ЕП во ракомет за жени - Македонија 2008

  Како и да е ...нашите ракометарки даваат се од себе , играат

  и повеќе од колку што можат, сите се за пофалба, а додека

 публиката...за неа нема зборови...најдобра...секогаш ги бодри

и испраќа со големи аплаузи, без разлика дали губат или победуваат...

а пак кога ќе го ...распостелат...знамето..........најубавата   глетка..............

ТРЕТ ПОРАЗ НА МАКЕДОНСКАТА РЕПРЕЗЕНТАЦИЈА НА ЕВРОПСКИОТ ШАМПИОНАТ

Ја пропуштивме историската шанса

МАКЕДОНИЈА - ШВЕДСКА 23:24 (13:13)
Сала:"Борис Трајковски" во Скопје. Гледачи: 5500
Судии: Бруновски и Канда од Словачка
Набљудувач: Цидерман од Словенија

Македонија:
Андрејева 7 одб
Треноска 1 одб.
Мечевска 2/2
Тодоровска 10/12
Коцевска 0/1
Кресоја 1/2
Радуловиќ -
Илкова -
Бујанова 1/7
Партенко 6/14
Црвенкоска 1/2
Пецевска 2/5
Бајрамовска -
Новеска 0/1

Седмерци: 9/10
Исклучувања: 2 мин.

Шведска
Каин -
Грундстром 16 одб.
Босон 1/2
Холмгрен -
Хелгесон 2/3
Викенштајн -
Товеби -
Скогсберг 2/2
Утковиќ 2/4
Ериксон 3/4
Алм 8/11
Торстенсон 5/13
Виберг -
Гулден 1/2

Седмерци: 2/3
Исклучувања: 8 мин.

Македонија загуби на најважниот натпревар од главната рунда и ја пропушти историската шанса да се најде во битката за петтото место. Теорија с$ уште постои, ако Хрватска денеска победи со еден гол или два разлика, без да постигне 25 погодоци. Секој друг резултат не ни оди во корист.
А имавме с$ во свои раце, доколку вчера победевме, тогаш без оглед на денешните натпревари ќе игравме и в сабота. Сега останува с$ да решава судбината. Дали мечот со Белорусија ќе биде последен за Македонија на ЕП ќе дознаеме денеска, околу 18:00 часот, кога ќе биде означен крај на првиот меч.

Има по што жалат македонските ракометарки. Не одиграа на потребното ниво, дури и пред полна сала, Швеѓаните беа доволно фокусирани, си ја играа својата игра, за разлика од Македонија, која овој пат беше добро прочитана и клучните играчи беа затворени.
Бујанова постигна само еден гол, и тоа од седум обиди, Партенко 6 од 14 шута, пет гола од пенал. Тодоровска беше единствената која н$ одржуваше во живот и ја чуваше надежта дека ќе успееме да стигнеме до историскиот пласман.
Првиот дел беше израмнет. На моменти водеше Шведска, на моменти Македонија. Имавме 10:9 во 22. минута, од тоа 8 гола беа дело на Тодоровска, два на Пецевска. Ништо не се смени ниту до крајот на полувремето. Факт што треба да се запамети, цело полувреме бековите на Македонија не постигнаа гол од игра!
Сеедно, на одмор се замина со егал 13:13, израмнето беше с$ до 45. минута од мечот (17:17) со тоа што Македонија неколкупати прокоцка шанса да поведе.
И по тоа дојде периодот кој го реши мечот. Серија од 4:0 за три минути и водство од 21:17 за скандинавскиот тим.
Имавме релативно добра шанса да се вратиме, евентуално да стигнеме до реми, но Јохана Алм беше стрелец на головите број 22 и 23 за Шведска, моменти кога направија предност доволна за триумф.
"Загубивме заради слабата реализација, посебно кога имавме играч повеќе во поле", изјави Глигоров на прес-конференцијата по мечот. Тодоровска со грч на лицето и со помош на соиграчите го напушти теренот и се очекува да се види дали ќе биде подготвена да игра денеска.

Р. Ѓ.

ТРЕНЕРИТЕ ДЕНЕСКА НА СОБИР

Онеста и Олсон странски предавачи

Французинот Клод Онеста, Швеѓанецот Матс Олсон, екс селекторот на Македонија, Гино Стрезовски, ќе бидат предавачи на четиридневниот тренерски семинар кој ќе се одржи од денеска до недела.
Се очекува бројка од 150 тренери, кои ќе имаат шанса да чујат главно дефанзивни стратегии, збогатено со улогата на голманот и слично.

ПРВЕНСТВОТО ГИ "ЗАКОВА" ПРЕД ТЕЛЕВИЗОРИТЕ МАКЕДОНЦИТЕ

Рекордна гледаност на МТВ

Евровизијата е единствениот настан кој успеал да собере повеќе гледачи пред малите екрани од преносите на настапите на женската ракометна репрезентација.
Над 660.000 гледачи барем една минута биле пред тв приемниците за натпреварот Македонија-Србија. Тоа е рекорд засега, на второ место е дуелот со Русија, кој собрал 612.000 гледачи.