МАКЕДОНСКИ НАРОДНИ ПЕСНИ

Бог да бие Русе твојта мајка
твојта мајка Русе, Ангелина,
твојта мајка Русе, Ангелина.

Што не те дават Русе за Џоџета
за Џоџета Русе од Филевци.
Тук' ми те дават Русе за Номета,
за Наумета Русе, од Банџовци.

Нејќи го го Русе џанам тој Наумета,
тој ти сакат Русе многу пари.
Само Џоџе Русе пари нејќит,
само тебе Русе ми те сакат.

Бог го јубил Русе тој Никола
тој Никола Русе, резилето.
Што му дават Русе голем фурсат
да те грабит Русе за полноќе
со колџии Русе, велештани
полојната Русе, охриѓани.

Џоџе врвит џанам со кајчето,
Русе седит џанам на мосчето.
Сал си веслат Џоџе, песна пеит,
песна пеит Русе, сè за тебе
никој око Русе не му клават.

Таксај мајко, таксај, што ќе таксаш:
на Илија мајко, жолти чевли,
на Климета мајко, шал кошула,
на Парета мајко, таки френски,
на Ташета мајко, рало гашчи,
а на Џоџета мајко, тарапанци.

Ќе те носит Русе, Свети Наум
тамо Џоџе, Русе ќе те венчат
и на гробот Русе ќе си легнит,
белким умот Русе ќе му дојдит.
Дал' ќе му дојдит Русе
ил' ќе му излезит

Кажи, кажи либе Стано
што си замислена?
Дали руба немаш Стано
или пари немаш?

Се си имам либе Димчо
само едно немам
само едно немам Димчо
од срце порода.

Јас ќе одам либе Стано
во Солуна града
ќе ти купам либе Стано
дете позлатено.

Пусто да остане Диме
дете позлатено,
кога нема да ми рече,
од срце мајчице