Богатите шеици од Абу Даби, спонзорите на англискиот премиерлигаш Манчестер сити се решени да не жалат пари за да го ангажираат моментно најскапиот светски фудбалер Кристијано Роналдо, членот на Реал Мадрид, а за таа цел се подготвени да ги – срушат сите рекорди!

Манчестер сити е желен да му нанесе нов пораз на Јунајтед и да ја купи некогашната прва виолина на „црвените ѓаволи“, а за таа цел подготви 250 милиони евра, објавуваат медиуми во Англија. Според последните информации од кампусот на „граѓаните“, спонзорите на Сити се подготвени да издвојат над 100 милиони евра за трансфер обесштетување со што би го надминале досегашниот рекорд на Раал Мадрид кој во 2009 година плати 95, 7 милиони евра кој Манчестер јунајтед за да го купат Португалецот.

Но, тоа што многу повеќе остава впечаток е дека Манчестер сити е подготвен да го направи Роналдо буквално шеик, затоа што му нуди помеѓу 480 и 600 илјади евра неделна плата, што би било повеќе од двојна заработувачка на најскапоплатениот фудбалер во моментов, Самуел Ето во руски Анжи. Според математиката, Роналдо на годишно ниво би имал заработувачка од 31 милион евра само како плата од премиерлигашот.

Извори во Англија и Шпанија веќе посочиле дека 27-годишниот Португалец е заинтересиран да се врати на Островот, пред се оти му премиерлигашкиот фудбал. На сето ова се додава и дека Жорге Мендес, менаџерот на португалскиот ас, во последнава година станал неверојатно блисок со арапските бизнисмени, сопственици на Сити. Инаку Мендес е најбогатиот менаџер, чија менаџерска агенција има вредност над половина милијарда евра.

„Заците од кампот на Роналдо се многу позитивни. Веќе има првичен контакт“, посочил извор блисок до англискиот тим.

Шеикот Менсур бил голем фан на Роналдо и по секоја цена сака да го ангажира, па веќе е пресметано дека за четиригодишен договор Роналдо би добил вкупно 120 милиони евра, а Реал Мадрид околу 130 милиони на име на обесштетување. Инаку шеикот Менсур имал голем респект кон најтрофејниот европски клуб.

„Сити планира да направи тим кој ќе доминира во иднина, но свесни се дека нивната битка за Лионел Меси однапред е загубена, па затоа целта им е Кристијано Роналдо“, посочува изворот.

Роналдо играше во Манчестер јунајтед од 2003 до 2009 година, а во 2008 стана европски првак и ја освои единствената „златна топка“, по што следеше доминацијата на Лионел Меси во светскиот фудбал.