Фан клуб Ренова

За разлика од подготовките во Дојран, есенскиот шампион не може да се пофали дека во Охрид се работи според планот. Само една пријателска средба од планираните четири одигра Ренова.

Поради катастрофалните услови мечевите со Тетекс и Охрид изминатиот викенд не се одиграа, а пропадна и "тестот" против Инџија бидејќи од истите причини српскиот тим се врати дома. Ренова во Охрид ќе остане до среда, односно утре, а потоа се враќаат во Тетово. Спасот на подготовките и одигрувањето пријателски средби тетовските "сино-бели" го гледаат во турнирот "Вуко Каров", кој ќе се одржи на 20 и 21 овој месец во Кавадарци. Таму Ренова ќе одигра два натпревара, а со оглед на тоа дека се слободни во првото коло од пролетниот дел, се преговара и со косовски тим за средба на 27 или 28 февруари.

"Нема услови за одигрување натпревари во Охрид. Се обидуваме што е можно подобро да го искористиме периодот со одигрување на два гола и секако двојни тренинзи. Во Охрид нема да одиграме ниту една средба, а на турнирот во Кавадарци ќе одиграме два меча. Во преговори сме со косовски тим за пријателски меч на 27 или 28 февруари, а во зависност од тоа кој ден ќе биде договорен ќе го закажеме и местото на одигрувањето на средбата. Секако дека планот ни е нарушен, ни недостасуваат мечеви, но не сме единствените кои го имаат овој проблем. Ист е случајот со сите екипи кои се во Охрид. Кај фудбалерите исто така се чувствува замор поради лошиот терен, но добро е тоа што нема повредени", истакна тренерот Влатко Костов.