Македонија може да произведува оклопен транспортер

Украинскиот „дозор“ (во превод „граничар“) е оклопен џип, кој може да им конк*рира на американскиот „хамер“ и на британскиот „ланд ровер“, возила што веќе ги користат македонската полиција и војска. Според спецификациите на украинската фабрика, верзијата што ќе се произведува во Македонија е по НАТО-стандарди. Возилото е, пред сè, правено за граничарите, но некои верзии се направени за воени потреби. Македонската верзија ќе биде со германски дизел-мотор од марката „дојц“, со силина од 122 до 197 коњски сили. „Дозор“ има автоматски менувач, оклопна заштита и митралез со калибар од 12,7 милиметри. Има постојан погон на сите четири тркала и постигнува максимална брзина од 105 километри на час. „Дозор“ собира 11 војници или полицајци.