Турците се подготвуваат да окупираат остр

Грчките вооружени сили се во состојба на највисока борбена готовност, бидејќи Турците се подготвуваат
да окупираат еден остров во Егејското море, пишува во своето денешно издание грчкиот весник “Авриани“, пренесува Нетпрес.
“Со нескриена поддршка од САД, провокациите на Турција во Егејското море, ескалираат и се на пат да доведат до нова Имија“, коментираат за весникот извори од грчкото министерство за одбрана.
Имија се два мали ненаселени острови, кои Турците ги нарекуваат Кардак, и кои во јануари 1996 година беа причина за конфликт меѓу Грција и Турција. Тогаш двајца турски новинари, на едниот од островите поставија турско знаме, на местото на грчкото, кое пак таму било ставено во 1995 година. Веднаш потоа 24 воени бродови на грчката морнарица го опколија островот. Конфликтот, познат како Кризата со Имија, беше решен по неколку дена по дипломатски пат. Двете држави беа приморани да ги повлечат воените сили од тој реон.
“Воената агресивност на Анкара со план за дестабилизиација на Грција, е подготвена по рецепт на тајните служби на САД, чија цел е соборување од власт на непожелните“, додава во својот текст денеска грчкиот весник.



Автор на веста: Нетпрес