Забрана на абортусот

Излезено во денешен „Утрински весник“ во рубрика „Писма“ од страна на

Коалицијата за заштита и промоција на сексуалните и здравствените права на маргинализираните заедници (ХЕРА, ХОПС, МАССО, ЕГАЛ, СТАР, ИЗБОР, ММНШ) реагира по однос на објавениот владин тендер за објаснување на последиците од абортус, наоѓајќи го притоа како потенцијален иницијатор на сериозно ограничување на сексуалните и репродуктивни права на жените и контрапродуктивен согласно со препораките дадени во „Стратегиската процена на политиката, квалитетот и пристапот до контрацепција и абортус во Република Македонија“, издадена од страна на Министерството за здравство и Републичкиот завод за здравствена заштита (октомври 2008) како владини институции.

Коалицијата смета дека тендерската документација во врска со гореспомнатиот тендер претставува документ во кој јасно се гледа дека причините за реализацијата на ваква кампања се различни од целите објавени со самиот нејзин наслов. Имено, станува збор за неколку недоследности и индикатори за можните опасни последици коишто би ги ефектуирала кампањата. Таа истовремено претставува контрадикторна политика на Владата во однос на препораките на Министерството за здравство за унапредување на политиките и програмите за абортус, што укажува на крајна некоординираност меѓу овие институции и непочитување на експертизата од страна на владините здравствени институции.

Првично, сметаме дека изнесувањето податоци кои се повикуваат на шпекулации и неофицијални извори од страна на Владата претставува не само негирање на официјалните податоци со коишто располага Државниот завод за статистика и Републичкиот завод за здравствена заштита, туку недоследност во однос на податоците, заклучоците и препораките произлезени од официјални документи за самото Министерство за здравство. Имено, во „Стратегиската процена на политиката, квалитетот и пристапот до контрацепција и абортус во Република Македонија“, документ изработен во соработка на Министерството за здравство и Републичкиот завод за здравствена заштита во мај 2008 година, јасно се укажува на фактот дека во „2006 година, стапката на наталитет во Македонија е 11,1 на 1.000 жители, а стапката на морталитет е 9,1 на 1.000 жители, што резултира со стапка на годишен прираст на населението од 2,0 на 1.000 жители“, како и дека „во Македонија во изминатиот период бројот на регистрираните абортуси е во постојано опаѓање“. Ваквите податоци не соодветствуваат со податоците изнесени во тендерот, а кои се повикуваат на неофицајални извори и според кои бројката на абортуси во РМ е дотолку голема што е еднаква на бројот на родени лица во една година.

Понатаму, сметаме дека манипулацијата со вакви податоци во името на порастот на наталитетот, а под закрила на целите за укажување на последиците од абортус, претставува само говор на страв со кој се зголемува стигмата спрема жените кои се одлучуваат на абортусот како средство за прекин на бременост, а единствено во името на националните интереси. Аргументирањето на ваквата национална биополитичка стратегија се покажува недоследно доколку се земе предвид и фактот дека се забележува „позитивен тренд на намалување на компликациите кои произлегуваат од неправилното и нестручно изведување на абортусот во несоодветни услови и од нестручни лица (перфорации, ендометрит, сепса итн.)“.

хахаха....филмич, ова ме потсети на еден пост од другарот збунет, еве го,