Специјални единици

Секогаш први на удар Алфите ....

 Тие се тим, не се поединци. Кај нив тешко се влегува, а лесно се излегува. Нема врски, нема ургенции. Секојдневно добиваат  барања од припадници во МВР кои сериозно ги разгледуваат . Многумина се обиделе кај нив, многумина си заминале.... Едноставно, останале... тие што си ја сакаат работата...

Специфичноста на работата на единицата Алфа, ризиците и опасностите низ кои секојдневно минуваат се гледа и низ фактот што од нивното формирање во 2005 година па досега тие имаат една жртва, дваесетина ранети и над 50 повредени припадници. Самиот црн биланс покажува низ што минуваат тие борејќи се со криминалот во мирнодопски услови.
Јавноста безмалку е секогаш запознаена со нивните акции кои ретко биле неуспешни, а криминалците биле изведени пред лицето на правдата.



Полицајците од единицата Алфа велат дека тие се еден вид братство во кое тешко се влегува, но сепак не се сметаат за некаква елита во министерството.
Сите до еден велат дека не може секој да работи во нивната единица затоа што навистина треба многу храброст за секојдневно да си очи во очи со криминалците по улиците.
- Ние сме тим, не сме поединци. Кај нас тешко се влегува, а лесно се излегува. Нема врски, нема ургенции. Секојдневно добиваме барања од припадници во МВР кои сериозно ги разгледуваме. Многумина се обидоа кај нас, многумина си заминаа. Едноставно, останаа тие што си ја сакаат работата, коментираат тие.

За да бидеш припадник на ова единица потребно е пред се да си вработен во МВР и да имаш најмалку неколку години работно искуство.
Секој потенцијален кандидат минува низ специфични психифизички тестови, но тие не се пресудни. Битно е и образованието како и успесите во работата.


Што треба за да станеш Алфа?

Во почетокот на постоењето на единицата јадрото беше составено од припадници на специјалните полициски сили, Тигар и ЕБР, а во помал број беа полициски оперативци. Тоа важеше и при поделбата на тимовите. Но оттогаш е сменет начинот на функционирање на единицата, па затоа сега сите припадници минуваат низ иста обука со која се изедначуваат знаењета, па така секој полицаец може да учествува во различни ситуации и проблематики.
Обуката е можеби најбитниот дел во функционирањето на Алфа, па така тие една третина од времето ја минуваат на полигон или во училниците каде инструкторите им ги пренесуваат знаењата, техниките и тактиките за борба со сите видови криминал.

 
Порано бевме сила.... Сега сме мозок....! коментираат полицајците.