Рецепти за солени јадења

Ролат со кисела зелка

Лисјата зелка исчистете ги од тврдите делови.
Поставете алуминиумска фолија со димензии колку тавата во кој ќе го печете ролатот и на неа наредете ги лисјата од кисела зелка во правоаголна форма. Слободно наредете два, три слоја од зелка.

За филот, најпрво издинстајте го ситно исечканото кромитче, додајте го изренданиот морков и лукчето и тргнете го настрана. Додајте ја средата од парчињата сув леб кои претходно сте ги потопиле во млеко (исцедени), јајцето и месото, зачинете и добро измесете ја смесата.
Сместа ставете ја на крајот од лисјата и со помош на фолијата направете ролат.
Сатвете го ролатот во тавата, да се пече отприлика 1 и 1/2 час на 200 степени, отворете ја фолијата и оставете го ролатот да се допече уште петнаесетина мнути.
Сервирајте го со прилог по ваша желба. Јас го употребив пикантниот сос како подлога на парчињата ролат.

Мусака од кисела зелка и мелено

Вообичаената комбинација кисела зелка-мелено добро функционира секогаш, а за промена овој пат во форма на мусака.
Од киселата зелка, која прво се одкиселува и одсолува така што ќе отстои во вода, се цедат лисјата добро, се сечка на ситно и се става на оган во поширок сад, да се испари целата течност.
Се става малку масло и се потпржува, малку да добие боја па се налева 150мл. вода нека крчка,истата постапка уште 2 пати се применува, така расолот сосема треба да се омекни и потпржи. На сам крај кога се става на врв на лајче фино мелен црвен пипер и се трга настрана.
Следната постапка е пропржување на меленото. На сечкан кромид и малку масло се додава лук, мелено месо, нека забели како и вообичаено што се приготвува,. Следуваат зачините, малку мелен пипер и тука нека се измеша заедно некоја минутка на оган.
Во тавче се истура половина од смесата со динстан расол, се рамни со тапкање, над него меленото, се става ситно дробена сува пиперка, лист ловор, најгоре пак се прекрива со остатокот од раслот, се рамни и сега така наредена смесата се полева со врела вода во која сме ја ставиле говедската коцка да се истопи. Водата треба да го е до нивото на расол во тавчето се печи на 200 во рерна да си добие убав потпечен слој одозгора, но и цела течност да испари при печење. Редовно за прилог луто феферонче или макало и чаша црвено вино.

Спанаќ со свинско и бешамел

Кај нас секогаш спанаќот бил омилен ама секогаш сум се задржувала на она класично приготвено во тавче со ориз. Ама овој пат решив да сменам и сите беа задоволни. Лесно е за подготовка, а е вкусно ммм ..

Најпрво исечето го месото на коцки, ставете го во тавче поголемо во тоа тавче ќе се приготвува целото јадење. Зачинете го по желба ставете зејтин и полијте го со вода колку да се покрие месото. Ставете го во рерна на 200 степени да се пече.

Кога ќе го ставите месото почнете со подготовка на спанаќот. Убаво измиен и исчистен ставете го на кратко во зовриена посолена вода колку да омекне. Исцедете го и исецкајте го. Во тавче со малку зејтин пропржете го кромидот и додадете го спанаќот, Попржете уште малку и тргнете го од оган. На страна изматете со вилушка 2 јајца и измешајте ги во спанаќот.

Подгответе го бешамелот. Во тавче ставете го путерот. Кога ќе се растопи ставете брашно во него и убаво измешајте да се соедини. Додадете го млекото посолете и оставете да крчка додека да се згусне. Тргнете го од оган додадете го ренданиот кашкавал.

