не го искористи Удинезе откако Парма славеше со 2-0 на гостувањето на Фриули.

Двоен стрелец за гостите беше Амаури кој го отвори резултатот во 13та минута а потоа во финишот на средбата го постави и конечниот резултат.

Рома ги задржа шансите за топ-четири пласман благодарејќи на минималната победа и трите бода во дуелот со Киево остварени со погодокот на Симоне Перота.

Џенова и Лече одиграа возбудлив натпревар во кој домакините славеа со 4-2.

Ди Микеле ги донесе гостите во водство во третата минута но седум минути подоцна домакините возвратија преку погодокот на Флоро Флорес.

По половина час игра, Ди Микеле повторно го врати Лече во водство но непосредно пред одморот Родриго Паласио го изедначи резултатот.

Истиот фудбалер во 54та минута ја донесе екипата на Џенова во водство од 3-2 а во 62та минута Флоро Флорес ги постави конечните 4-2.

Чезена си ги зголеми шансите за опстанок откако победи со 2-0 на гостувањето кај Болоња со погодоците во второто полувреме на Цакерини и Малонга.

Во натпревар во кој резултатот не беше од големо значење, Фиорентина славеше со 2-1 на гостувањето кај Каљари.