Три меча суспензија за Адебајор

Напаѓачот на Манчестер Сити, Емануел Адебајор доби суспензија од три натпревари поради насилничкото однесување на мечот против Арсенал во саботата. Тогоанскиот репрезентативец е обвинет за намерно газење на противничкиот фудбалер Робин ван Перси, а дополнително ќе одговара за начинот на кој го прослави голот пред гостинските навивачи кои претходно ги нарече најлоши во Англија.

Ван Перси по еден дуел со Адебајор заработи расекотина на лицето, а подоцна робусниот напаѓач го претрча целиот терен за да го прослави голот пред навивачите на Арсенал од кои минатата сезона додека го носеше дресот на "топчиите" често беше исвиркуван. Мораа да интервенираат редарите и полицијата за да се смират страстите и бесните симпатизери на лондонскиот клуб. ФА соопшти дека за секој од овие инциденти ќе има посебно сослушување и ја замоли полицијата да поведе истрага против навивачите на Арсенал кои фрлаа шишиња и разни предмети на теренот. Еден од редарите притоа беше погоден во главата и ја загуби свеста.

"Адебајор врз основа на забрзана дисциплинска постапка е обвинет за насилничко однесување во инцидентот со Робин ван Перси кој тогаш заработи повреда на лицето. Судијата Марк Клатенбург пред ФА изјави дека не го забележал инцидентот, но истакна дека ако го видел сигурно ќе му покажел директен црвен картон на Адебајор", се вели во официјалното соопштение на ФА.

Адебајор мора најдоцна до 30 септември да се изјасни за обвиненијата за неспортско однесување. Пред англиските медиуми вчера тој рече дека не се чувствува виновен. Адебајор ќе го пропушти дербито против Манчестер Јунајтед претстојниот викенд плус мечот со Вест Хем на 28 септември во рамките на Премиер-лигата како и дуелот со Фулам во Карлинг-купот. Веднаш по истекувањето на оваа суспензија ќе се знае дали дополнително ќе одмора, но со оглед на паузата во Премиер-лигата поради квалификациите за СП, враќањето на теренот сигурно ќе биде за околу еден месец.

Менаџерот на Манчестер Сити, Роберто Манчини напорно работи за да ги исполни целите кои ги има зацртано со “граѓаните“. најави дека откако ќе освои некоја титула ќе се врати да биде селектор на Италија.

“Работам и по 18 саати на ден се со цел за да ги постигнеме целите кои зацртавме. За неколку сезони Сити мора да освои шампионска титула, исто како во сите клубови кои досега бев.“

“Во овие моменти мислам само на Манчестер Сити. Ќе останам овде неколку години и еден ден ќе се вратам во Италија за да бидам селектор. Тоа не можам да го негирам.“

“Би сакал да пренесам некои традиции од Англија во Италија. Тука тренерите после натпреварите пијат вино и зборуваат за фудбал, додека фудбалерите јадат со совите фамилии. После свирежот на судијата завршуваат сите расправи.“ - рече Мачини.  

Малку преабмициозна изјава на Манчини со огледа на јачината на првата четворка во Англија.