Извадете го месото од рерна. Ставете го врз него спанаќот, рендан кашкавал и на крај посипете со бешамелот. Вратете во релна да се испече додека убаво зарумени

Лесно а многу вкусно.Добар апетит

Реден подварок со кисела зелка

Подготовка
1. Зелката исечете ја на потенки кругови. Месото исечете го на тенки парчиња како шницли.
2. Тенџерето во кое ќе го спремите подварокот добро го премачкајте со свинска маст.
3. Земате од зелката и наредете првиот ред. Врз него посолете по малку бибер, малку црвен пипер, буковец, наредете парчиња од месото. Земајки од секој вид на месо по едно парче, врз него ставете тенки парчиња од сланината. Врз месото ставете пак кругови од зелката, пак зачинете, ставете ловор, ставете 1-2 суви пиперки, морковот исечен по должина или ако е потенок може и цел, целите главици лук кој добро ги измивате, но не ги лупите, евентуално можете да ја одстраните само горната лушпа - главиците треба да останат цели. Повторно од зелката, зачинете, пак месо и затварате со последните кругови од зелката. Зачинете. Со цели листови од зелката добро затворете ја површината над зелката. ставете зачинете пак, ставете неколку лажици од маста, добро ја налегнете. Налегнете со некој сад (најчесто тањир) повторно налегнете, залејте со расолница, ставете да се крчка на тивок оган најмалку 3 часа.
Подварокот е готов кога зелката е мека, а месото разварено. Не смее да дозволите да ви одоздола загори, но не и да има вода. Овој подварок се сече и се вади парче од тенџерето, се јаде со вилушка.
Уживајте во еден убав неделен ден со вака спреман подварок.
Совет
- Вака спреманиот подварок за мене е највкусниот.
- Кој не користи свинска маст заменете со зејтин.
- Доколку не сакате да биде вака реден туку дробена зелка, слободно тоа го направете, но редете го на овој начин.
- Можете да вадете од зелката и само листови, во листовите ставете парче месо и само преклопете го - пак така редете и зачинувајте.
- Доколку го сакате малку поинаков, запржен, тогаш напрвете една подпршка, залијте ја добро налегнатиот подварок, па дури тогаш ставете ја расолницата. Подрпшката ќе спадне долу и повторно варете на многу тивко.
- Сол не користам бидејки заливам само со расолница. Доколку ви е многу солена расолницата, тогаш ставете вода или поделете пола - пола. Кога крчка со расолница има сосема друг вкус.
- Подварокот во нашиот дом се спрема некој пат и од вечер на сосема тивко крчка до нареднот ден.
- Колку повеке се крчка - толку тој е повкусен.
Вака подварокот го спрема мојот сопруг и тоа е за него специјалитет. Морам овде ова да го забележам и да му се заблагодарам. Јас од мајка ми бев научила само со дробена зелка на сличен начин. За овој рецепт јас сум му благодарна. Кај нас овој подварок го носи и неговото име - Ч)))
Нека ви е слатко.

Шарен солен ролат
Потребни состојки:
- 4 јајца
- 1 шоља брашно
- 1 шоља јогурт
- 1 прашок за печиво
- 1 лажичка сол

За шарени кори на ролат:
- зелена боја 4 лажици сецкан сварен спанаќ
- портокалова боја 4 лажици ајвар
- жолто-црн ролат 3 лажици мак

Потребни состојки за фил:
- 200 мл. павлака
- 200 гр. сирење
- 2 лажици мајонез
- 200 гр. шунка

Подготовка:
Одвојте ги жолчките од белките и прво матете ги жолчките. Додајте сол, брашно помешано со прашок за печиво, јогурт. По желба додајте 4 лажици спанаќ/ајвар или мак, во зависност од тоа каква боја на ролат сакате да добиете. Изматете ги и белките во цврст снеги, па потоа со лажица измешајте ги со смесата со жолчки. Сипете во плехот од рерна на кој сте ставиле хартија за печење и печете 10-15 минути на температура од 180 степени. Печениот ролат замотајте го во влажна крпа и оставете да се олади. За тоа време подгответе го филот. Убаво иситнете го сирењето и додајте ја павлаката и мајонезот. Намачкајте ја кората прво со оваа смеса па врз неа ставете ја шунката и формирајте ролат.

Рецепти за солени јадења

Ролат со кисела зелка

Мусака од кисела зелка и мелено

Спанаќ со свинско и бешамел

Реден подварок со кисела зелка

Ручек за уживање: Царски котлети

Како до совршено тавче гравче?

Гиро

Внеси реплика	страница <1 234 5 30 >
Tweet