Мултиплекс склероза

Почитувани,

ја отворам оваа тема со цел да развијам дискусија на истата и да споделиме различни искуства со МС. Ова е само еден мал дел за оваа болест која што е сеуште табу тема (барем кај нас). Поздрав!

Нутриционизам
Мултиплекс склероза

Мултиплекс склероза е автоимуно заболување, при што имунолошкиот систем непотребно постапно ја разурнува миелинската обвивка на нервните влакна. Заболувањето има многу различни симптоми, кои различно се манифестираат кај луѓето. Тие може да бидат: слабост на едната рака или нога, невообичаено пецкање или чудно чувство во различни делови на телото, дуплирање на видот, губење на видот, проблеми во говорот или одењето, зголемено уринирање, прекинување во мислењето или проблеми со помнењето. Дијагнозата на заболувањето се поставува исклучиво во специјализираните клиники врз основа на детални анализи. За причините за ова автоимуно заболување постојат повеќе теории, меѓу кои не се исклучува и неправилниот начин на исхрана, влијанието на загадената средина, последици од тешки трауми, па дури и вирусните фактори. Од некои причини луѓето што живеат подалеку од екваторот почесто заболуваат од ова заболување. Некои како причина го наведуваат и различното дејство на сончевата светлина, но и исхраната во која има поголеми количества заситени масти (масти од животинско потекло).

Човековиот имунитет најефикасно се подобрува со правилна исхрана, што подразбира дека храната треба да се џвака темелно, да се јаде умерено три до пет пати дневно, да не се јаде меѓу оброците како ни во ноќните часови, освен понекогаш овошје. Човекот не се храни со она што ќе го голтне туку со она што ќе влезе во клетките - ќе се искористи. Ако не сме информирани како да му помогнеме на организмот правилно и оптимално да ги искористи компонентите од сварената и разложената храна, ние можеме залудно да јадеме најквалитетна и еколошки најчиста храна, а од неа да немаме никаква корист туку само штета. Храната што е внесена на неправилен начин главно се претвора во токсичен отпад и ја зголемува киселоста на организмот што е основа за развој на дегенеративни заболувања.



Ензими

од свежата храна

Основата на човековиот живот не се витамините туку ензимите, кои се наоѓаат во свежата храна. Точно е дека витамините (растворливи во вода и витамини растворливи во масти) се битни фактори за човековото здравје, но ако предозираме, може да предизвикаме спротивен ефект. Неконтролираното земање витамини, особено липосолубилни (витамини Д, Е, К и А) може да доведе до тешки нарушувања на здравјето. Од витамините, без последици по здравјето, можеме да го предозираме само витаминот Ц, бидејќи многу одамна е констатиран авидитет (глад) на клетките за тој витамин. Ако термички обработената храна не ја комбинираме со храна што содржи ензими (свеж зеленчук, свежо исцедени сокови од свеж зеленчук или свежо овошје), органските компоненти од сварената и апсорбираната храна од крвта не може да влезат во клетките и да учествуваат во размената на материите, туку се претвораат во неоргански компоненти - во токсичен отпад, кој е причина не само за непотребната дебелина, туку и за појава на многу здравствени проблеми.

За оваа нутриционистичка порака треба да размислат болните од мултиплекс склероза како и сите што обожаваат исклучиво варена, пржена и печена храна, а забораваат да јадат свежи салати и овошје. Тие луѓе не можат никогаш да бидат оптимално здрави дури и ако редовно консумираат медикаменти. Приказната дека кога Ескимите, кои консумираат неварено месо и неварена риба, а не консумираат свеж зеленчук и овошје (бидејќи го нема на почва со вечен снег), би јаделе варено месо и риба, би изумреле од ацидоза за многу кус временски период, е апсолутно точна. Тие би изумреле од ацидоза бидејќи вареното месо и риба не содржат ензими што се предуслов за искористувањето на органските компоненти од храната. За среќа другите луѓе јадат варено или печено месо и риба и термички обработена храна, но секогаш ја комбинираат со свежи сезонски салати, кои имаат базна реакција и се богати со егзогени ензими. Можеме да претпоставиме што ќе се случи и дали можеме да бидеме оптимално здрави ако не консумираме свеж зеленчук и свежо овошје заедно со термички обработената храна.

Во исхраната на болните од дегенеративни болести и на болните со мултиплекс склероза треба да преовладува свежата храна. Егзогените ензими, а не дигестивните, кои ги лачи главно панкреасот, се предуслов за надминување на тегобите и услов за појава на таканаречена ремисија (значително подобрување на здравствена состојба), која треба да трае што подолго време.



Природни додатоци

во исхраната

Во исхраната треба да се внесат и разни природни додатоци, а да се исфрлат заситените масни киселини, кои се наоѓаат и во црвените меса, сите хемикалии (конзерванси, адитиви, вештачки засладувачи, ароми и бои), газирани напитоци, хидрогенизирани масла (маргарини) и рафинирани прехранбени производи. Според долгогодишните испитувања на д-р Свонко, кој ги проучувал и бележел резултатите од променетиот начин на исхрана, кај заболените од мултиплекс склероза востановил дека исхраната е пресуден фактор за подобрувањето на здравствената состојба кај заболените. Тој препорачува 20 г ладно цедено нерафинирано маслиново масло дневно наместо сончогледовото, лукот во свежа и обработена форма, витаминот Ц (3 до 6 грама дневно), селен со витаминот Е, но само со 600 интернационални единици дневно, коензим Ку 10 (до 200 мг), витамини од Б-групата преку пивскиот квасец (3 пати по 3-6 таблети дневно) и други додатоци што ќе ги предложат лекарите-специјалисти.

Минералните и витаминските антиоксиданси се неопходни заради заштита на миелинската обвивка од агресивното и штетно дејство на оксидансите (слободните радикали) - кислород во молекулска форма, како и од другите агресивни компоненти.

Од додатоците во исхраната ќе го споменам и матичниот млеч во лиофилизирана форма, кој со редовно консумирање е во состојба да ја запре прогресијата на заболувањето. Свежиот зеленчук и свежото овошје, како и другите прехранбени производи треба да ги јадеме според препораките за исхрана во согласност со крвните групи.

Присуството на ензимите од свежата храна во исхраната на болните од мултиплекс склероза се пресуден фактор, а особено ќе ги истакнеме папаинот од папајата, која се смета како најлековитото овошје, и ензимите од брокола, која се смета за најлековит зеленчук покрај лукот и кромидот. Додатоците и антиоксидансите ќе ја подобрат мозочната циркулација кај заболените од мултиплекс склероза, и ќе го оптимализираат снабдувањето на мозокот со кислород.