Најдобрите македонски ТВ реклами

„Македонија вечна - храна“ првонаграден на фестивал во Будва

Телевизискиот спот „Македонија вечна - храна“ на домашната агенција „Република“ ја доби првата награда во категоријата телевизиска продукција на Меѓународниот фестивал за туристички комуникации што овој викенд се одржа во Будва, Црна Гора. На фестивалот се натпреваруваа над 80 проекти од Словенија, Македонија, Србија, Босна и Херцеговина, Хрватска, Косово и Црна Гора. Покрај тие од телевизиската продукција, се оценуваа и проектите во категориите печат, веб, настани, иновации. Гран при доби хрватската агенција „Кухариќ Матош“ за кампањата „Атлас аиртоурс ски“. Меѓународното жири го сочинуваа еминентни имиња од областа на огласувањето и туризмот во регионот: Иво Лауренчиќ од Македонија, Иван Станковиќ од Србија, Едвин Јурин од Хрватска, Јиржи Хаек од Чешка и Александар Ланг од Бугарија.