Зеленчукот насецкајте го на коцки.
На масло прво пропржете го кромидот и црвениот кромид. Па додадете го морковот и целерот и уште малку пропржете. Сега додадете го месото и пропржете малку да омекне. Додадете го останатиот зеленчук освен бамјата и доматите. На ова додадете малку вода и нека се прокрчка на тивок огин. Сега додадете ги доматите и бамјата, долијте со уште малку вода и оставете 15тина минути да прокрчка. Убаво зачинете и исипете се во земјена тава, покрите со фолија и печете 30 мин. на 200 степени. Извадете ја фолијата и допечете уште 15тина мин.

1. Измените и од рачки исчистени лозови млади листови се посолуваат и се остават да стојат 15 мин.
2. На зејтин се пропржува малку поситно исецканото јарешко или јагнешко месо. Кога ќе се зацрви, се вади од тенџерето.
3. Се истиснува водата од листовите кои ја пуштиле, се дробат на ситно, па заедно со исечениот млад кромид се стават на истиот зејтин да се пржат. Се враќа овде испрженото месо и продолжува уште кратко време да се пржи.
4. Се залева со вода, се зачинува и остава да крчка на тивок оган.
5. Кога е готово се подпржува со лажица брашно, малку црвен пипер и уште малку да проврие, се трга.
Се служи со кисело млеко или кисела павлака.

Пилешкиот стек го сецкаме на парчиња и го пржиме со 1 лажица маргарин. Додаваме сол, пипер и мајцина душица. Свинскиот врат го сецкаме на парчиња и го пржиме во посебно тавце со 1 лажица маргарин, се додаваат печурките и откако ќе се испржат се додава сецканиот кроимид и се заедно се пржи. Во тавата се додава пилешкиот стек, коцката за супа и се дотурва вода да повари малку. Морковите и компирите(претходно сварени) ги пасираме и им го додаваме кашкавалот и млекото. Мешаме со миксер се додека се убаво не се соедини како пире. Во тепсија се става половина од пирето над него се става месото и најгоре останатото пире и се печи.

Брашното се одсејува и се помешува со пецивото.

Квасецот со шеќерот се потопува во млако млеко и се остава да надојде.

Сирењети се дроби со вилишка /нека биде понакрупно/и се меша со јајцата.

Маргаринот се дроби со раце во брашното,па му се додаваат останатите состојки од кои се меси средно меко тесто/по потреба се додава усте малку млеко-тоа зависи од врстата на брашно,бидејки секое брашно има различен процент на влага/.

Тестото  поделитего на  два дела. Едната поповина малку развлечете ја во правоаголна форма ,па работната плоча посипете ја со сусам,ставете го развлеченото тесто од горе и развлечете го до дебелина од 1 см.

Развлеченото тесто ,со остар нож или алатка за сечење тњсто,пресечете го на ленти од околу 2 см ширина и уште  еднаш во должина на околу 5-6 цм.

расеченото тесто посипетего со сусам и пофторно со благо притискање со сукалото или оклангијата поминете врз тестото да се залепи сусамот.

Готовите стапчиња ставете ги во подмацкан плен /немора да се многу раздалечени едно од друго/и пецете на умерена температура се додека не се заруменат. Температурата за печење зависи од самиот шпорет,кај мене тоа е околу 220C.

Истото пофторете го и со останатат половина тестото

1: Спанаќот се сечка и се обарува околу 2 мин. во врела вода. Потоа се цеди.

2: Се матат јајцата и во нив се додаваат сите останати состојки, на крај сирењето и спанаќот. Смесата се истура во тава со средна големина (може и овална и правоаголна) и се пече 20мин. на 200С во загреана рерна.

Совет: Најдобро е ако се стави половина гриз половина палента. Исто така може да се измеша сирење и урда. А наместо спанаќ може блитва, зелје и сл.

По желба може горе да се попрска сусам, ким и сл.

Децата го обожаваат :)

Искинете го карфиолот на цветови и обарете го во посолена вода. Кромидот ситно исецкајте го и заедно со меленто месо запржете го во тавче со малку масло. Пред крај, додадете ги зачините и грашокот.
Во намастен огноотпорен сад за печење измешајте ги заедно карфиолот кој ќе го приразделите на уште поситни цветови и содржината со месо од тавата и порамнете одозгора.
Изрендајте го кашкавалот најгоре. Доколку сакате вмешајте кашкавал и во јадењето, не само одозгора.
Јајцата и млекото изматете ги со жица, посолете и побиберете малку и прелијте ја содржината во садот.
Печете го загреана рерна на 200 степени 15-20 мин., односно додека преливот се згусни, а кашкавалот одозгора се растопи и фати малку коричка.
Послужете го топло (не жешко да го јадите како мене =) ), но кој сака ладно исто така е убаво.

Пригоден ролат и за слави - ништо помалку вреден да се спрема и за дома како прилог.
Најпрво вклучете ја рерната на 200 степени.

ФИЛ
- Измешајте заедно исечканите сувомеснато, кашкавалот, морковот, вареното јајце, додадете го живото јајце, измешајте. Ова е веќе филот и оставете настрана.

МЕСНАТАТА КОРА
- Во меленото месо се додава сецканиот кромид, лукот, 2 јајца и двете кришки леб кој предходно се натопени во вода, додадете ги зачините, измешајте, нека одстои малку. Потоа ставете на најлон фолија местото, покријте го исто така со фолија, расукајте кора која ќе е во димензија на плекчето 30 х 20 см.

ПАЛАЧИНКА
- Земете тавче со димензии 30х20 см. и ставете во него еден мал филџан зејтин. Ставете го во рерната да се грее зејтинот.
- Со миксер изматете ги јајцата со солта, додадете брашното и сирењето, измешајте. Излијте ја добиената смеса во тавчето и печете 3 минути. Извадете ја на хартија за печење и заролајте ја. Оставете да се лади.

Оформување
- На веке расуканата кора од меленото месо поставете ја палачинката, врз неа ставете го филот и со помош на фолијата замотајте во малку поцврст ролат. Извадете го ролатот и ставете го во тавчето во кое што се печеше палачинката.
- Загрејте 1 филџан зејтин, посипете врз ролатот, ова за да не пука додека се пече. Намалете ја температурата на рерната на 180 степени и нека се пече околу 30 мин.
Кога ќе биде лесно зацрвенет извадете го, оставете да олади и сечете.

Совет
- Од оваа количина излегува поголем ролат, слободно намалете количините доколку сакате да биде помал ролатот.
- За сукање на кората од месо јас се користам со најлон кеса, го ставам месото во кесата и тогаш сукам, ја расекувам потоа кесата на едната долга страна и широката, така ја отварам кесата и продолжувам понатаму да го дооформувам ролатот како што погоре е напишано.