Иако многу дами уживаат додека готват, ретко на која не и претставува проблем нередот кој се појавува во текот на процесот.

Денес ви нудиме неколку трикови кои ќе ви ја олеснат работата…

– За работната површина да ви остане колку што е можно почиста, сите состојки ставете ги на хартија за печење. Тоа ќе спречи да се појавуваат дамки по целата кујна и плус на овој начин ќе бидете подобро организирани.

– За да спречите маслиновото масло, или било кое што го користите да се измасти целото, околу грлото на шишето заврзете хартиена салфетка која ќе ја впие целата маснотија.

– Ви се скрши чаша? Сите делови соберете ги со кришка леб, дури и најмалите ќе ги уловите.
– За да ја заштитите тетратката со рецепти, таблетот или пак телефонот од дамки, во текот на готвењето ставете ги под чист стаклен капак.

– Сите отпадоци (лушпи од јајце, кора од зеленчук и слично) складирајте ги во еден поголем сад. Тоа ќе ви заштеди многу време подоцна.

Ако имате некои свои трикови како полесно да го средите нередот во кујната по готвењето, споделете ги со нас…

Бањата треба да биде наша мала оаза во која ќе уживаме, а не мачно место кое постојано треба да го рибаме и средуваме.

Во прилог ви нудиме неколку совети како да си ја олесните работата.

 Намачкајте го огледалото со пена за бричење

Откако ќе го намачкате со пена за бричење се што треба е добро да го избришете и повеќе нема да имате замаглено огледало. Оваа постапка треба да ја повторувате еднаш во три недели.

Најдете место за полица

Полицата е одличен начин за да ги организирате пешкирите, тоалетната хартија, средствата за чистење…За максимално да го искористите просторот, полицата ставете ја над вратата.

Исчистете ги славините и тушот на природен начин

Ако имате чувство дека славината или пак тушот имаат слаб млаз, тогаш веројатно ви се насобрал каменец. За да го решите овој проблем, ставете алкохолен оцет во кесичка која ќе ја прицврстите со ластиче за славината/тушот и оставете ги преку ноќ да се “киснат“. Следниот ден ќе бидат како нови.

Закачете корпички на држачот на завесата за туширање

Ако ви недостасуваат полици и место каде ќе ги складирате предметите во бањата, закачете корпи за држачот на завесата за туширање. Нема да ви пречат, а така сите предмети ќе си имаат свое место.

Корисни трикови со алуминиумска фолија

Алуминиумската фолија може да има повеќе намени отколку што мислите. Освен за пакување на храната и за печење може да се користи и во разни други ситуации.

Од листови фолија направете кугли и ставете неколку во машината за перење пред да ја вклучите. Тие ќе предизвикаат повеќе вртежи на облеката и со тоа ќе ја направат помека. Истиот трик може да го користите и во машината за сушење алишта бидејќи фолијата е одличен сојузник на облеката затоа што ја ослободува од синтетичкиот електрицитет. 

Кога немате жица за чистење стуткајте малку фолија во топче и со неа исчистете го загорениот лонец.

Со фолијата можете да чистите и сребро така што на дното на сад ќе ставите од фолијата, потоа ќе додадете вода и сол. Оставете го среброто внатре околу 10-тина минути и потоа избришете со сува крпа.

За поефикасно пеглање на алиштата поставете фолија помеѓу навлаката и штицата за пеглање. Фолијата ќе ја рефлектира топлината и пеглањето ќе биде пократко.

За острење на ножици земете фолија и превиткајте ја неколку пати. Потоа само пресечете ја со ножиците.

Завесите можат да бидат важен детаљ на ентериерот, но понекогаш тие стануваат досадни.  Доколку ова ви се случило искористете неколку трикови да ги разубавите, да ги направите помодерни или да ја избегнете монотонијата во уредувањето.

Идеи :

Најдете стара шарена марама , превиткајте ја за да добиете триаголник, префрлете ја преку корнизата и прицврстете или сошијте ја на горниот дел на завесата.

Пластично или текстилно цвеќе кое можете да го купите за малку пари, „расфрлете“ го на завесата. Ако завесата е бела тогаш цвеќето може да биде разнобојно,  докека пак за останатите бои избегнувајте ги шарените цвеќиња.

Прешијте трака во друга боја, по можност со реси што поблиску до горниот крај на завесата.

Имате мноштво распар копчиња?  Сошијте ги на различни делови на завесата по желба.

Бањата е местото каде вообичаено при чистење се задржуваме најдолго време. На секого му паѓа мрак пред очите кога требна да се исчисти бањата.

Со овие совети тоа ќе се направи без никаков напор.

Валкана туш завеса

Овие завеси може тешко да се чистат, бидејќи тие се големи и тешки.

Чистење на мувлата во бањата, особено за време на влажно време, може да биде вистински напор. Но, постои решение кое е брзо, лесно и ефтино: во пластичен сад се става околу 4 литри вода и половина чаша варикина. Со користење на гумени ракавици се натопува сунѓер во оваа смеса и се чисти завесата и мувлата. На крај завесата се плакне со вода.

Бигор на славините и тушевите

Нема потреба да се купуваат скапи средства за чистење на овие површини. Заштедете време и пари со тоа што ќе направите паста од еднаква количина на сода бикарбона и сок од лимон. Сo стара четкичка за заби, се нанесува од пастата на славините и другите метални делови. Се остава да отстои пастата неколку минути, а потоа се бришат славините. Ќе светат како нови.

Матно огледало

Чистењето на огледалата и стаклените кабини за туширање ќе бидат најмал проблеми ако се исчистат со  помош на неколку состојки, кои можат да се најдат во секое домаќинство: оцет, сол и сода бикарбона. Стаклата се прскаат само со оцет и се оставаат неколку минути. После тоа, се прави паста со еднаква количина на сода бикарбона и сол. Со помош на сунѓер се нанесува пастата на површината. Се чисти кабината, а потоа се плакне.

Имате дрвен мебел вие сте заљубени во него. Но по одредено време поради надворешни услови  истиот го губи сјајот и побледува. Навикнати сте го полирате дрвениот мебел со хемиски средства за полирање.

Сега е време да пробате нешто друго… ефектот кој ќе го постигнете ќе ве изненади.

Промешајте зејтин и лимонов сок во однос 2:1 и со добиената течност исполирајте го вашиот дрвен мебел и тој ќе свети.

И вашиот дрвен мебел ќе биде повторно со сјај.